Хятадад хүүхдийн наймаа газар авсан тухай яриа мэр сэр дуулдаад намждаг байсан. Харин энэ удаад Хятадын эрх баригчид дорвитой арга хэмжээ авахаар шийдсэн бололтой. Энэ оны тавдугаар сарын эхээр Хятадын Сычуань мужаас эхэлсэн мөрдлөгийн үр дүнд 11-р сар гэхэд хүүхдийн наймаа эрхэлдэг болох нь тогтоогдсон 608 хүнийг баривчилж, наймаалагдах гэж байсан 178 хүүхдийг сулласан байна.
Энэ аймшигтай тоо шүү. Цаана нь илрээгүй хэд байгаа бол гэхээс тун ч таагүй сэтгэгдэл төрж байна. Манайх шиг цөөн хүн амтай улсын хувьд бол хүүхдийн наймаа хийдэг 600 хүн гэдэг бол гамшиг.
Ингэхэд та хүүхдээ яг одоо хаана, хэнтэй юу хийж явааг мэдэж байна уу? Хүүхдийнхээ хамгийн сайн найз нарын нэрийг мэдэх үү? Хүүхдийнхээ дуртай хоол, дуртай дуу, дуртай өнгө, дуртай кино, дуртай тоглоомыг мэдэх үү? Хамгийн сүүлд ямар хичээл дээр таагүй үнэлгээ авсан бэ? Хүүхэд тань болж бүтэхгүй хүмүүстэй нийлээд байгаа юм биш биз? Хүүхэд тань ямар дамжаа, сургалт, секцэнд явахыг хүсдэг вэ? Энэ мэт маш олон асуултанд хариулан хүүхдэдээ ямагт анхаарал тавьж байсан цагт энэ олиггүй 600 мэтийн этгээдүүдээс бид үр хүүхдээ сэргийлж чадна шүү.
Хүүхэдттэйгээ тайван, амгалан байдалд чөлөөтэй харьцах нэг өдрийг хичнээн ажил ихтэй байсан ч заавал гаргаж байхыг хичээгээрэй.

Ингээд үзэхээр их сонирхолтой дүр зураг гарч ирсэн байна. Жишээлэхэд, хүн амын тоогоор нэгдүгээрт жагсдаг БНХАУ нь газар нутгийн хэмжээгээр хамгийн том ОХУ-ын газар нутагт байрлаж, ОХУ нь харийн Казахстан улсын орыг эзлэхээр цөлөгджээ. Хүн амын тоогоор хоёрт ордог Энэтхэг газар нутгаараа хоёрт ордог Канадын нутагт очжээ.

Украйны оронд Узбекистан очиж, украйнчууд харин Өмнөд Америкийн Боливи улсын газар нугагт байрлавал нэг хүнд ноогдох ам дөрвөлжин километрийн хэмжээгээр шударга болох юм байна.

Харин 310 сая хүн амтай АНУ нь нэг хүнд ноогдох талбай ба хүн амын тоо нь яг таарч байгаа болохоор байрнаасаа хөдөлсөнгүй. Бразил, Ирланд улсууд мөн адил болохоор бас л хөдөлсөнгүй.

Пакситанчууд Австрали руу нүүж, австраличууд харин Испани руу нүүх болох нь.

Энэ мэтээр орон орны газар нутгийг хооронд солиход их сонин дүр зураг гарч байна. Та өөрөө зургийг нь хараад үзээрэй./ http://i.imgur.com/c6Agr.jpg энэ хаягаар./

Хамгийн сонирхолтой нь 800 хүнтэй Ватиканд байрлах газар олдсон байтал “Бүгд Найрамдах Ардчилсан Конго” улсад газраа “дээрэмдүүлсэн” хөөрхий монгол улсад дэлхийн улс төрийн газрын зураг дээр байрлах газар олдоогүй байна.

Энэ хэдийгээр нэгэн төрлийн “наргиан” ч гэлээ гадаадынхны зүгээс монгол гэгч улсад хандах хандлага, бас монголчууд бидний өөрсдөдөө хандах хандлагыг яг зөв тусган харуулсан хэрэг юм.

Бид “Яндаж баршгүй далай шиг яасан баян нутаг вэ?” гэсэн дуу дуулаад түүндээ онгироод эд баялагаа яаж хувааж идэхээс өөр зүйл сонирхохоо байчихаж. Тэгээд ямар ч улсын хамгийн гол бөгөөд хамгийн үнэтэй баялаг нь хүн байдаг гэдгээ мартжээ. Гэтэл гадгаадынхны хувьд монгол гэхээр нэг л их том газар нутагтай, тав арван жил ухаад ашиглаж болох орд газруудтай хүнгүй шахуу улс болон хувирчээ.

Одоогийн байгаа байдлаараа яваад байвал нэлээн хэдэн жилийн дараа энэ газрын зураг дээрх биелэлэ олж монголчууд гэхээр “Аан нээрээ хуруу дарам цөөн хэдэн хүн байж байгаад уусаж, үхэж дуусаад газар нутгийг нь Конго улс эзэлсэн гэсэн” гэж хэлэхээр болжээ.

