Үсний бүтэц

Үс нь биеийн халууныг хянадаг. Үсний өнгө,төрөл нь /буржгар буюу шулуун/ удам дамждаг. Үсний байдал нь гормон, хоолны дэглэм, дотор өвчинтэй холбоотой байдаг гэж үздэг. Үс нь урт шатлан ургадаг.

Өвчилсөн үс унадаг. Эм болон гормоны хэлбэлзэлээс шалтгаалдаг. Хуйхан дах үс нь гурван жил гаруй амьдарч, дараа нь унадаг.

Үсний хаг

Хүн бүр байнгын хагтай байдаг. Олонхи эмэгтэйчүүдэд хаг их зовиур авчирдаг. Эмчилж чадахгүй бол сэтгэл зовних хэрэггүй. Доорх зөвлөмжийг хэрэглээрэй.

Үсээ хамгааалах нь

• 7 хоногт 2 удаа угаах

• Үсийг норгосны дараа шампуныг түрхэх ба хурууны өндгөөрөө хуйхаандаа түрхээд 2 минут болоод угааж, цэвэр усаар зайлна.

• Хэрэв та ангижруулагч хэрэглэвэл ихээхэн өөрчлөлт гардаг ба дараа нь цэвэр усаар зайлна. Хуурай алчуураар усыг шингээн зөөлөн арчина.

• Самаар самнаж, гараараа хуйхаа тайвшруулж массаж хийнэ.

• Үсний хуурайшилтаас сэргийлж, эмзэг үсний гэмтлийг багасгаж хэвийн болгох.

• Үсийг чанга сүлжих, мушгирах нь үсийг татаж гэмтлийг бий болгодог тул үс унадаг.

• Үс гандах, будах, хими хийлгэх нь үсийг хэврэг болгодог.

• Үс унах нь гормоны дутагдал, төмрийн бэлдмэл дутагдсанаас үүсдэг. Жирэмсэн байх, хүүхэд төрүүлэхэд үс их унадаг ба үс уналт 6 сар орчимд л ийм байна.

Үс уналт

Хүний хэвийн үс 100000 байдаг. Өдөрт 100 ширхэг унана. Хэвийн үсний уналтаас илүү ихээр унахад сэтгэл түгшдэг. Үнэндээ энэ нь олон шалтгаантай байдаг л даа.

Үсийг дан ганц механик аргаар зулгаах буюу депиляц хийхэд хэсэг хугацааны дараа дахин ургадаг. Харин шинжлэх ухаан хөгжихийн хэрээр депиляцын оронд эпиляц гэсэн шинэ арга гарч ирсэн байна. Энэ арга нь үсний уутанцар -ыг эргэж сэргээгдэх боломжгүйгээр арилгахад чигэлдэг. Ингэж арилгагдсан уутанцрын оронд шинэ уутанцар үүсэхгүй, тиймээс үс ч ургахгүй.

Төрөл зүйл

Депиляц

Депиляци буюу биеийн үсийг механик аргаар арилгахад лав, давирхай, сахлын хутга, тусгай тос, цахилгаан үс зулгагач зэрэг олон аргыг ашигладаг. Сахлын хутганаас бусад бүх аргыг нь удаан хэрэглэсэн тохиолдолд үсний ургалт саарч, ширхэг нь нарийсан, анзаарагдахгүй болдог. Энэ бүх аргыг гэрийн нөхцөлд ашиглаж болдог. Сахалын хутга хэрэглэхэд 2-3 хоногтоо, бусад аргыг хэрэглэхэд 2 долоо хоног хүртэл хөл, гарын үсэнд санаа зовохгүй байж болно. Гэхдээ үс арилгадаг тугай тос нь харшил өгөх магадлалтай.

Шугаринг / английн” sugar” чихэр/ нэртэй депиляци хийх бас нэг арга байдаг. Энэ нь чихрийн өтгөн уусмал /нимбэгийн шүүс, ховор тохиолдолд зөгийн бал, эсвэл лааны тос хольсон/ -ын тусламжтайгаар хэрэггүй үснээс салах арга юм. Лав, давирхай, шуугарингийн үед бэлдмэлийг арьсанд түрхээд хатсаных нь дараа наалдсан үснүүдийг хамт зулгааж авдаг. Энэ нь мэдээж их зовиурутай ажиллагаа байна. Шугаринг нь бэлэг эрхтний орчим, гуя, суга, нүүр зэрэг эмзэг газруудын үсийг авахад тохиромжгүй арга.

Эпиляц

Эпиляци буюу үсний уутанцрыг эргэж сэргэх боломжгүйгээр арилгахын тулд лазер ба фото эпиляц гэсэн гэрлэн импульсийн эпиляц, цахилгаан эпиляцын аргуудыг ашигладаг.

Эдгээрээс хамгийн үр дүнтэй бөгөөд эрэлт ихтэй нь лазер эпиляац, фото эпиляц хоёр. Гэхдээ арьсны архаг өвчтэй, судас тэлэх өвчтэй, хавдрын өвчтэй, хүнд хүнд эмэгтэйчүүдэд хэрэглэх хориотой байдаг.

Сүүлийн үед үр дүнгээрээ дээрх хоёр аргаас илүү үр дүнтэй энзимийн эпиляцийн арга гарч ирсэн. Гэвч энэ арг нь мөн л зүрх судас болон хавдрын хүнд өвчтэй, хөл хүнд, ханиадтай, үрэвсэлтэй, хүмүүс хэрэглэх хориотой.