Эрүүл мэнд » Зөвлөгөө

Хүний биед хортой хүнсний нэмэлт бүтээгдэхүүн

103 — Fri, 21 May 2010 13:00:29 +0000

Ашиг олох, ашиг олох бас дахин ашиг олох гэсэн зарчмаар амьдарч байгаа нийгэмд хувь хүн, компаниуд нь энэхүү ашгийг олохын төлөө юу ч хийхээс буцахгүй. Тийм ч болохоор ашиг олохын төлөө гүйлгээ сайтай бүтээгдэхүүн, тэдний дотор хүнсний бүтээгдэхүүнийг аль болох хямд бага зардлаар олноор нь хийж борлуулахыг хичээдэг. Гэтэл олон зуун жилийн турш уламжлан ирсэн хуучны аргаар хийвэл бага зардлаар олноор нь үйлдвэрлэх бараг боломжгүй. Ингэж хийсэн хүнсний бүтээгдэхүүн нэгд өртөг өндөр, хоёрт удаан хадгалах боломжгүй, гуравт тэр бүр үзэмжтэй байдаггүй.

Ийм нөхцөлдюу эрхэм компаний эзэд нь мөнгө сарвайн эрдэмтэн мэргэдээс тусламж хүссэн нь ойлгомжтой. Цаадуул нь, мөнгийг нь тоолж үзчихээд мөрөө нэг хавчин, нүдний шилээ нэг засчихаад химийн аргаар гаргаж авсан хямд төсөр орлуулагч бодисууд буюу хүсний нэмэлт бодисуудын үйл олноор нь зохион бүтээчихэж. Тэдгээр бодисуудыг нь ашиглан компаний эзэд нь хуучин аргаар хийсэн бол хэзээ ч байж боломгүй хүртэл төрөл бүрийн хүсний бүтээгдэхүүнүүдийг үйл олноор нь үйлдвэрлэн, зарж “лайтай их ашиг” олж эхэлжээ. Уламжлалт аргаар хийсэн бол хэзээ ч байж боломгүй бүтээгдэхүүнүүдийн нэг нь чипс. Гахайн мах, кимчи, эсвэл бүр алимны амттай, ногоон, улаан, хүрэн өнгөтэй чипс г.м.

Хүнсний үйлдвэрлэлд ашигладаг нэмэлт бүтээгдэхүүнүүдийг нийтэд нь Е үсгээр тэмдэглэдэг.

Е101 – E180 нь хүнсний будагч бодисууд

Эдгээр бодис нь бүтээгдэхүүний хүссэн өнгөөр будах, эсвэл боловсруулалтын үед алдагдсан өнгийг нь дахин сэргээх зорилгоор ашигладаг. Жишээлэхэд, хиамын чанах үед мах саарал өнгөтэй болно. Тэгэх ч ёстой. Гэвч саарал өнгөтэй хиам нь худалдан авагчид таашаадаггүй, борлуулалт нь муу байдаг тул будагч нэмж улаан ягаан өнгөтэй болгодог. Гэхдээ бета каротин гэх мэтийн биологийн гаралтай будагчид бас байдаг. Ийм будагчийн нөлөөгөөр жишээлэхэд, лууван байгалиасаа улаан өнгөтэй болдог.

E200 – E229 нь консервантууд буюу хадгалалтын хугацааг уртасгадаг бодисууд. Элдэв мөөгөнцөр, нянгийн үржлийн дарамтлах замаар бүтээгдэхүүнийг муудахаас сэргийлдэг.

E300 – E399 нь антиоксиданд, исэлдэхээс сэргийлэгч бодисууд. Бүтээгдэхүүнийг гашилж, исэлдэн өнгө нь муудахаас хамгаална. Заримдаа С витамин, Е витамин гэх зэрэг байгалийн нэгдлүүд байдаг бол заримдаа химийн аргаар гаргаж авсан бодисууд байдаг.

E400 – E499 нь тогтворжулагч бодисууд. Бүтээгдэхүүний нягтрал алдагдахаас сэргийлэх наалдамтгай, нийлэмтгий чанарыг нь нэмэгдүүлнэ.

E500 – E599 нь эмульгаторууд. Эдгээр бодисууд нь ус ба тос гэх мэтийн байгаль дээр хэзээ ч нийлдэггүй шингэнийг нийлүүлсэн нэгэн жигд шингэн гаргаж авахад тусладаг. Мөн хөвсгөр болгодог.

E600 – E699 нь амт, үнэрийг хүчтэй болгогч бодисууд. Өөрөөр хэлбэл ийм бодисуудыг нэмсний дараа бүтээгдэхүүний үнэр, амт нь хадгалалтын явцад алдагдана гэж айлтгүй.

E900 – E999 гялалзуулагч бодисууд. Бохь гэх мэт зарим бүтээгдэхүүнийг харахаар нэг их гоё гялалзаад байдаг даа? Гурил г.м. бүтээгдэхүүний чанар алдагдахаас сэргийлнэ.

Е1000 нь сүүлийн үед гарч ирсэн шинэ нэмэлтүүд.

