Төрсний дараах үе

Төрсний дараах үе

95
0
ХУВААЛЦАХ

Төрсний дараах үе амаржсанаас хойш 6 долоо хоног буюу 42 хоног үргэлжилнэ. Энэ хугацаанд Таны биед жирэмслэлт, төрөлттэй холбоотой гарсан өөрчлөлтүүд арилж эргэж хэвийн байдалдаа орно.

Төрсний дараа эхийн биеийн байдал ерөнхийдөө ядрангүй байдаг тул энэ үед гэр бүл, найз нөхөд, хамаатан садангийн тусламж дэмжлэг маш чухал. Төрсөн эхэд чанартай, амттай хоол бэлдэх, гэр орны ажлаас чөлөөлж, унтаж амрах боломжийг бүрдүүлэх, сэтгэл санаагаар дэмжих нь эх хүүхдийн эрүүл мэндэд сайнаар нөлөөлнө. Амаржсаны дараах эхний хэд хоногт хүүхэд та хоёр бие биенээ таньж, мэдэж бие биедээ дасна. Хүүхэдтэйгээ хамт байж ойр дотно болох хамгийн чухал үе нь энэ хэдэн өдрүүд юм. Гэхдээ хүүхдийг бүрэн таньж, мэдэж, түүнийг асрах, сувилах аргыг эзэмшинэ гэдэг асуудал санасны зоргоор хялбархан бүтдэггүй.

Төрсний дараах эхний өдрүүдэд ихэнх эхчүүдэд биеийн байдал хөнгөн, ямар нэгэн зовиур шаналгаагүй байдаг. Гэвч хярзангийн оёдол -той, үтрээ, хярзангийн шархлаатай эмэгтэйчүүдэд зовиур шаналгаа илэрнэ. Мөн хөхөнд сүү орсноор хөх чинэрч эмзэглэл үүсч болно. Амаржиж хүүхэдтэй болсондоо ихэнх эмэгтэйчүүд сэтгэл санаа өөдрөг байдаг учраас дээрх эмзэглэлийг төдийлэн мэдэрдэггүй, эмзэглэдэггүй. Гэвч зарим эмэгтэйчүүд дээрх зовиур шаналгаанаас болоод хүүхдээ асарч өхөөрдөж чадахгүйд хүрдэг. Цөөн тооны эхчүүд хүүхдээ хайрлан энхрийлж чадах эсэхдээ ч эргэлздэг талтай. Гэсэн ч хэдэн долоо хоног өнгөрсний дараа дээр дурдсан шаналгаа аяндаа арилж хэвийн байдалд орно. Гэхдээ л таны сэтгэлд урьд өмнө байгаагүй шинэ мэдрэмж үүснэ. Хүүхдээ эхлэн хармагц хайр халамжийн мэдрэмж бий болохгүй байж болно. Цаг хугацаа өнгөрөх тутам эх үрийн хайрын халамж, харцтай зайлшгүй хүйн холбоо үүсч өөрчлөлт гарна.

Төрсний дараах үед танд ямар шинжүүд илрэх вэ?

Төрсний дараа умайн дотор хананд үүссэн шарх нь төлжтөл их хэмжээний шавхрага гарна.   Шавхрага нь үнэргүй байх бөгөөд эхэн үедээ улаан хүрэн өнгөтэй, 2 дахь долоо хоногийн дараа

өнгөгүй болж, 5-6 долоо хоногийн дараа бүрэн алга болно.

Төрсний дараа хөх чинэрч, ангир уураг ялгарч, 1-3 хоногийн дараа хөхөнд сүү орно.

Та биеэ хэрхэн арчлах вэ?

Төрсний дараагаар таны бие ерөнхийдөө ядрангуй, биеийн эсэргүүцэл суларсан, умайн дотор талд шарх үүссэн байна. Энэ үед ариун цэврийг муу сахиснаас халдвар орж хүндрэх аюултай гэдгийг анхаар.

Халдвар орохоос урьдчилан сэргийлэхийн тулд:

  • Гадна бэлэг эрхтний эрүүл ахуйн дэглэмийг маш сайн сахиж, ариун цэврийн хэрэгслийг ойр ойрхон сольж, гадна бэлэг эрхтнээ өдөр бүр бүлээн усаар угаана.

  • Зөв хооллоно. Амин дэмээр баялаг, илчлэг, тэжээллэг төрөл бүрийн хоол хүнсийг ойр ойрхон, бага багаар хэрэглэнэ.

  • Аль болох тайван, ая тухтай байж, өдөрт 8-12 цаг унтана.

  • Хярзангаа оёулсан, мэс заслын аргаар төрсөн бол эмнэлэгт очиж шархаа цэвэрлүүлж арчилна.

  • Шавхрага бүрэн алга болтол бэлгийн харьцаанд рохгүй байх зөвлөмжүүдийг ягштал биелүүлээрэй.

СЭТГЭГДЭЛ АЛГА

СЭТГЭГДЭЛ БИЧИХ