Сар болгон зүгээр өгдөг 21мянган төгрөг байдаг шүү дээ. Та лав мэдэж байгаа байх. Яагаа вэ нөгөө Эх орны хишиг гэгч зүйл. Энэ мөнгөө авсан хүн гол төлөв яадаг билээ? Идэж, ууж дуусдаг. Тэгэхээр энэ мөнгийг өөр зүйлд зарцуулахгүй бол болохгүй юм байна гэвэл олон хүн санал нийлнэ гэдэгт итгэж байна.

Наад захын жишээ нь хүүхэдтэй болох гээд чадахгүй, яавал үрийн зулай үнэрлэх вэ, аль улсын ямар эмнэлэгт очих вэ, мөнгө хамаагүй гэсэн асар олон хүн байна. Яагаад тэдэнд үртэй болгох болгомж олгон тусгайлсан эмнэлэг бариулж хишгээ хайрлаж болохгүй гэж? Яагаад Эх орон нь жинхэнэ хишгээ хайрлан төлбөрийг нь даан үйлчилж болохгүй гэж. Эх орных нь үр хүүхдүүд баярлана шүү дээ. Экстрокорпораль буюу хуруу шилний үр тогтоолт гэж олон хосуудыг ээж аав болгосон буянтай нээлт байна шүү дээ. /Энэ тухай Энд дарж ороод уншаарай/

2 сая хүнд хорин мянга төгрөг өгөлгүй 1 сар төвлөрүүлэхэд хэдэн төгрөг болох вэ? Та тооны машин барьж байгаад бодоод үзээрэй.

Тэгвэл дагалдах эмчилгээ, шинжилгээ, хяналт, нийлээд ЭКО үр тогтоолт нь хамгийн өндөр үнэтэйдээ 10000 /Европын хувийн эмнэлэгт ийм үнэтэй хийдэг сураг байсан, бусад газар бол мэдээж хавьгүй хямд/ мянган доллар гээд бодвол хэдэн гэр бүл үрийн зулай үнэрлэж болж байна? Ахиад нэг сарын мөнгөөр шинэ эмнэлэг бариулж хүрэх үү? Ахиад нэг сарын мөнгөөр мэргэшсэн эмч нарыг бэлдэж хүрэх үү? Ахиад нэг сарын мөнгөөр анагаах ухааны хамгийн сүүлийн үеийн технологи, техникийг оруулж ирүүлбэл хүрэх үү? Ердөө л хэдхэн сарын мөнгийг хоол цай, архи пяав болгохын оронд ингэж үр дүнтэй зарцуулж болно бид дээ.

Бүгд нийлээд ийм санаа гарган хамтарвал яах бол? Та юу гэж бодож байна? Нөхдүүд үүнийг болгооё тайван амгалан байцгаа гэх бол уу? Ядаж нэг нам нь сонгуулийн амлалтаа болгож ялаад хэрэгжүүлж буян болох юм биш байгаа? Тэр нам ч олон дэмжигчтэй болно доо. Эсвэл хорин мянга нэхэх “шавар”-уудын тоог нэмээд яах юм бэ гэх юм бол уу?

P.S. Мөнгөө заавал авна гээд таталдаад байгаа нөхдүүдэд хэлэхэд 21 мянгыг бүр болиулалгүй, хэдхэн сарын мөнгийг л гэсэн санал дэвшүүлж байгааг анхаараарай.

Шинээр ээж болсон эмэгтэйн бие махбодийн онцлог
Жирэмсний үеэр өөрчлөгдөн хувирсан бүх эрхтэн системүүд нь эргэн хэвэндээ орж хөгжих явц буюу инволюци явагдаж байдаг болохоор төрсний дараах үе нь жирэмсний үе ба төрөх үеээс дутахааргүй чухал ач холбогдолтой юм. Эмэгтэй хүний бие махбодь нь жирэмслэхээс өмнө ямар байсан тэр хэлбэртээ эргэн орох хүртэл төрсний дараах үе нь зургаагаас найман долоо хоног үргэлжилдэг гэж үздэг.

Энэхүү төрсний дараах үед эмэгтэй хүний биеийг элдэв халдварт их эмзэг болгодог хэд хэдэн онцлогтой байдаг, үүнд:

1. Умайн хөндийд ихэс бэхлэгдэж байсан газарт томоохон шарх гардаг. Энэ шарх нь хуруугаа эсгэснээс үүсэх шарх мэтийн бусад дурын шархны адилаар дотор нь бохир, нян орох үед хялбар үрэвсдэг. Умайн хөндийнөөс ялгардаг шавхарга гэдэг нь аливаа нэг шархнаас ялгардаг шингэн. Төрсний дараах эхний хоёр гурав хоногт шавхарга нь цусархаг байх бөгөөд гурав дахь хоногоос эхлээд илүү илүү тунгалаг, цусархаг салсархаг болоод төрсний дараах долоогоос ес дэх хоногт салсархаг ховор болж, арав дахь хоногоос салсархаг болоод төрсний дараах үеийн 5-6 дахь долоо хоногт бүрэн зогсдог. Төрсний дараа удаан хугацааны туршид бэлэг эрхтэнээс гарч байгаа цусархаг зүйл нь хүндрэл байгааг заадаг.
2. Төрөх үед нярайн төрсөн нэг ёсны хаалганы үүрэг гүйцэтгэж өгсөн умайн хүзүү нь төрсний дараа үед удаан хугацаанд хагас нээлттэй байдаг. Төрсний дараа умайн хүзүүний суваг нь төрөлт дөнгөж дууссаны дараа гарын сарвууг оруулах хэмжээнд байдаг бол нэг хоногийн дараа 2 хуруу, гурван хоногийн дараа 1 хуруу, 10 хоногийн дараа хурууны үзүүрийг нь оруулах хэмжээнд очоод төрснөөс гурван долоо хоногийн дараа бүрэн хаагддаг. Тэгэхээр төрсний дараах эхний хоногуудад умайн хүзүү нь элдэв халдвар ороход нээлттэй байдаг гэсэн үг.
3. Төрсний дараах үед үтрээнд шүлтлэг орчин давамгайлж байдаг бол ердийн үед үтрээнд хүчиллэг орчинтэй байх ёстой. Хүчиллэг орчин нь элдэв халдварыг нэвтрүүлэлгүй, хориг, саад болж өгч байдаг. Харин дөнгөж төрсөн эмэгтэйн энэхүү хамгаалт нь ажиллагаагүй байдаг.
4. Жирэмсний үед эмэгтэй хүний дархлаа жам ёсоороо буурдагаас гадна төрөх үеийн стресс, гормоны хүчтэй өөрчлөлт, цус алдалт зэрэг зүйлсийн нөлөөгөөр төрсний дараах үед дархлаа, биеийн эсэргүүцэл ихээхэн суларсан байдаг.
5. Төрөх зөөлөн замын эдийн урагдалт дээр тавьсан оёдол мөн л халдвар орох эрсдлийг нэмэгдүүлэх хүчин зүйл болж өгч байдаг. Төрөх үед умайн хүзүү, үтрээ, хярзангийн ил харагдах урагдалт байгаагүй байж болох ч бичил урагдлуулт заавал үүсдэг бөгөөд эдгээр бичил урагдалт нь мөн л халдварыг хүний биед нэвтрүүлэх үүд болж өгч магадгүй юм.

Төрсний дараах үед мөрдөх ёстой энгийн дүрэм
Төрсний дараах үед ариун цэврийг сахихдаа тодорхой дүрмийг дагах ёстой байдаг, үүнд:
- Төрсний дараа, ялангуяа эхний 7-10 хоногт төрөх замын бичил урагдалт, шарх эдгэрэх, оёдол тавьсан бол ёодлыг авах хүртэл бие зассаны дараа болон өглөө босоод, орой унтахын өмнө бэлэг эрхтэнээ угааж байхыг хичээх хэрэгтэй.
- Урьдчилан сайтар угааж цэвэрлэсэн гараар, цавинаас хошного руу гэсэн чигт бүлэн усаар угаана. Угааж байгаа усыг ийм чиглэлд урсгаснаар шулуун гэдэснээс элдэв халдвар үтрээ рүү орохоос сэргийлж өгдөг. Бэлэг эрхтэнийг угаахаас өмнө ба дараа нь сайтар угаана.
- Бэлэг эрхтэнийг угаахдаа эхлээд умдаг ба бэлгийн их уруулыг хэсгийг угаагаад дараа нь гуяны дотор талыг угааж, хамгийн сүүлд нь хошногоны орчмыг угаана. Усыг үтрээгүй гүн урсан оруулалгүйгээр урдаа нь арагш чигт урсгана, шүршинэ. Усыг үтрээ рүү гүн оруулбал халдвар орохоос хамгаалах үүрэгтэй үтрээний хэрэгтэй бактериуд урсаж, зайлуулагдах аюултай тул үүнийг онцгой анхаарах хэрэгтэй.
- Угаадаг алчуур, угаадаг хөөс зэргийг ашиглах ямар ч хэрэгцээ байхгүй. Учир нь эдгээрийг ашиглан угаах үед бичил язралт үүсч халдвар орох эрсдэл нэмэгдэнэ.
- Угаасны дараагаар салтааны арьсыг эмзэг хэсгийн ариун цэврийг сахих зориулалттай цэвэр алчуураар арчина. Алчуурыг өдөр болгон сайтар цэвэрлэн угааж байх хэрэгтэй. Нэг удаагийн арчуур ашиглаж болно. Арчих хөдөлгөөн нь угаах хөдөлгөөнтэй адилаар урдаас арагш гэсэн чиглэлд явна.

Төрсний дараа бэлэг эрхтэний ариун цэврийг сахих хэрэгслүүд
Бэлэг эрхтэний ариун цэврийг сахих хэрэгслийг сонгох асуудал мөн л чухал. Хэрэгсэл нь арьсыг сайн цэвэрлэдэг, цочроодоггүй, харшил өгдөггүй байх ёстой. Төрсний дараах үед эмзэг хэсгийн ариун цэврийг сахих зорилгоор хүүхдүүдийн саванг ашиглаж болно, мөн богино хугацаанд буюу 7-10 хоногоос хэтрүүлэлгүйгээр бактерийн эсрэг үйлчилгээтэй саванг ашиглаж болно. Мөн рН эмзэг газрынхтай адил байдаг тул цочроодоггүй, сайн цэвэрлэж, үрэвсэл бактерийн эсрэг үйлчилгээтэй эмзэг газрын ариун цэврийг сахихад зориулагдсан гель, шингэнүүд мөн л сайн. Гол нь харшил өгөхгүй байх ёстой.

