Өнөөдөр ч гэсэн хараад байхад зугаатай санагдаад оруулж байна. Урд нь үзэж байсан нь үзээд бага насаа санаж, үзээгүй нь сонирхлоо дарж стресс -ээ тайлаарай.

Зургаа үзээд сэтгэгдлээ бичээрэй.

Өмнөх цувралуудын сэтгэгдлийг уншаад байхад зарим хүн харж чадахгүй байна гэж гомдоллосон байна. Тийм хүмүүс нь ЭНД ДАРААРАЙ.

1.Ийм нэг зураг байна.

2.Энэ жаал цонхны цаана юу хараад чимээгүй болсныг олж мэдээрэй.

3.Юу дүрслэгдсэн байгааг хэлэх хэрэггүй гэсэн тул заримыг нь огт тайлбаргүй оруулж байгаа шүү. Нэг ийм хүрэн зураг байна.

4.Нэг ийм ногоон зураг байна.

5.Нэг ийм ногоовтор эрээн зураг байна.

6.Нэг ийм бор эрээн зураг байна.

7.Ийм нэг цэцэгтэй зураг байна.

8.Ямар ч гэрэлгүй өрөөнд байгаа ямар амьтныг олоход хэцүү гэдэг билээ?

9.Хөдөлгөөнтэй юм гэсэн шүү. Үнэн худлыг нь өөрөө шалгаарай.

10.За нэг ийм ромбоор дүүрэн зураг байна.

11.Зөгийн үүр ч гэмээр зураг нэг байна.

12.Шатар гээч спортын зураг нэг байна.

13. Урд талд Саран авхай мөн үү бишүү? Ард нь Адагчулууны мананцар мөн үү бишүү?

14.Жигнэмэгний гадаргуй гэмээр зураг нэг байна.

15.Газрын зураг байгаа шүү. Юуны газрын зураг вэ? Гол нь хаана юу байрласан байгааг олж хараад заавал мундаг гэсэн.

16.Саарал голдуу зураг нэг байна.

17.Нэг амьтан байгаа гэсэн.

18.Лабиринт гэсэн.

19.Энэ нөхдүүдийн ард юу нуугдсан байгааг олж харж чадсангүй. Та харж чадвал хэлээрэй.

20.Намар унасан навчаар дүүрэн зураг нэг байна.

21.Цэнхэр давамгайлсан зураг нэг байна.

22.Нэг амьтан байгаа гэсэн.

23.Бас нэг амьтан байгаа гэсэн.

24.За энэ юу ч байж магадгүй. Юу гэхээ өөрөө мэд.

Стерео зураг харж чадахгүй байна гэсэн хүмүүст хандаж дахин хэлэхэд ийшээ дарж ороод харах аргад нь суралцаарай.

1.За ийм нэг сонин зураг байна. Зүүн талд нь байгаа зоригт шувуу юунаас ч юм бэ ихэд айсан харагдаж байна. Ямар ч байсан цахилгаан, дулааны үнэ нэмэхээс айгаагүй юм шиг байгаа юм. Яг юунаас айсан юм бол?

2.Бар жил гарч байгаа юм чинь барын зураг тавих нь зүйн хэрэг биз. Энэ зураг дээр хэчнээн бар байна вэ?

3.Бар хийморьтой амьтан. Бүргэд ч бас дутахааргүй хийморьтой шувуу. Энэ зураг дээр арван бүргэд байгаа шүү. Олоорой.

4.Хангайн буга бас хийморьтой амьтан. Энэ зураг дээр хэдэн буга байна вэ?

5.Дандаа амьтан яваад байхаар бас уйтгартай. Тэгэхээр энэ манай урд хөршийн хөл бөмбөгчид шиг л байгаа юм. Өнгөц харахад зүгээр баярлаж байгаа мэт боловч сайн харвал нэг биш байгаа нь ойлгомжтой болоод ирнэ. Юу нь биш байна вэ?

6.Энэ зураг дээрх далайчин эр болохоор эмэгтэй хүний мөрөөсөл болоод нас барахаас наагуур юм болж байгаа юм байхаа. Тэгээд хөөрхий амьтан өдөржин шөнөжин нөгөө бүсгүйгээ хүлээж дурандаад хоол унднаас гарчихсан байгаа нь энэ гэнэ. Тэр хүлээгээд байгаа эмэгтэй нь хаана байна вэ?

7.За энэ зураг дээрх хоёр нөхөр, хоёр нөхөр ч гэж дээ нэг хүн ч юм уу лайтай тоо бодоод байсан чинь нэг алдаа гаргачихажээ. Алдаа нь хаана байна вэ?

8.Энэ зураг дээр хэдэн амьтан, хичнээн хүн нуугдсан байна вэ?

9. Энэ зураг дээрх таавар мөн адил: хэн бас юу, хаана нуугдсан байна вэ?

10. Энд хэдэн мэлхий нуугдсан байгаа гэнэ. Би л лав хоёроос бусдыг нь олж харсангүй. Таныг арай гярхай гэж найдаж байна.

11. Нэлээд дээр үеийн энэ зурган дээр гурван ширхэг молтогчин туулай нуугдчихсан байгаа юм байна. Хүний хувцас, гадаад орчныг нь хараад байвал 150 жилийн өмнө ч юм уу гудамжинд наачихсан байхад нь голландчууд бололтой хүмүүс бүчиж байгаад хайж олох гэж бөөн юм болдог байсан янзтай. Та харин тэр олон зууны тэртээ байсан нидерландын загасчид, тариачдаас дутахгүй гярхай хүн байх. Эсвэл франц ч хүн юм уу? Бүү мэд. Ямар ч л байсан тэр молтогчинг туулайнуудыг нь олоорой.

12.Энд бас хэдэн шувуу нуугдачихсан байгаа гэнэ. Энэ сүүн тэжээлтнүүд, хоёр нутагтан амьтад, шувууд нуугдаад болохоо байлаа. Яанаа? Хаана хэдүүлээ нуугдчихсан байгаа юм болооо? Колибри буюу балт бялзуухай нуугдсан байгаа гэсэн шүү.

