Цөсний хүүдийн үрэвсэл буюу холецистит

Цөсний хүүдийн үрэвсэл буюу холецистит

350
8
ХУВААЛЦАХ

Цөсний хүүдий нь жижгэвтэр лийр мэт хэлбэртэй хоол боловсруулах эрхтэн юм. Элэгний чанх дор байрлаж, цөсний цорго болох олон тооны гуурсаар элэгтэй холбогддог.  Цөсний хүүдийд цөс хуримтлагдан өтгөрч байдаг. Цөсний хүүдийн үрэвслийг эмч нар “холецистит” гэх бөгөөд хурц ба архаг явцтай байдаг. Хурц үрэвсэл нь архагт шилжиж болно.

Ерөнхий

Цөсний хүүдийн үрэвслийг эмч нар “холецистит” гэх бөгөөд хурц ба архаг явцтай байдаг. Хурц үрэвсэл нь архагт шилжиж болно.

Холецистит ихэнхдээ 40-с дээш насны эмэгтэй хүмүүст тохиолддогийг олон жилийн ажиглалтаар тогтоосон байдаг.

Шалтгаан

Үрэвсэл гэнэт бий болохгvй бєгєєд ямар нэгэн таагvй  хүчин зүйл цєсний хvvдийд  нөлөөлсєн байх ёстой. Ихэнх тохиолдолд цөс чулуужих өвчний суурин дээр үүсдэг. Цөсний чулуу нь хүүдийний ханыг гэмтээх, эсвэл цөс ялгаруулалтанд саад учруулдаг. Vрэвсэлээр євдєгсєдийн 60-с дээш % нь  цєсєнд нь халдвар орсон байдаг.  Жишээлэхэд, гэдэсний савханцар , стрептококк, сальмонель г.м. Эдгээр өвчин үүсгэгч бичил биетүүд нь цус, эсвэл тунгалагын урсгалаар,  12 хуруу гэдсээр дамжин орох боломжтой юм. Мөн vvнээс гадна холециститийг цагаан хорхой, муурны шимэгч, цусан суулга үүсгэгч амёб үүсгэсэн байж болно. Нойр булчирхайн шүүрэл  цөсний хүүдийд орсон үед ч үрэвсэл үүсэх боломжтой. Энэ нь нойр булчирхайн үрэвсэл (панкреатит)  хавсарсан vед  явагддаг.

Цөсний хүүдийн үрэвсэл үүсэхэд тvлхэц болдог бусад хүчин зүйлүүдийг дурдвал:

  • Цөсний хүүдийн төрөлхийн гажиг
  • Цөсний замын агших хөдөлгөөн алдагдах
  • Цөсний хүүдийн гэмтэл
  • Хэвлийн хөндийн хавдар
  • Бодисын солилцооны  алдагдал /чихрийн шижин, судасны хатуурал/
  • Хоолны дэглэм алдагдах ( хол зайтай хооллох, хуурай хоол идэх)
  • Өтгөн хатах,  хөдөлгөөн багатай  амьдралын хэлбэр, жирэмслэлт
  • Харшил
  • Хөгшрөлттэй холбоотой цөсний хүүдийн цусан хангамж  алдагдах  зэрэг орно.

Явц

Цөсний хүүдийн хана гэмтэх, цөсний  урсгал алдагдсанаас  болж үрэвслийн vйл явц эхэлнэ. Үрэвсэл дотор давхарганд явагдах боловч аажимдаа ханын бүх давхаргыг хамарна. Ингэж хурц холецистит vvсдэг. Тодорхой хугацааны дараа /сар, жил/ хүүдийний хана зузаарч хөдөлгөөн нь сулардаг. Vvнээс болж  цөсний урсгал саатаж шинээр чулуу үүсэхээр болдог. Хурц үрэвсэл архаг хэлбэрт шилжинэ.

Шинж тэмдэг

Хурц үрэвслийн үед:

  1. Баруун хавирганы нуман доогуур өвдөх, өвдөлт нь баруун гар, хүзүү цээжний баруун тал руу дамжих
  2. Ам халуу оргих, дотор муухай оргиж бөөлжих
  3. Шарлалт / байнга тохиолддоггvй/
  4. Халуурч магадгүй

Архаг үрэвслийн үед:

  1. Бие эвгүйцэж эсвэл бvр баруун хавирганы нуман доогуур өвдөж ч болох
  2. Гэдэс дүүрэх
  3. Дотор муухайрах, бөөлжих
  4. Өөх тостой хоол идсэний дараа гүйлгэх зэрэг шинжvvд  гарна.

Архаг үрэвсэлийн vед голдуу өөх тостой, шарсан ба утсан зүйл идсэний дараа 2-4 цаг єнгєрєхєд євчин нь ширvvсдэг. Түүнчлэн бие сэгсрэгдэх( машин ба дугуй зэргээр явахад), хэт даарах, биеийн хүчний ачаалал, сэтгэлийн хямрал зэрэг нь мєн євдєлт vvсгэнэ.

Оношлогоо

Цөсний хүүдийн өвчлөл үүссэн үед цаг алдалгүй эмчид үзүүлэх нь чухал. Хурц үрэвслийн үед өвчин эхэлсэнээс 3-4 хоногийн дараа хэвлийн хөндийн үрэвсэл ч гэсэн аминд хүрч мэдэх аюултай байдгийг анхаарах хэрэгтэй.

Цєсний хурц үрэвсэл байх магадлалтай үед эмчийг ирж анхны тусламж үзүүлэхээс өмнө дараахь зүйлсийг хийхийг хориглодог, үүнд:  хэвлийд халуун жин тавих, ходоодоо угаах, туулга уух. Хэвтрийн байдалд байж цөсний хүүдийн орчимд  мєсєєр жин тавина.