Ариун цэврийн хэрэглэл
Төрсний дараах эхний хоногуудад шавхарга нэлээд их хэмжээтэй байдаг болохоор сайн шингээж авдаг, дотоожинд сайн бэхлэгддэг шөнийн ариун цэврийн хэрэгсэл сонгож авах хэрэгтэй. Сүүлийн үед тусгайлан төрсний дараа ашиглах зориулалттай шингээх чадвар өндөртэй ариун цэврийн хэрэглэл гэж гарсан. Ариун цэврийн хэрэглэлийг бохирдохын хэрээр 2-3 цаг тутам заавал сольж байх хэрэгтэй. Шавхарга нь өвчин үүсгэгч нян үржих таатай орчин байдаг болохоор ийм ойр ойрхон солих шаардлагатай байдаг. Төрсний дараах эхний хоногуудад гарч байгаа зүйлийн хэмжээ, хэлбэр зэргийг эмч, сувилагч тогтооход хялбар байдаг тул том даавуун ариун цэврийн хэрэглэл хэрэглэж болно. Төрсний дараа үед гарч байгаа зүйл хэт их, эсвэл огт байхгүй бол нэн даруй эмч,сувилагчид мэдэгдэх хэрэгтэй. Учир нь хэт их хэмжээний (ариун цэврийн хэрэглэл хэдхэн минутын дотор нэвт норох, нөжирсөн цус гарах) шавхарга нь нэн даруй, яаралтай арга хэмжээ авах хэрэгтэй байдаг төрсний дараах цус алдалтын шинж тэмдэг байж болзошгүй юм. Харин төрсний дараа шавхарга огт гарахгүй байх нь умайн хүзүүний сувгийг нөж бөглөсөн, умайн агших чадвар буурсанаас үүдсэн байж болзошгүй юм.

Төрсний дараах үеийн цагаан хэрэглэл
Дотуур хувцас агаар чөлөөтэй нэвтрүүлдэг, хэт бариу биш гэсэн хоёр шаардлагыг хангаж байх ёстой.

Оёд
Умайн хүзүү, үтрээ, бэлгийн уруул, хярзан дээр оёдол тавиулсан бол эмзэг хэсгийн ариун цэврийн бүр сайн сайх ёстой гэсэн үг. Умайн хүзүү, үтрээ, бэлгийн уруул дээр хайлдаг оёдол гол төлөв тавьдаг. Хярзанд оёдол тавиулсан бол оёдлоо задлахгүйн тулд 3-4 долоо хоног орчим суухгүй байхыг зөвлөдөг. Хүүхдийг зогсож, хэвтэж байгаад хөхүүлнэ.

Оёдлыг угаахдаа арчуур зэргийг ашиглах шаардлага байхгүй. Оёдол гараар хүрэх хэрэггүй. Шүршүүр оёдолтой хэсэг рүү чиглүүлээд арчуураар маш болгоомжтой арчина. Халдварын эсрэг хамгаалтыг илүү сайжруулахын тулд усаар угаасны дараа маш сул яагаан өнгөтэй марганцын уусмал, эсвэл эмийн санд бэлдэн ариутгасан фурацилин зэргээр угаах хэрэгтэй.

Төрсний дараах эмзэг газрын ариун цэврийг сахихад хориглох зүйлс
Төрсний дараах үеийг дуусаж, бие махбодь бүрэн хэвийн хэмжээндээ хүрэх хүртэл ванн дүүргэн усанд орох, усанд сэлэх зэргээс татгалзах хэрэгтэй. Ингэснээр умайн үзүүгээр халдвар орж төрсний дараах хүндрэл үүсэхээс сэргийлнэ.

Дархлаа сул байгаа болохоор хэт даарахаас зайлсхийх хэрэгтэй.

Хүнд зүйл өргөж хэрхэвч болохгүй. Төрсний үед ээжийн өргөж болох хамгийн хүнд зүйл нярай хүүхэд л байна.

Эмзэг газрын ариун цэвэр сахихдаа барааны саван ашиглаж болохгүй.

Ямар ч тохиолдолд дотор талаас бургуйгаар шүршиж угааж болохгүй. Эмчийн заалтгүйгээр үтрээг дотор талаас нь бургуйдаж угаах нь халдвараас хамгаалах чадварыг нь бууруулан тус гэхээсээ илүүтэйгээр хор хүргэдэг болох нь нэгэнт батлагдсан зүйл.

Бие засах тухайд
Төрсний дараах эхний хоногуудад давсаг, шулуун гэдсийг цаг тухайд нь суллаж байхад анхаарах хэрэгтэй. Өөрөөр хэлбэл өтгөн, шингэнээ барих хэрэггүй. Учир нь умайтай зэргэлдээ байрладаг давсаг, шулуун гэдэс дүүрэх нь умайнд хэвийн агшилтанд саад болсноор төрсний дараах үеийн явцыг хүндрүүлж болзошгүй байдаг.

Төрөх үед ургийн толгой аарцагны мэдрэлийн зангилааг дарж шахсны улмаас төрсний дараах эхний хэд хоногт эмэгтэй хүн шээс нь хүрч байгааг мэдрэхгүй байх тохиолдол байдаг. Тиймээс шээс хүрэхгүй байсан ч 3 цаг тутам давсагаа суллаж байх хэрэгтэй. Шээж чадахгүй байгаа бол эмчид заавал хэлэх ёстой.