13.Байгаль хамгаалагч шиг нуугдсан амьтад олсоор байгаад залхаж байгаа байлгүй. Энэ галт тэрэгний цуваа хаашаа явж байгааг таагаад хэлчихээрэй. Таавал сарынхаа цалинг өгнө энэ тэр гэж томрохгүй ээ. Дараа нь нэхээд бөөн юм болдог юм билээ.

14.Өөрийнхөө тархины онцгой чадварыг гайхаж нэг үз. Улаан цэг дээр нь анхаарлаа төвлөрүүлвэл тойрог зүүн тийш эргэнэ. Шар цэг дээр нь харцаа төвлөрүүлээд харвал баруун тийш эргэнэ. Бишээ юу болчихов оо, эсрэгээрээ юм болов уу? За за өөрөө хараад үз. Ямар ч байсан шар ба улаан гэсэн хоёр цэг дээр анхаарлаа төвлөрүүлснээс шалтгаалаад тойрог өөр өөр зүгт эргэх болно шүү.

15.Энэ нэг хөөрхий медуз шатаар буух гээд үйлээ үзэж байгааг нь хараад тэсэлгүй зургийг нь оруулахаар шийдлээ. Буухад нь туслаач.

16. Гурван хэмжээст зургуудыг ийм аргаар бас бүтээж болдог юм байна. Энэ зурагны ойр байгаа элементүүд нь хол байгаа элементүүдээс илүү хол зайнд шилжин хөдөлж байгаа болохоор гурван хэмжээст, хөдөлгөөнт зураг гэж харагдаж байгаа юм байна шүү. Шива бурханы хөрөг юм байна. Өөрийнхөө зургийг ингэж нэг хийгээд үзээч. Шива бурханаас дутах юм байх вэ?

Уул шугамандаа бол ийм зураг юм байна.

17.Баруун тийш даялаад яваад байгаа атлаа байрандаа байгаад байдаг хэдэн дүрс байна.

18. Мөөрөдөмтгий хүмүүст зориулав. Боломж байхгүй ч гэлээ хааяа нэг өөрөө ингээд нисэж байна гэж төсөөлөх зүгээр биз дээ. Өөрийнхөө зургийг оронд нь тавьж байгаад л хар.

19.Харах мэдрэмжтэй холбоотой бас нэг төөрөгдөл байна. Улаан судал дээр харцаа төвлөрүүлээд харвал тойрог хаашаа эргэж байна? Тэгвэл дараа тойргийн төв дэх хар цэг дээр харцаа төвлөрүүлээд хараад нэг үз.

20. За харин эцэст нь эрхэм та задгай зуухны гал ширтсэн шигээ хэсэг тайван суугтий. 

Та бүхэн дэмжсэн болохоор хөдөлгөөнт буюу анимацтай стерео зурагнуудаас ганц хоёрыг орууллаа. Үүнээс гадна зарим нь хөгжилтэй таавар маягийн зүйл байгаа болохоор хүүхдүүддээ харуулвал зүгээр байх гэж бодлоо. Стерео зураг харж чадахгүй байгаа нь өмнөх №1 рүү орж харах заавартай танилцаарай. За тэгээд сэтгэгдлээ бичээрэй. Таныг хүндэтгэсэн www.103.mn / saxal

1.За хэлээд байсан анимацтай буюу хөдөлгөөнтэй стерео зурагч гээч зүйл чинь ийм юм байдаг юм байна. Энд хүн явсан мөр байгаа. Та хэдэн удаа аль зүгт явж, хэр их мөр үлдээснийг нь тодруулаарай.

2.За энэ бас адилхан хөдөлгөөнтэй эд. Цаг хэд болж байгааг  хэлээрэй. 

3.За одоо бол ердийн зураг. Энд нэг улс дүрслэгдсэн байгаа. Харж байгаад ямар улс гэдгийг нь тодорхойлоорой.

4.За энд бас нэг улс байгаа. Сэтгэгдэл дээр ямар улс болохыг нь бичээрэй.

5. Энд ахиад нэг улс байгаа. Ямар улс гэдгийг нь өөрөө ч харж чадсангүй. Хараад таньж мэдвэл хэлээрэй.

6.Ахиад нэг улс. Ямар улс юм бол бүү мэд. Хэлж өгвөл баярлана шүү.

7.Ахиад нэг улс. Ямар ч байсан Европын нэг улс гэсэн шүү.

8.Энд сайн харж  байгаад төвд байгаа дүрсэнд таарахыг нь нэрлэх ёстой юм байна лээ.

9.Математикийн үйлдэл байгаа. Хариуг нь хэлээрэй.

10.Энд хэдэн эрвээхий байгааг тоолж хэлээрэй.

11.Энэ мигуй юу хараад бүгдийг умартсан байгааг хэлээрэй.

Юмыг яаж мэдэх вэ, стерео зураг харж чаддаггүй, дадалгүй хүн байгаа бол ийшээ дарж ороод сурж аваарай.

Мөн өөрийн мэдрэмжээ дагаад нүдэндээ хэт ачаалал өгөхөөс зайлсхийх нь зүйтэй. Өөрөөр хэлбэл толгой эргэх, нүд бүрэлзэх зэрэг таагүй мэдрэмж төрөөд эхэлвэл харахаа түр зогсоосон нь дээр. Ер нь стерео зургийг дээд тал нь 20 минут харах нь тохиромжтой. Удаа дараалан энэ мэтээр стерео зураг харах тоолонд нүдэнд эвгүй мэдрэмж төрж байгаа бол нүдний эмчид үзүүлсэн нь дээр. Учир нь нүд цоо эрүүл үед стерео зураг харахад ийм мэдрэмж төрөх ёсгүй.