Оношийг зєв тавихын тулд эмч өвчтөний зовиурыг анхааралтай сонсож , vзлэг хийх бєгєєд шаардлагатай бол нэмэлт шинжилгээ хийлгэнэ. Ерєнхий болон биохимийн цусны шинжилгээ, хэт авианы оношлогоо хийгдэнэ. Хамгийн тvрvvнд цєсний хvvдий болон цєс дамжуулах замыг шинжилнэ. Хэрэв vрэвсэл хvнд шатанд ороогvй байвал цөсний замын /холангиографи/ ба цөсний хүүдийн (холецистографи) рентген шинжилгээ хийх боломжтой. Тодруулагч бодисыг судсаар эсвэл шууд цєсний цоргоор хийдэг. Харин цөсний цорго 12 хуруу гэдсэнд цутгадаг хэсэгт тусгай дурангийн тусламжтай тодруулагч бодисыг хийх аргыг буцах урсгалын панреатодуоденохолецистографи гэдэг. Ерєнхийдєє энэ vйлдэл нь гастроскоптой ( ходоод дурандах) тєстэй.

Эмчилгээ

Хурц үрэвслийг мэс заслын тасагт эмчилнэ. Эхний хэдэн цагт євчтєнд дусал хийнэ. Гөлгөр булчингийн агшилт тавиулагч эм /ношпа/ болон антибиотик өгдөг. Хэрэв євчин намжвал хагалгаанд (холецистэктоми) бэлдэнэ. Хэрэв хурц илрэлүүд намдахгүй бол хагалгааг шууд хийх хэрэгтэй болдог. Өвчтөн нас өндөр, эсвэл хавсарсан өвчтэй тохиолдолд  арьсаар цөсний хүүдийд гуурс оруулж цөсийг гадагшлуулна.

Цөсний хүүдийн архаг үрэвслийн үед дараах арга хэмжээг авна, үүнд:

  • Хоолны дэглэм барих. Утсан, шарсан, хурц, нөөшилсөн хоол хүнс, бүх төрлийн консерв, хиам, какао, шоколад, архи дарсыг хориотой. Сүү, сүүн бүтээгдэхүүн, жигнэсэн ногоо, хүүхдийн будаа, жигнэсэн загас, мах идэж болно. Цай, компот, жимсний шүүс, сүү, рашаан ууж болно.

  • Но-шпа мэтийн гөлгөр булчингийн агшилтыг сулруулагч эм, цөс хөөгч бэлдмэл хэрэглэнэ.

  • Цөсөө угаах. Цөсийг угааснаар цөс гадагшлах замыг цэвэрлэн, цөсний ялгаралуулалтыг идэвхжин цөөсний хүүдий сулардаг. Цөсийг ходоодны гуурс ашиглан, эсвэл гуурсгүйгээр угааж болно. Гэрийн нөхцөлд хэрэглэхэд тохиромжтой байдгаар нь гуурсгүйгээр буюу “сохроор” угаах гэсэн арга нь өргөн хэрэглэгддэг.

Цөсөө угаах:

Өглөөд 1-2 стакан халаасан рашаан, цөс хөөх ургамлын ханд, эсвэл хүхэр хүчлийн магнезийн нунтгийг өлөн элгэн дээрээ уугаад баруун талдаа бүлээн жин тавин цаг хагас орчим хэвтэж амарна. Ингэсний дараа ногоовтор өнгөтэй өтгөн гарвал угаалт амжилттай болж, цөс гадагшилсныг заана.

Хэчнээн удаа угаахыг зөвхөн эмч заах бөгөөд долоо хоногт нэгээс цөөнгүй удаа, 2-3 сарын турш угаадаг.

8 СЭТГЭГДЭЛ

  1. shar suugeer tsus ugaah argiig zaaj uguuch. shar suugee uusnii daraa heden tsagiin daraa hoolloj yamar deglem barih ve.
    sahr suu uusnii daraa yamar shinj tendguud ilreh ve

  2. миний хэл дээр өнгөрөг тогтоод байх юм аа, Би байнга халбагаар хусаж цэвэрлэдэг энэ цөстэй холбоотой юу, Би хаана үзүүлэх вэ? өрхийн эмчдээ юу эсвэл нарийн мэргэжлийн эмчид үзүүлэх шаардлагатай юу,

  3. гурьлан бүтээгдэрүүн их идвэл ам гашуурдаг уу. баруун талын хавирганы доогуур байнга өвддөг заримдаа хатгадаг. энэ цөс мөн болов уу

  4. БНСУ-ын нэгдсэн болон төрөлжсөн эмнэлэгүүдэд эмчилгээ болон оношлогоонд найдвартай зуучлана. Эмчилгээний визийг ажлын 7 хоногт багтаан гаргана. Монголын хамгийн анхны зуучлалын хөлсгүй компани.
    Хаяг: 10 хороолол Бүрэн төв 205 тоот
    Утас: 9902-0367, 9908-1076

  5. Huuhed teej toruuldeg uchraas.tsosnii hodolgoon 9sar udaashrana deern huuhed hevtchiheer chin

  6. Сн бна уу? ээж маань эмнэлэгт үзүүлээд цөс өтгөрсөн гэсэн бие нь маш их загатнах юм яавал дээр вэ? Аллохол, урсофальк гээд эм уугаад ямар чнэмэргүй аллергины эм хлорфенамин, цитризиныг бараг хоол унд шиг хэрэглэж бна
    Яавал дээр вэ туслаач
     

СЭТГЭГДЭЛ БИЧИХ