Төрсний дараах үед өтгөн хатах, шамбарам буюу цагаан мах эргэх гэсэн асуудал үүсэх нь олонтаа. Ялангуяа хярзанд оёдол тавиулсан бол дүлэх үед оёдол задарч магадгүй байдаг болохоор цаг тухайд нь өтгөнөө гадагшлуулж байх хэрэгтэй. Төрснөөс 2-3 хоногийн дараа өтгөнөө гадагшлуулах хэрэгтэй. Үүний тулд буудайн чанамал, жимс ногоо зэрэг эслэг ихээр агуулсан бүтээгдэхүүн, тараг хэрэглэж байх хэрэгтэй. Дан сүү, шинэ цагаан талх, хөөлгөгч ашиглан хөөлгөж хөвсгийлгөсөн гурилан бүтээгдэхүүн, хурц халуун ногоотой, өөх тос ихтэй бүтээдэхүүнээс татгалзана. Шамбарам хөдөлсөн үед бие зассаны дараагаар ариун цэврийн цаасаар арчилгүйгээр хүйтэндүү бүлээн усаар угааж цэвэрлэх нь дээр. Шаардлагатай бол эмчийн бичсэн лааг хэрэглэж болно.

Биеийн ерөнхий ариун цэвэр
Эмзэг газрын ариун цэврээс гадна биеийн ерөнхий ариун цэврийг сайтар сахиж байх хэрэгтэй. Хамгийн энгийн бөгөөд заавал дагах ёстой дүрэм бол гараа сайтар угааж цэвэрлэж байх явдал. Боломжтой бол шүршүүрт өглөө оройд орж байх. Ор хөнжлийн цагаан хэрэглэлийг хамгийн цөөндөө 5-7 хоног тутам сольж байх хэрэгтэй. Цамц цэвэр даавуун байх ёстой бөгөөд өдөр болгон сольж байх хэрэгтэй. Гар, хөх, эмзэг газрыг арчдаг алчуурууд зөвхөн таных байх ёстой. Өөр хүн санамсаргүй хэрэглэхээргүй газар байлгах нь дээр.

Хөхийг хүүхдийн саван ашиглан гараараа өдөр хоёроос ихгүй удаа угааж байх хэрэгтэй. Хуучных шиг хөхийг хүүхдээ хөхүүлэхээс өмнө заавал угаах гэсний хэрэггүй. Ингэвэл хөхний товч гэмтэх нь нэмэгддэг. Хөхний товч орчмыг халдварын эсрэг йод г.м. зүйлстийг түрхэх хэрэггүй. Хөхийг хамгаалах хамгийн сайн арга бол хөхүүлж дуусаад хэдэн дусал сүү саан түүгээр хөхний товч, товчны тойронд
түрхээд арчилгүйгээр 2-3 минут хаттал нь хүлээх явдал юм.

Умайн холбоос нь төрсний дараах эхний хэд хоногт их сунасан хэвээр байдаг болохоор маш хөдөлгөөнтэй байдаг. Умайг зөв байрлалд орох хүртэл түрүүлгээ харж унтах нь зөв. Ийм байрлалтай унтахад шавхарга гадагшлахад бэрхшээл үүсдэггүй.

Төрөхөөс гарсны дараа 10-14 хоноод эмэгтэйчүүдийн эмчид үзүүлэх хэрэгтэй байдаг. Бүх зүйл хэвийн байлаа ч гэсэн төрсний дараах үе элдэв хүндрэлгүйгээр явж байгааг эмч үзлэг хийн магадлаж үзэх ёстой.

“Сайн бна уу би сая кесар хагалгаагаар төрсөн юмаа. Тэгээд хүүхэд маань эмнэлэгт бга. Инкубаторт бга. Миний хөхний сүү татраад бна. Хөхөндөө яаж сүү оруулах вэ? Хүүхэд маань гарах болоогүй бга. Надад туслаач?”

Ямар ч байсан нэг зүйлийг сайн мэддэг байх хэрэгтэй. Юуны өмнө хөхөнд сүү үүсэх явц нь пролактин нэртэй гормон буюу даавраас шалтгаалдаг. Энэ гормоны хэмжээ нь нь хүүхэд хэр их хөхөөр хооллож байгаагаас шалтгаална. Өөрөөр хэлбэл хүүхэд хөхөөр хооллосон хэвээр л байгаа бол пролактин ялгарч хөхөнд сүү үүсээд л байна гэсэн үг.  Үнэхээр ч хүүхдээ 6-7 нас хүртэл хөхөөр хооллосон ээж нар цөөнгүй байдаг нь үүний тод жишээ.

Харин үүссэн сүү нь хөхнөөс ялгарах, гадагшлах эсэх нь окситонцин гэдэг өөр нэг гормоны ялгарлаас хамаардаг. Яаж вэ гэхээр ийм үйл явц болдог. Окситоцин гормон нь хөхний булчирхайн хэсгүүдийг тойрсон булчинг агшааж өгснөөр үүссэн сүү нь гадагшилдаг. Гэтэл энэ гормоны хэмжээ нь ээжийн сэтгэл санаанаас ихээхэн хамаардаг. Тэгэхээр ээж цочсон, айсан, ямар нэг зүйлд санаа зовсон, өвдсөн г.м. хөхөөр хооллохтой холбоотой эвгүй зүйл мэдрэгдэхэд ялгарах хэмжээ нь багассанаар үүссэн сүү нь гадагшлах нь багасна. Иймд аль болох тайван байж, ямар ч байсан ертөнцөд хүн болж мэндэлсэн үрээ хөхөөрөө хооллож чадна гэдэгтээ итгэлтэй, тайван байх хэрэгтэй.