За ингээд өдөр тутмын түм буман асуудлаас түр ч болов холдон стерео зургаа харж стрессээ тайл. /Стерео зургийг харах дадалгүй хүмүүс өмнөх 1,2-р цувралуудаар зочилж харах аргыг сурж аваарай/

1

2

3

4

5

6

7

8

9

10

11

12

13

14

Сэтгэгдлээ бичээрэй. Дараагийн удаад хөдөлгөөнтэй стерео зураг оруулъя. Гэхдээ мэдээж та бүхнийг дэмжвэл.

За энэ бол таны хүн болох замын эхэн. За за олон зүйл нурших нь илүүц биз. Зүгээр л хараад энэ ертөнцөд ирэхээсээ өмнө, эхийн хэвлийд байхдаа туулсан замналаа эргэн сана. Пуу паа гэх мэтээр уулга алдах хэрэггүй. Мисс ч бай, массын нэг төлөөлөгч ч бай, тэрмбутан ч бай, цалингаараа амьдардаг эгэл нэгэн ч бай бүгд л энэ замыг туулж хүн болдог.

Үүнээс цааш зураг үзмээр байгаа бол өөрийнхөө зургийн цомгийг эргүүлж тухтай нэг хараад, өнгөрсөн амьдралаа эргэн дурсаарай. Ямар ч байсан эхийнхээ хэвлийд долоо хоног бүр яаж өөрчлөгдсөөр хүн болсноо эргээд санасан байх. Харин одоо хөл хүнд байгаа бүсгүйчүүдийн хэвлийд энэ бүхэн шат дарааллаараа явж байгаа. Хэвлийд тань бүрэлдэн хүн болох амаргүй замыг туулж байгаа шинэ амьдралаа хайрлаарай ирээдүйн ээж нараа. Ээж нарыг хайрлаарай эрчүүд ээ.

Стерео зургийг харах хоёр арга байдаг гэдгийг харж чаддаг хүмүүс сайн мэдэж байгаа байх. Харин стерео зургийг яаж хардагийг мэддэггүй хүмүүс нь энд дээр дарж ороод суралцаарай. За ингээд олон зүйл нуршилгүйгээр зурагнуудаа тухлан харж стресс, бухимдлаа тайл.

1.За баахан улаан сарнайтай энэ зураг дээр далавчтай амур буюу дурлалын сумаар харваад байдаг бяцхан чагаа тэнгэр байгаа шүү.

2.Харин энэ зураг дээр гурван эрвээхий байгаа.

3.Энд эстрадын тайз ч гэмээр нэг тийм бөмбөгөр зүйл байгаа.

4.Энд морины уралдаан дүрслэгдсэн байгаа.

5.Далайн ёроол дахь эрдэнсийг харж байгаа дельфин.

6.Энд харин “Ай лаав Нью-Йорк” гэсэн бичиг байгаа юм шиг байна. Өөрөө сайн харж чадсангүй.

7.Тиранозавр гэдэг махчин үлэг гүрвэлийн аймаар том толгой.

8.Хаашаа ч юм хөвж яваа дарвуулт завь.

9.Мөрөөдлийн ордон.

10.Усан дээрх цирк. Хоёр дельфин харайж байгаа шүү.

11.Илбэчид илбэ үзүүлэхдээ бортгон малгайн дотроосоо ямар амьтан гаргаж ирээд байдаг билээ?

12.Тэнгэр багандсан өндөр барилгуудыг дээрээс нь харуулсан байгаа. Ямар хотыг нь мэдсэнгүй. Та хараад таньвал сэтгэгдэл дээрээ бичээрэй.

13.Ус руу чулуу шидэхээр үүсдэг тойрог.

14.Өндөр уулын орой дээрээс иймэрхүү дүр зураг харагддаг байх.

15.Далдуу мод. Цагтаа далдуу модны мөчрийг заан намнадаг Рух шувууны өд гэж Хубилай хаанд өргөж байсан гэдэг.

16.Агаарын гимнастик.

17.Галзуу хулгана гэдэг билүү.

Энэ удаад нэг иймэрхүү. Сэтгэгдлээ бичицгээгээрэй. Сэтгэлд тань хүрсэн бол дараагийн удаад ахин зураг оруулъя.

www.103.mn /saxal/

Кофе

Энэ зураг дээрх кофений үрийг зүгээр ч нэг тарааж хаяагүй юм шүү. Энэ олон үрэн дотроос та хүний царайтай нэг үрийг олж харах ёстой. Нэг удаа л олоод харчих юм дараагийн удаад агшин зуур олдог болчихдог юм билээ.

Дашрамд сонирхуулахад та гуравхан секундын дотор энэ царайг олж харж чадсан бол тархины чинь баруун тал дийлэнх хүмүүсийнхээс илүү сайн хөгжсөн гэсэн үг гэж сэтгэл зүйчид үздэг юм байна. Тархины баруун тал нь хүний уран сэтгээмж, зөн билиг, онгодыг хариуцдаг гэдгийг та лав санаж байгаа байлгүй. Харин 3 секундээс 1 минутын дотор энэ царайг олж харсан бол таны тархины баруун хэсэг хэвийн хөгжилтэй байна гэсэн үг. 1-3 минут зарцуулж байж олж харсан бол сандарч тэвдэх хэрэггүй. Манай сайтын ер бусын зурагнуудыг сайн харж, уран сэтгэмжээ хөгжүүлж стрессээ тайлаад байхад аяндаа “супер бупер” болох нь гарцаагүй.

Юу дутагдаад байна?

Хэнд юу дутагдаж байна түүнээ л хаа сайгүй хайж, үзсэн болгоноо нөгөө зүйлээ болгож хараад байдаг. Үүний нэг нотолгоо нь энэ сонжоо зураг. Танд юу харагдаж байна.

Ойлгомжтой. Насанд хүрсэн хүмүүсийн дийлэнх нь хамгийн түрүүнд наад зүйлийг чинь олж хардаг. Харин таван настай хүүхдэд харуулахад тэд шууд л дельфин олж хардаг аж. Яагаад вэ гэвэл тэдэнд таны хараад байгаа зүйлийн талаарх ямар ч төсөөлөл, ойлголт байхгүй байгаа хэрэг. Харин та таван настай хүүхдийн олж хараад байдаг тэр дельфинийг та 8 секундын дотор олж харж чадахгүй байгаа бол анх олж харсан зүйл чинь тун ч их дутагдан үгүйлэгдэж байж болзошгүй юм.

Зүг чиг

Уг нь бол сургуулийн өмнөх насны хүүхдүүдэд зориулсан зүйл л дээ. Гэхдээ зугаатай санагдаад орууллаа. Энэ зураг дээр дүрслэсэн автобус аль зүгт явж байна вэ? Зүүн тийш үү, баруун тийш үү? 5 секундын дотор зөв хариултыг хэлээрэй. Дашрамд сонирхуулахад хүүхдүүд нүд ирмэхийн зуур хэлчихдэг юм байна лээ. Ккк

Балетчин

Энэ эргэлдэж байгаа балетчин бүсгүйг сайн хараарай.

Заримынх нь хувьд энэ бүсгүй нар зөв эргэж байгаа. Харин заримынх нь хувьд нар буруу эргэж харагдана. Таны зорилго бол хараагаа өөрчилж байгаад бүсгүйн эргэх чигийг өөрчлөх. Зарим нь үүнийг их амархан хийдэг бол зарим нэлээд хугацаа зарцуулдаг. Удаж магадгүй хүмүүст зөвлөхөд балетчин бүсгүйн сүүдрийг нь хараад үз, эсвэл тулгуур хөл рүү нь ширтээд үз, эсвэл харцаа огцом дээш доош нь шилжүүлээд үз. Амжилт хүсье.

Дарцаг

Энэ олон үсэгтэй ногоон тэгш өнцөгт нь зөөлөн салхинд дэрвэх дарцагтай адил үелзэн хөдлөж байна уу? Хараад байхад нүд амрах шиг болдог их зүгээр эд шиг санагдсан. Гэхдээ энэ удаад бол эсрэгээр нь болгох гээд үзээд алдаарай. Өөрөөр хэлбэл дарцгийг үелзэж хөдөлгөхгүй болгож харахыг хичээгээрэй. Чадаж байна уу? Уул шугамандаа статик зураг юм шүү дээ.

Дэлбээ

Цэцэг яаж дэлбээлж байгааг харж байсан уу? Харж байгаагүй бол одоо сайн хараад ав. Үнэхээр дэлбээлнэ шүү. Хачирхалтай нь гэвэл энэ зураг анхнаасаа л статик зураг байгаа юм. Таны тархи л хөдөлгөж хараад байгаа хэрэг.

Энэ одоо юу вэ?

Энэ зургийг сайн ажиглаарай. Хэн, эсвэл юу дүрслэгдсэн байна. Хараад бай.

Харж чадаагүй бол дэлгэцээ өргөөд баруун тийш 90 хэм эргүүлээд хар. Эсвэл толгойгоо зүүн тийш 90 хэм гэлжийлгэж байгаад хараад үз. Ккк

Пиксель

Зурагт, эсвэл компын дэлгэцэнд нүүрээ тулгаж байгаад харвал дэлгэц нь хэдэн мянган ширхэг жижиг цэгээс бүрдэж байгаа ажиглаж болно. Эдгээр жижиг цэгүүдийг пиксель гэдэг шиг санаж байна. Энэ олон мянган пиксель яаж дүрс үүсгэдэгийн тод жишээ бол энэ зураг. Ингээд харахаар ямар ч утгагүй дүрс харагдана.

Харин дэлгэцнээсээ нэлээд холдож байгаад харвал…За юу харагдаж байна?

Наранд шарахуй

Марзан зураг шүү. Элсэн дээр хэвтээд наранд шарж байгаа залуу гэж байгаа. Гэдсээ шарж байна уу, нуруугаа шарж байна уу?

Шар цэг

Энэ зураг дээр тодоос тод гурван шар цэг байгааг харж байна уу? Тэгвэл зурагны төв хэсэг рүү хэсэг хугацаанд ширтээд үзээрэй. Гурван шар цэг аяндаа алга болно. Тэр дороо алга болохгүй, хэсэг хугацаа шаардлагатай болж магадгүй шүү.

За яаж байна? Алга болж байна уу? Та ч далдын увидастай юм аа. Лайтай. Гэхдээ нөгөө талаас авч үзвэл ямар нэг ажил, төслийн зөвхөн гол хэсэгт хэт их анхаарвал энэ мэтээр жижиг ч гэлээ чухал ач холбогдолтой зүйлс нь харагдахаа байснаар алдаа гаргах нь бий. Учир нь танд харагдахаа байлаа гээд тэдгээр жижиг зүйлс бодит байдал дээл алга болоогүй, байж л байгаа шүү дээ.

Манан будан

Харин энэ зурагны төв хэсэг дэх цэг рүү удаан ширтвэл хүрээлсэн манан будан нь аяндаа алга болно.

Зарим ажлыг хийхдээ энэ мэтээр жижиг сажиг зүйлтэй зууралдаад байлгүй зөвхөн хамгийн гол, чухал хэсэгт анхаарвал бодит үр дүн, амжилтанд хүрч чаддаг.

Англи хэлнийхээ мэдлэгийг шалга

Өөрөө англи хэлтэй юу? Төрөлх хэлээрээ сайн ярьж чадахгүй жаахан хүүхэд хүртэл “Паак юү”, “Шийт”, “Өө май гаад”, “Хай” г.м. тав гурван англи үг хэлдэг болсон цаг болохоор англи хэлтэй л байлгүй дээ. Тэгэхээр энэ зураг дээр юу гээд биччихсэн байгааг нэг унш даа.

За юу гэж уншсан бэ? Арай “THE CAT” гэж уншсан юм биш биз. Үнэн хэрэг дээрээ бол энд “THE CHT” гэсэн ямар ч утгагүй бичээс байгаа юм шүү дээ. Сайн мэддэггүй гэдгээ сайн мэддэггүй зарим нөхдүүд энэ мэтээр дөхүүлж хариулаад л байдаг. Гэхдээ тэглээ гээд уруудахгүй харин ч бүр албан тушаал дэвшээд явдаг нь хачин.