Энэ бол онол. Харин онол судалж, жор үзсэн ламаас зовлон үзсэн …. юу гэдэг билээ дээ? Тэгэхээр ийм асуудал цөөнгүй тулгардаг гэдгийг ээжүүд сайн мэдэж байгаа биз. Тиймээс илүү зүйл нуршаад хэрэггүй, эрхэм хүндэт ээж нар та нарыг туршлагаасаа сэтгэл харамгүй хуваалцана гэдэгт найдаж байна.

Монголын ирээдүй болсон хүүхэд, түүний ээж хоёрт зөвлөгөө өгч байгаа болохоор ээж нар өгч байгаа зөвлөгөөндөө туйлын хариуцлагатай хандана гэж найдаж байна. Гэхдээ Bayarmaa, түүнтэй адил түр зуурын бэрхшээл тулгарсан ээж нар өгсөн зөвлөгөөг дагах, хэргэлэхийн өмнө эмчлэгч эмч, нярайн эмч нартай уулзан зөвлөгөө, зөвшөөрөл авч байхад огтхон ч илүүдэхгүй гэдгийг мартуузай.

Дашрамд сонирхуулахад Шведийн Лунд ИХ сургууль, Гётеборгийн их сургуулийн судлаачид нь эхийн сүүнд байдаг хорт хавдар устгах чадвартай HAMLET гэдэг бодисыг хорт хавдартай сайн дурынхан дээр туршиж үзээд 40 гаруй төрлийн хорт хавдар-ыг устгах чадвартай болохыг нь тогтоосон байна. Хорт хавдрын эсрэг эм нь хүний эрүүл мэндэд сөрөг нөлөө үзүүлдэг бол HAMLET нь эрүүл мэндэд сөрөг нөлөө үзүүлэлгүйгээр зөвхөн хорт хавдрыг устгадаг ажээ.

Өдөр тутмын амьдралд тэр бүр хэрэг болоод байдаггүй болохоор хэддүгээр цусны бүлэгтэйгээ мэддэг хүн цөөн. Тэгэж байгаад гэмтэж бэртэх, өвчин эмгэг тусах, эсвэл гадаад явах хэрэгтэй болохоор л аргагүйн эрхэнд цусныхаа бүлгийг тодорхойлуулдаг. Ингэхэд яагаад ийнхүү цусыг бүлэг болгон хуваагаад байгаа юм бэ, ямар хэрэгтэй юм бэ гэсэн асуулт төрөх нь зүйн хэрэг. Энэ талаар ойлгомжтой товчхон танилцуулахыг хичээв.

Цусны бүлэг

Цусны улаан эс буюу эритроцитүүд дээр цусны бүлгийн антиген гэж нэрлэгддэг тусгай уургууд байдаг. Харин цусны сийвэн буюу плазм дотор эдгээр антигенүүдийн эсрэг үйлчлэлтэй антибиет буюу antibody гэгч зүйл ялгардаг. Ингээд адил нэртэй антиген ба антибиет хоёр “учрахаараа” харицлан үйлчлэлд орж эритроцитүүд нь хоорондоо наалдчихдаг. Нэг ингээд наалдчихсан бол эритроцитүүд нь хүчилтөрөгчийг тээвэрлэж чадахаа байчихдаг /хүчилтөрөгчгүй бол хүн удаан тэсэхгүй нь мэдээж/. Ийм учраас нэг хүний цусанд адил нэртэй антиген ба антибиет хоёр байдаггүй. Энэхүү антиген ба антибиет хоёрын хослолыг та бид цусны бүлэг гэж ялгадаг. Улмаар дээр хэлсэнчлэн эритроцитүүд нь наалдаж үхэлд хүргэхээс сэргийлэх үүднээс зөвхөн адил бүлгийн цусыг сэлбэж хийх шаардлагатай болдог.

Хүний биеийн бүх уургуудын адилаар цусны бүлгийг тодорхойлогч антиген ба антибиетүүд нь хүнд эцэг, эхээс нь удам дамжин ирдэг. Ингэхдээ цусны бүлэг бус харин зөвхөн уургууд нь удамшдаг болохоор уламжлан ирсэн уургууд нь яаж хосолсноос болоод эцэг, эхээсээ өөр цусны бүлэгтэй байж ч болно.

Үүнээс гадна маш олон янзын антиген, антибиетүүд байдаг болохоор тэдэн дээр үндэслэн цусыг өөрөөрянз бүрийн бүлэг болгон ангилсан байдаг. Нийт цусыг 43 янзаар бүлэг болгон ангилсан байдгаас заримыг нь дурдвал:
АВО систем, Резус систем, Келлийн систем, Киддын систем, Даффийн систем, MNSs систем г.м.

Эдгээрээс АВО систем буюу манайд нэрлэж заншиснаар цусыг 1-ээс 4 хүртэл бүлэглэж ангилдаг систем нь дэлхийд хамгийн өргөн ашиглагддаг. Энэхүү системээр бол цусны дараах байдлаар бүлэг болгон хуваадаг.