Өнгө ба үг

Хүний тархи хоёр тал бөмбөлөгөөс бүрддэг. Тал бүр өөр зорилготой. Тархины баруун тал бөмөлөг нь өнгө ялгах, уран бүтээлчээр сэтгэх, зөн совин гэх мэтийн зүйлсийг хариуцдаг. Харин зүүн талын бөмбөлөг нь логик сэтгэлгээг хариуцдаг. Үүний нэг жишээ бол энэ зураг. Та эдгээр үгсийг унших бус харин үгсийн өнгийг хэлэх ёстой шүү. Дахин хэлье: Зөвхөн үгсийн өнгийг нь хэлнэ.

ШАР ХАР УЛААН ЦАГААН НОГООН БОР  ЯГААН ЦЭНХЭР ШАР

НОГООН СААРАЛ  УЛБАР ШАР ХӨХ УЛААН ЦАГААН  БОР    ХАР

Яаж байна? Жаал бүдчив үү? Юу болсон бэ гэхээр тархины баруун тал бөмбөлөг нь шууд өнгийг нь хараад хэлэх гэхээр зүүн талын бөмбөлөг нь бичсэн үгийг уншиснаар зөрчилдөөд, түгдэрсэн хэрэг.

Чийдэн

Өмнө нь болсон үйл явдлын нөлөөгөөр хүн байхгүй зүйлсийг байлгаж хардаг онцлогтой. Үүний нэг жишээ нь энэ зураг. Чийдэнгийн утасны голын гогцоо руу 30 секунд орчим тасралтгүй ширтээрэй. Дараа нь А4 цагаан цаас, цагаан тааз, цагаан хана гэх мэт зүйлс рүү хараагаа шилжүүлээд хараад үз. Чийдэн аяндаа асна.

Энэ мэтээр бид заримдаа болж өнгөрсөн үйл явдлын нөлөөгөөр одоо болж байгаа үйл явдлыг таашаа хүлээж авах нь бий.

Од тоол

Хүчтэй цохиулсны дараа нэг хэсэгтээ л манарч од тоолдог. Яг энэ зурагтай адил. Энэ зурагны төв рүү дээрх зурагтай адил гучаад секунд орчим ширтэж байгаад харцаа цагаан өнгөтэй зүйл рүү шилжүүлээд хараарай. Тэгээд америкийн далбаан дээрээс хэдэн од тоолж чадахаа үз.

Ажлаас нь хал

Ажлын офис гэдэг заримдаа хөл толгой нь олдохгүй газар болчихсон байдаг. Энэ зураг дээр яг тийм офис дүрслэгдсэн байгаа. Та өөрийгөө энэ оффисийн дарга, захирал, лайтай том босс нь гэж бод. Тэгээд энэ офист байгаа арван ажилтныг ол. Олсноо хал. Олоогүйгээ халалгүй үлдээ. Дандаа банга хүртэж, халагдахаас айж явна гэж юу байхав тоглоомоор ч гэсэн зарим нэг нөхдүүдийг халж, эсвэл харж үзээд үлдээж байхад зүгээр биз дээ?

Хоол

Юу өгч байгаа нь чухал биш харин яаж өгч байгаа нь чухал гэдэг үнэн үг шүү. Энэ хоёр тавагтай хоолыг хар л даа.

Яг адилхан хэмжээ, дамжаатай хоол байгаа мөртлөө жижиг тавган дээр тавьсан хоол нь арай их юм шиг харагдаад байгаа биз. Цай хоолны газар ажиллуулдаг хүмүүс ….

Ан

Ан гэхээр хамаг ажлаа мартаад алга болдог хүмүүс цөөнгүй. Тэд ангийн маханд бус харин ан хийх үйл явцад нь юу юунаас илүү татагдаж дурладаг. Харин энэ зурган дээрх нөхөр юу агнах гэж явна?

Харц

Энэ зураг дээрх хоёр хүн хаашаа харж байна?

Нэг нь зүүн, нөгөө нь баруун тийш харж байна уу? Андуураад байна, андуураад байна. Хоёулангийнх нь нүдийг анхааралтай ажиглаад үз дээ. Яг адилхан байгаа биз. Тэгэхээр энэ хоёр хүн хоёул нэг тийш харж байгаа болж таарлаа.

Бүсгүйн төрх

Харин энэ хоёр зураг дээр бүсгүй хүний царай нуугдсан байгаа. Олоорой.

Ягуар

Энэ зураг дээр арваас цөөнгүй ягуар буюу Хойд Америкийн уулын арслан бий шүү. Олоорой.

Гудамжны зураг

Жуулчдыг яаж татах вэ гээд л хурал зөвлөгөөн хийгээд, сая саяар нь мөнгө цацаад байдаг. Гудамжуудаа энэ мэтээр үзэмжтэй, сонирхолтой байдлаар зураад гоёчихвол яадаг юм бол? Үүнээс илүү биш юм гэхэд дутахааргүй зурах чадалтай зураачид манайд бишгүй л байгаа даа.

Тайван ажиглаарай

Энд Мексикийн зураач Октавио Окампогийн бүтээлүүдээс оруулж байна. Элдэв тайлбар хийхийг хүссэнгүй.

Та сэтгэдлээ бичээрэй.

www.103.mn /saxal/

Сурлага муутайн гай
Сан Франциско хотод аж төрдөг, хичээл сургуульдаа тааруухан байсны улмаас тодорхой эрхэлсэн ажил төрөлгүй Пол гэгч залуу дээрэм тонуултай кино үзсээр байгаад нэг өдөр банк дээрэмдэн ядуурлаас гарахаар шийдсэн байна. Тэгээд кинонд гардаг шиг цаасан дээр бэлэн мөнгө шаардсан бичгийг теллерт нь өгч айлгаад, хамаг мөнгийг нь хамаад зугатахаар шийдсэн байна. Ингээд цайны цаг болохын өмнөхөн “Бэнк оф Эмерика” –ийн нэгэн салбарт орж ирээд орлогын мэдүүлэг нэгийг авч байгаад ард нь бэлэн мөнгө шаардсан шаардлагаа биччихээд үйлчлүүлэхээр дугаарлсан хүмүүсийн дугаарт орон зогссон байна. Хэсэг зогссоны дараа шаардлага бичиж байсан ширээнийх нь дээр камер зоолттой байсныг олж хараад ихэд сандарч, өөр банкинд очиж азаа үзэхээр шийдэв. Үүнийхээ дараа замын эсрэг талд байрласан “Вэллс Фарго” банкны салбар руу ороод теллерт нь өмнө нь бичсэн бичгээ сарвайжээ. Гэтэл гай болж “Бэнк оф Эмерика”-ийн орлогын мэдүүлэг дээр “Эн бол дэрэм. Бүх мөнгийг шудаанд хий” гэж бөөн алдаатай бичсэн байснаа сурлага муутай болохоор огт анзаараагүй байж. Харин банкны теллер түүний бичсэн шаардлагыг уншаад сэтгэцийн өвчтэй хүн байна гэсэн дүгнэлт хийгээд инээдээ барьж ядан байж өөр банкны орлогын мэдүүлэг дээр бичсэн шаардлагын дагуу мөнгө яагаад ч өгч чадахгүй, мөнгө үнэхээр л авах гээд байгаа юм бол наад банкныхаа салбар дээр очиж ав, үгүй бол одоохон манай банкны орлогын мэдүүлэг дээр шинээр хуулж бич гэж хэлжээ. Сурлага муутай Пол хэсэг хугацаанд бодлогширсноо теллерээс уучлал гуйгаад банкнаас гарч явсан байна. Үүнээс хэдхэн минутын дараа түгшүүрийн дохиогоор ирсэн цагдаа нар сурлага муутай Полыг “Бэнк оф Эмерика”-ийн өөр нэгэн салбарт нөгөө бичгээ барьчихсан дугаарлан зогсож байхад нь барьж авсан байна.

Туршлагагүйн гай
1991 оны гуравдугаар сард зургаан англи залуу 12 сая фунт тээж явсан банкны машин дээрэмдсэн нь үнэхээр том хэрэг байлаа. Тэд отолт хийж байгаад машиныг зогсоож, хамгаалагчдын зэвсгийг хурааж авчихаад мөнгөтэй машиныг унан ой руу амжилттай зугатаж чаджээ. Тэгээд ойд очиж байгаад машиныг нээж мөнгөө авахаар үзэж гарчээ. Гэтэл тэд хуягласан машиныг автогенээр зүсч авдаг гэхээс өөр ямар ч дадал, туршлагагүй гэдгээ мартсан байжээ. Ингээд автогенээ асааж авч байгаад машиныг хэдэн талаас нь огтолж эхэлтэл удалгүй машин тэр чигээрээ галд автан дүрэлзсэн асах нь тэр. Галыг унтраах гэж хэсэг үзээд дийлэхгүй болохоор ядаж галт дотроос мөнгөтэй ганц хоёр уут авч гарах гэж байгаад бүгд түлэгдсэн байна. Түлэгдэнэ гэдэг тун ч яггүй хэрэг болохоор мань зургаа ойролцоох эмнэлэг орсон нь мэдээж. Хүлээж авсан эмч нь мэдээж хэрэг цагдаа дудаад зургаан хэрэгтэн баригдах нь тэр. Энэхүү түймэрт 1 сая фунт шатаж үгүй болсон болохоор энэ зургаан хэрэгтэн нь 20-р зууны түүхэнд хамгийн өндөр өртөгтэй түймэр тавьсан хэрэгтнүүдээр тодорсон юм.

Дүрдээ хэт итгэхийн гай
Парис хотоос холгүйхэн оршдог нэгэн жижигхэн хотод амьдардаг байсан гурван залуу дээрэм тонуултай кино үзсээр, сүүлдээ өөрсдийгөө жинхэнэ дээрэмчид мөн гэдэгт эргэлзэхээ больтлоо итгэжээ. Тэгээд гурвуулаа дээрэм хийхээр шийдэж буу барин ойролцоох банкны салбар руу харайлгасан байна. Гэтэл дүрдээ хэт их орж, хар эрчээрээ гүйж байсан гурав банкны эргэлддэг үүдээр орох гээд учраа ололгүй аргагүй эрхэнд хоёр гурван минут дотор нь гүйх нь тэр. Тэгсээр дотогш орж чадахгүй эргэдэг хаалганд түгжигдэлтэй нь биш гэж бодоод аргагүйн эрхэнд арай гэж нэг юм гадагш гарчээ. Амьсгаагаа дарж байгаад дараагийн оролдлогоор дотогш ороод буу гаа савчин байж 100 мянган франк нэхэж эхэлсэн байна. Гэтэл урд нь хаалгыг зогсоож чадахгүй тэнэгтэж байхыг нь харж элгээ хөштөл инээсэн банкны ажилчид нөгөө гурвын мөнгө нэхэхийг нь хараад тоглож байна гэж ойлгоод бүх газар эвхэрэн унахаас наагуур инээлдэж эхэлжээ. Ингэнэ чинээ бодоогүй байсан дүрдээ итгэсэн гурван залуу балмагдаад хэт их мөнгө нэхсэн болоод шоолуулаад байна гэж бодоод нэхсэн мөнгөнийхээ хэмжээг буулгасаар гурван минутын дараа гэхэд зуун мянга биш нэг мянган франк нэхэж эхэлжээ. Гэвч ажилчтнуудын инээд тасрахгүй байсанд дээрэмчдийн ахлагч нь асар ихээр уурлан теллерийн өмнөх давцан дээр үсрэн гараад буугаа тулгах гэтэл эрчиндээ халтирч унаад хөлөө хугалж орхиж. Нөгөө хоёр нь ахлагчаа ясныг хараад зугатсан ч ахиад л эргэлддэг хаалган дотор гацчихаж.