Антигенууд: А, В; Антибиетүүд : альфа, бета.

Удамших явц: IA гэсэн генийн нөлөөгөөр А уураг нийлэгждэг, IB гэсэн ген нь В гэсэн уургийг, i нь уураг нийлэгжин удамих команд өгдөггүй.

I буюу О, /ОО/ цусны бүлэг. Генийн хэлбэр нь ii. Энэ бүлгийн цусны улаан эс буюу эритроцитүүд дээр нь антиген байдаггүй, харин цусны сийвэн буюу плазмд нь хоёр төрийн антиетүүд хоёул байж байдаг.

II буюу А, /АО/ цусны бүлэг. Генийн хэлбэр нь IA\IA эсвэл IА\i. Эритроцитууд дээр нь А антиген, плазмад нь бета антибиет.

III буюу В /ВО/ цусны бүлэг. Генийн хэлбэр нь IB\IB эсвэл IВ\i. Эритроцитүүд дээр нь В антиген, плазмад нь альфа антибиет.

IV буюу АВ цусны бүлэг. Генийн хэлбэр нь IA\IB. Эритроцитүүд дээр хоёр антиген хоёул байрласан, плазмад нь хоёр антибиет хоёул байхгүй.

Эцэг, эхийн цусны бүлгээс хамаараад хүүхдийн цусны бүлэг нь дараах хэлбэрээр байж болно:

Эцэг, эх нь хоёул нэгдүгээр буюу О бүлгийн цустай бол хүүхдүүд нь зөвхөн нэгдүгээр бүлгийн цустай байх болно.

Эцэг, эх нь хоёул хоёрдугаар буюу А бүлгийн цустай бол хүүхдүүд нь нэг, эсвэл хоёрдугаар бүлгийн цустай байх болно.

Эцэг, эх нь хоёул гуравдугаар буюу В бүлгийн цустай бол хүүхдүүд нэг, эсвэл гуравдугаар бүлгийн цустай байх болно.

Эцэг, эх нь нэг ба хоёрдугаар бүлгийн цустай болно хүүхдүүд нь нэг, эсвэл хоёр хоёрдугаар бүлгийн цустай байх болно.

Эцэг, эх нь нэг ба гуравдугаар бүлгийн цустай бол хүүхдүүд нь нэг, эсвэл гуравдугаар бүлгийн цустай байх болно.

Эцэг, эх нь нэг ба дөрөвдүгээр бүлгийн цустай бол хүүхдүүд нь хоёр, эсвэл гуравдугаар бүлгийн цустай байх болно.

Эцэг, эх нь хоёр ба гуравдугаар бүлгийн цустай бол хүүхдүүд нь ямар ч бүлгийн цустай байж болно.

Эцэг, эх нь хоёр ба дөрөвдүгээр бүлгийн цустай бол хүүхдүүд нь хоёр, эсвэл гурав, эсвэл дөрөвдүгээр бүлгийн цустай байх болно.

Эцэг эх нь гурав ба дөрөвдүгээр бүлгийн цустай бол хүүхдүүд нь хоёр, эсвэл гурав, эсвэл дөрөвдүгээр бүлгийн цустай байх болно.

Эцэг, эх нь хоёул дөрөвдүгээр бүлгийн цустай бол хүүхдүүд нь хоёр, эсвэл гурав, эсвэл дөрөвдүгээр бүлгийн цустай байх болно.

Эцэг эх хоёрын аль нэг нь нэгдүгээр бүлгийн цустай бол хүүхэд дөрөвдүгээр бүлгийн цустай байна гэж байхгүй.

Эцэг эх хоёрыны аль нэг нь дөрөвдүгээр бүлгийн цустай бол хүүхэд нэгдүгээр бүлгийн цустай байна гэж байхгүй.

Хүүхдийн цусны бүлэг эцэг, эхийн цусны бүлгээс хамааран тодорхойлогдох магадлал :

Цусны бүлгээр үл таарах тохиолдол

Жирэмсний үед манай сайт дээр өмнө гарч байсан резус зөрчилдөөнөөс гадна цусны бүлэгтэй холбоотой зөрчилдөөн үүсэх эрсдэл байдаг. Эхэд байхгүй антиген нь урагт байгаа үед эхийн бие нь антигений эсрэг антибиет ялгаруулж эхэлж болзошгүй байдаг. Ийм зөрчилдөөн нь дараах тохиолдлуудад үүсэж болзошгүй:

ураг II буюу АО бүлгийн цустай харин эх нь нэг буюу ОО, эсвэл гурав буюу ВО бүлэгтэй үед

ураг III буюу ВО бүлгийн цустай харин эх нь нэг буюу ОО, эсвэл хоёр буюу АО бүлэгтэй үед

ураг IV буюу АВ бүлгийн цустай харин эх нь өөр аль нэг бүлгийн цустай үед.

Иймд эх, эцэг хоёр өөр өөр бүлгийн цустай тохиолдолд /эрэгтэй нь нэгдүгээр буюу ОО бүлгийн цустайгаас бусад/ цусны бүлгийн антибиет урагт байгаа эсэхийг шалгаж байхыг зохистой гэж үздэг.

Резус фактор, резус зөрчлийн талаар энд дарж уншаарай.