Шуналтайн гай
Аризоны мужийн Робин Жаспер гэгч нөхөр банкны жижиг салбар энэ тэр дээрэмдэхийг цагаа дэмий үрсэн хэрэг гэж үздэг байжээ. Тиймээс ганцхан удаа мужийнхаа хамгийн том банкийг “цөм дэлбэлээд” насан туршдаа идэх мөнгөтэй болохоор шийдсэн байна. Ингээд олон өдрийн турш муж улсаараа машинтайгаа тэнэсээр “Blood bank” гэсэн томоос том бичигтэй, том байшинг нүдлээд авч. /Энэ нь уг нь бол хүмүүсийн доноруудын цусыг худалдан авч хадгалдаг цусны банк буюу цусны төв юм./ Дээр нь мань хүний нүдэлсэн банк нь тав дахь өдрийн үдээс хойш хаагаад, нэгдэхийн өглөө нээгддэг байсан нь бүр ч сэтгэлд нь нийцсэн байна. Энэ бүх ажиглалтынхаа дараа мань хүн нэгэн тав дахь өдрийн орой лайтай том банкыг лайтай их мөнгөөр шатаах ажлаа хэрэгжүүлэхээр ханцуй шамлан дайрчээ. Робин нь банк руу агааржуулах хоолойгоор дамжин орохоор шийдсэн байна. Гэтэл нарийхан хоолойгоор хэдхэн см мөлхөөд л хамаг тамираа барчихаад байж байтал нь хоолой нь гэнэт цөмөрч мань эр банкны офисын өрөөнд дотор газарджээ. Газардах газардахдаа тун ч амжилтгүй газардсан байна. Мань эрийг нэгдэхийн өглөө офисын ажилтнуудын тусгаарладаг нэгэн таславчин дээр салтаагаараа суучихсан ухаагүй байж байхыг нь олсон аж. Гэхдээ мань эр нэг талаар азтай гэж болох юм. Учир нь таславчин дээр салтаагаараа мордон унаснаас болоод Робиныг цаашид хүүхэдтэй болох боломжоо бүрмөсөн алдсан гэдгийг мэдээд банкны эзэн нь гомдолгүй гэж мэдэгдээд хэцүү нэртийнд хэдэн жил суухаас нь аварчээ.

Тэнэгийн гай
Канадын Питерборо нэртэй хотод оршин суудаг Жералд Диксон гэгч гэмт хэрэгтнийг өмгөөлөгч нь засрашгүй тэнэг, хөлдүү гэдгийг нь баталсан болохоор шүүх хэргийг нь цайруулсан байна. Яагаад засрашгүй хөлдүү вэ гэхээр ингэсэн байгаа юм. Мань эр Уитби нэртэй хотод байдаг Монреалийн банкны салбарыг дээрэмдэхээр шийджээ. Тэгээд уулын цанын хэрэгсэл зардаг дэлгүүр ороод цаначдын өмсдөг дуулга, шил, бага худалдан авсан байна. /Наймдугаар сард шүү дээ. Ид халуунд уулын цанын бага авч байгаа хүнийг худалдагч тун ч сайн тогтоож авах нь мэдээж./ Зүгээр ч нэг авсангүй авсан даруйдаа багаа дэлгүүрт өмсөж аваад гарсан аж. /Цанын бага өмссөн хүн дээрэм хийсэн тухай зурагт, хэвлэлээр мэдэгдэхээр яана гэж бодсон юм байгаа юм бүү мэд/ Ингээд багаа тайлалгүйгээр банк орж амжилттайгаар дээрэм хийчихээд хоёр цагийн дараа нөгөө банкиндаа эргэж ирээд данс нээлгэхээр болжээ. Дансандаа хэдий хэмжээний мөнгө хийх вэ гэсэн ажилтын асуултын хариуд нь дээрэмдсэн 2600 доллараа хийж гарсан цүнхээ нээж үзүүлээд “2600 доллар бэлнээр нь хийнэ” гэж хариулсан аж.

Тачаангуйн гай
Мельбурн хотод амьдардаг дөрвөн залуу хотдоо л алдартай бэлгийн сулрал эмчилдэг эмнэлгийг дээрэмдээд тачаангуйгаасаа болж нэг хоногийн дараа баригдсан байдаг. Дөрвөн залуу эмнэлгээс нэлээд хэдэн мянган австрали долларыг, хуял тачаал сэргээдэг маш хүчтэй хэдэн эмийн хамт авч зугатсан юм байж. Тэгээд яасан бэ гэхээр нас залуу болохоор авсан мөнгөөр нь зүгээр нэг наргичихсангүй мундаг тачаангуй гэдгэ хүүхнүүдэд харуулахыг хүсч нөгөө эмнүүдийг хэд хэдээр нь давхарлан ууцгаасан байна. Тэр эмнүүд нь Виагратай адил боловч үйлчлэх хугацаа нь хэдэн өдрөөр үргэлжилдэг маш хүчтэй эм байсныг мунаг залуус яаж мэдэх билээ. Ийм эм уусан цоо эрүүл хүний нөгөөх нь хөвчрөөд хоёроос гурван өдрийн турш буулгүй тав тухыг алдуулан тун ч эвгүй байдалд оруулдаг үйлчилгээтэй байжээ. Ингээд цагдаа нар “маш ичингүйрсний дээр ихэд ядарсан царайтай” залуучуудыг хайж байна гэсэн зар тараасны дараа тун удалгүй баригдацгаажээ.

Стерео зураг буюу SIRDS (Single Image Random Dot Stereograms) гэдэг нь онцгой аргаар ширтэх үед дээр нь янз бүрийн стерео эффектүүд ажиглагддаг график дүрслэлүүд юм.

Эдгээр стерео эффектүүдийг нь дараах гурван байдлаар хуваан ангилж болно, үүнд:
-3d-surface (гурван хэмжээст гадаргуу). Арын дэвсгэр, фон нь хуиран өөрчлөгдөсний улмаас зураг дээр гурван хэмжээст гадаргуу харагдана.
-3d-object (гурван хэмжээст объект). Арын дэвсгэр, фоноос урагшлан ялгарсан гурван хэмжээст объект харагдана.
Combine – нь дээрх хоёр төрүүдийг зурагт нэгтэгсэн байдаг. Үр дүнд нь гурван хэмжээст гадаргуу ба гадаргуугаас тодорхой зайнд байрлах гурван хэмжээст объект хоёул харагдана.

Ингэхдээ стерео зураг буюу график файл, эсвэл зураг буулгасан цас ба стерео дүрслэл буюу эдгээр зураг, график файлыг ажиглах үед харагддаг гурван хэмжээст эффект гэсэн ойлголтуудыг хооронд нь ялгаж байх хэрэгтэй.

Улмаар стерео зургийг үрэх, нухах гэм мэтээр янз бүрээр физик өөрчлөлтөнд оруулсан ч стерео дүрслэл бараг өөрчлөгддөггүй. Стерео дүрслэлийг мониторын дэлгэцнээс харж болно. Бас хүсвэл хэвлэж авч байгаад харсан ч болно. Дүрслэл огт өөрчлөгдөхгүй. Мөн өнгөт стерео дүрслэлийг хар цагаан болгоход хэлбэр нь огт өөрчлөгдөхгүй, зөвхөн өнгө нь л цагаан болно. Тэгэхээр өнгөт стерео зургийг хар цагаан принтер дээр хэвлээд ч үзэж болно гэсэн үг. Мөн адил харьцаатайгаар багасгаж харахад стерео дүрслэл эвдрэхгүй.

Юуны өмнө энд өгөгдсөн зааврын дагуу хийсэн ч эхэндээ стерео дүрслэлийг харж чаддаггүй хүмүүс байдаг гэдгийг хэлэх хэрэгтэй байх. Тодорхой хугацаанд дасгал хийхэд л аяндаа хардаг болно. Учир нь стерео дүрслэл нь хүний нүдний бүтэц дээр тулгуурласан болохоор огт харж чаддаггүй хүн гэж байхгүй.

Стерео дүрслэлийг олж харах хэд хэдэн арга байдаг.

Эхний арга

Зурагны аль нэг хэсэгт нь харцаа төвлөрүүлэх боломжгүй болтол нь дэлгэцэндээ ойрт. Бүр тулсан ч болно. Тэгээд зураг тод харагдахаа болиод зэрэглээтэн, балрах хүртэл хэсэгхэн зуур хүлээ. Ингээд зураг манантаад ирмэгц нь харцаа өөрчлөлгүйгээр толгойгоо дэлгэцнээс аажмаар холдуул. Ингэж холдуулаад эхлэхээр зурагны зарим хэсэг нь ойртож, зарим холдож эхэлнэ. Хэрэв та -3d-object (гурван хэмжээст объект) хэлбэрийн зураг харж байгаа бол зурагнаас бүүдгэр толбонууд урагшлаад ирнэ. Энэ үед ингэж гарч ирсэн хэсгүүдийг ажиглаад эхэлбэл гурван хэмжээст зургийг олж харна. Стерео дүрслэл харах дадал багатай хүн бол зурган дээгүүр харцаа хамаагүй гүйлгэх хэрэггүй. Нэлээд дадалтай болсныхоо дараа чөлөөтэй гүйлгэдэг болоол ирнэ.

Ингэж харахдаа хамгийн энгийн, гурван хэмжээсийг олж харахад хялбар, дараах зурагнуудаас эхэлсэн нь дээр байдаг.

Энэ зураг дээр Хоргын тогоо шиг галт уулын тогоотой төстэй зүйлийг олж харна.

Харин энэ зураг дээр нуга дээгүүр нисч яваа соно дүрслэгдсэн байгаа.

Энэ зураг дээр баруун тийш харсан туулай байгаа

Энэ зураг дээр хоорондоо хэлхэлдсэн гурван ширхэг цагираг байгаа

Удаах арга

Энэ арга нь арай хэцүү. Эхний аргыг сурсны дараа энэ аргаар харах гээд оролдоод үзэж болно. Энэ аргыг хэрэглэн дурын зайнаас стерео дүрслэлийг олж харах боломжтой ч эхэндээ 50 см-ээс ихгүй зайнаас харсан нь дээр байх. Ингээд зураг гурван хэмжээстэй, зарим цэг нь бусдаасаа илүү гүнд байрлаж байна гэж төсөөлөн анхааралтай харна. Өөрөөр хэлбэл зурагны гүн рүү, гүд байрлаж байна гэж төсөөлсөн цэг рүүгээ харна. Зурагны гүнийг хэдий чинээ сайн мэдэрнэ төдий чинээ сайн. Ингэх зуураа харцаа салгах гээд бас үзэж болно. Өөрөө хэлбэл хоёр нүдээрээ хоорондоо аль болох хол байрласан хоёр цэгийг тус тусад харна. Мэдээж хэцүү ч гэлээ эхний удаад харцаа бага ч гэсэн зайнд салгах гээдт үз. Ингэж чадмагц стерео дүрслэл урд талд нь товойн гарч ирнэ.

Стерео дүрслэл гарч ирсний дараа гүйлгэн харж үнэхээр гурван хэмжээстэйг нь шалгаж болно. Стерео зураг харах хангалттай дадалтай хүн гурав, түүнээс метрийн цаанаас стерео зураг дээрээс стерео дүрслэлийг олж харах боломжтой юм.

Ингээд дээрх зурагнууд дээр дадлага хийж байгаад эдгээр зурагнуудыг орж сонирхоорой.

Эрх чөлөөний хөшөө

Зүрх

Заан

Улаан нүдтэй шар шувуу

Бүргэд

Алхан хээ ч гэмээр, нэг тийм гурван хэмжээст хоёр хээ

Хүүхэн ба чөтгөр

Сөнөөгч онгоц

100$ гэсэн бичээс

]]> http://www.103.mn/archives/3053/feed 20