Дараа нь гаргасан тоогоо хоёр дахь хүснэгтийн дээд талын хэвтээ эгнээнээс олно. Өөрийн тооны дагуух босоо хүснэгтээс хүүхэд олсон сарын харалдаах графикийн өөрчлөлтөөс ямар хүүхэд төрөх магадлал өндөр байгааг харна. Ингэхэд “х” гэсэн тэмдэг олон байх тусам тухайн хүйсний хүүхэд олон байх магадлал өндөр болж ирнэ.

Жишээлэхэд, ээж нь 8-р сард төрсөн, аав нь 4-р сард төрсөн бол дээд талын хүснэгтээс 4 гэсэн тоо гарна. Энэ тооны дагуу доод талын хүснэгтээс үзэхэд хүү олох магадлал 8-р сард хамгийн өндөр, охин олох магадлал 6-р сард хамгийн өндөр болж байна.

Магадлал 55%.

Гал тогооны өрөө бол гэрийн хамгийн чухал өрөө. Үргэлж эмх цэгцтэй, цэвэр, нямбай бай. Гал тогооны угаалтуурт шороотой зүйлийг угаахыг хориглох  хэрэгтэй. Энэ нь угаалтуурын усны хоолойг бөглөх бөгөөд хэрэглэх боломжгүй болгож болно.

Ширээн дээр үлдсэн хоолны бүх хэрэгсэлийг хураагаагүй тохиолдолд  бүтээж орхих хэрэгтэй. Энэ нь хоол хүнсийг гадны нянгаас хамгаална.

Хоолны ширээг савантай алчуураар цэвэрлэх хэрэгтэй. Ингэснээр үнэр болон толбыг арилгах ба ялаа болон жоом татагдахгүй болно.

Усны савнуудыг (ваар, домбо, шилэн сав) гадна тал болон дотор талыг цэвэрлээд үргэлж таглаатай эсвэл бүтээлттэй байлгах. Ундны усанд  зориулан усаа том саванд хадгалдаг тохиолдолд тусгай хутгагчийг хажууд  нь тусгайлан байрлуулах тавих хэрэгтэй.

Бие засах өрөө болон ариун цэврийн өрөө цэвэр байх ёстой бөгөөд эдгээр  зөв баригдсан байх нь маш чухал.

Бохирын хоолой нь хангалтай том эсэх нь чухал бөгөөд бохирын хоолойны материал нь төмөр эсвэл хатуу зүйлийн аль аль нь байж болно, хангалттай өргөнтэй байх, зөв суулгагдсан байх, бөглөрөхөөс урьдчилан сэргийлсэн байх хэрэгтэй.

Гадаах бие засах газрын газар доорх ухсан нүх хангалттай гүнзгий эсэх нь  чухал. Жорлонгийн нүхийг таглах бүрхүүлтэй байлгах хэрэгтэй. Учир нь  ялаа, шумуул болон бусад амьтад цуглахаас урьдчилан сэргийлнэ.

Боломжтой бол бие засах газартаа суултуурыг бат бэх суулгаад дөрвөн  хана ба тааз хийх хэрэгтэй. Бие засах өрөөний суултуурыг тогтмол  сойздож цэвэрлэх хэрэгтэй. Дотор талд нь тогтсон шар толбыг арилгахын тулд  цагаан цуу болон хүчлээр цэвэрлэ.

Цементлэсэн шал нь хальтиргаатай байх талтай. Ариун цэврийн өрөөг  халтиргаанаас урьдчилан сэргийлэн тогтмол сойздох хэрэгтэй.

Усны сав, шанага болон савангийн савыг цэвэр байлгах, пластик савнууд нь гулгамтгай, хальтирамтгай байдлыг үүсгэдэг. Үүнээс урьдчилан сэргийлж сойздож угаах хэрэгтэй.

Хүндэрснийхээ дараа ариун цэврийн цаас, ус, савангаар цэвэрлэгээ хий.  Сонин, хатуу цаас болон бусад том материал нь тасран хоолойг бөглөх  бөгөөд үүнээс урьдчилан сэргийлж дээрх зүйлсийг хэрэглэхээс зайлсхий.

Хашаа болон хашааныхаа гадна доторхыг цэвэр бөгөөд хоггүй байлга. Бохир байдал нь эргэн тойронд өвчин үүсгэдэг. Бохир орчин нь нарийн гэдэс,  арьс, нүд болон уушигны нянгийн эх үүсвэр болдог. Ялангуяа хашаан дотор  тоглодог хүүхдүүдийн дунд. Хашаан доторх хүн болон амьтны бохирыг тэр  дор нь цэвэрлэх.

Газрын хогийг шүүрдэхээсээ өмнө хог босож гэр рүү орохоос сэргийлж усаар шүрших хэрэгтэй. Тэжээвэр амьтаныг гэрийн гадаа байлга. Тэднийг тороор  эсвэл бусад зүйлээр хаших хэрэгтэй. Тэд хортон шавьж, нохой бөөс, бясаа мэтийн олон нянгуудыг авчирж болно.

Хогийн савыг битүү байлгах нь ялаа болон оготноос хамгаалдаг. Хогийн  савны хогийг нохой муур зэрэг амьтад тарааж цацахаас урьдчилан сэргийлж хүнд тагаар тагла.