Гэтэл өөр нэг хэсэг эрдэтэмтэд нь нөгөө хэсгийнхээ гаргаж ирсэн тэдгээр хүнсний нэмэлт бүтээгдэхүүн, бодисууд нь хүний биед тун ч таагүй, зарим үед бүр үхлийн аюултай нөлөө үзүүлдэг болохыг нь тогтоох нь тэр. Үүнийг мэдсэн ард олон дургүйцэхэд төр нь хэрэглэж болох, хэрэглэх болох бодисуудыг заасан хууль тогтоомж гарч ирсэн. Үүний улмаас хүсний бүтээгдэхүүний үйлдвэрлэгчид нь ямар гээчийн химийн бодисыг бүтээгдэхүүнээ нэмж байгаагаа сав баглаа, шошго дээрээ заавал зааж өгөх ёстой болсон юм. Хүн ямар гээч химийн бодис идэж байгаагаа мэдэж аваад, өөрөө сонголт хийг гэж. Гэвч улс болгон өөрийн эдийн засаг, төсөв мөнгө энэ тэрээ бодоод энэхүү хориотой жагсаалтыг янз бүрээр танаж байдаг. Үр дүнд нь нэг улсад хориотой бодисыг өөр улсад зөвшөөрсөн байх г.м. Аль улсад хориотой химийн нэмэлтийн жагсаалт хамгийн цөөн гэдгийг та лав гадарлаж байгаа биз.

Тэгэхээр юмыг яаж мэдэх вэ, гял цал болсон эрээн мяраан гоё хайрцагтай гадгаад дотоодын бүтээгдэхүүн авахаасаа өмнө сав баглаа, шошго энэ тэрийг нь хараад дараах зүйлс байгаа эсэхийг шалгаж байгаарай. Ялангуяа хүүхдийн идэх дуртай чихэр, уух дуртай ундаа, зажлах дуртай бохь зэргийг авч өгөхийн өмнө сайтар шалгаж байгаарай.Нэрээ төрөө боддог томоохон компаниуд дийлэнх тохиолдолд ямар гээч Е хийснээ орц, найрлага дээрээ заавал заасан байдаг. Ийм тэмдэглэгээ байхгүй бол … нь дээр байх.

Сав баглаан дээрх тэмдэглэгээ	Үйлчилгээ	Сав баглаан дээрх тэмдэглэгээ	Үйлчилгээ	Сав баглаан дээрх тэмдэглэгээ	Үйлчилгээ	Сав баглаан дээрх тэмдэглэгээ	Үйлчилгээ
Е 102	Аюултай	Е 180	Аюултай	Е 280	Өмөн үүсгэж болзошгүй	Е 463	Ходоодны хямрал үүсгэгч
Е 103	Хориглогдсон	Е 201	Аюултай	Е 281	Өмөн үүсгэж болзошгүй	Е 465	Ходоодны хямрал үүсгэгч
Е 104	Сэжиг бүхий /хоргүй нь батлагдаагүй/	Е 210	Өмөн үүсгэж болзошгүй	Е 282	Өмөн үүсгэж болзошгүй	Е 466	Ходоодны хямрал үүсгэгч
Е 105	Хориглогдсон	Е 211	Өмөн үүсгэж болзошгүй	Е 283	Өмөн үүсгэж болзошгүй	Е 477	Сэжиг бүхий /хоргүй нь батлагдаагүй/
Е 110	Аюлтай	Е 212	Өмөн үүсгэж болзошгүй	Е 310	Арьсны тууралт	Е 501	Аюултай
Е 111	Хориглогдсон	Е 213	Өмөн үүсгэж болзошгүй	Е 311	Арьсны тууралт	Е 502	Аюултай
Е 120	Аюултай	Е 214	Өмөн үүсгэж болзошгүй	Е 312	Арьсны тууралт	Е 503	Аюултай
Е 121	Хориглогдсон	Е 215	Өмөн үүсгэгч	Е 320	Холестерин	Е 510	Онц аюултай
Е 122	Хоргүй нь нотлогдоогүй	Е 216	Өмөн үүсгэж болзошгүй	Е 321	Холестерин	Е 513Е	Онц аюултай
Е 123	Онц аюултай, хориглогдсон	Е 219	Өмөн үүсгэж болзошгүй	Е 330	Өмөн үүсгэж болзошгүй	Е 527	Онц аюултай
Е 124	Аюултай	Е 220	Аюултай	Е 338	Ходоодны хямрал үүсгэж болзошгүй	Е 620	Аюултай
Е 125	Хориглогдсон	Е 222	Аюултай	Е 339	Ходоодны хямрал үүсгэаж болзошгүй	Е 626	Гэдэсний хямрал үүсгэж болзошгүй
Е 126	Хориглогдсон	Е 223	Аюултай	Е 340	Ходоодны хямрал үүсгэж болзошгүй	Е 627	Гэдэсний хямрал үүсгэж болзошгүй
Е 127	Аюултай	Е 224	Аюултай	Е 341	Ходоодны хямрал үүсгэж болзошгүй	Е 628	Гэдэсний хямрал үүсгэж болзошгүй
Е 129	Аюултай	Е 228	Аюултай	Е 343	Ходоодны хямрал үүсгэж болзошгүй	Е 629	Гэдэсний хямрал үүсгэж болзошгүй
Е 130	Хориглогдсон	Е 230	Өмөн үүсгэж болзошгүй	Е 400	Аюултай	Е 630	Гэдэсний хямрал үүсгэж болзошгүй
Е 131	Өмөн үүсгэж болзошгүй	Е 231	Арьсанд хортой нөлөө үзүүлдэг	Е 401	Аюултай	Е 631	Гэдэсний хямрал үүсгэж болзошгүй
Е 141	Хоргүй нь нотлогдоогүй	Е 232	Арьсанд хортой нөлөө үзүүлдэг	Е 402	Аюултай	Е 632	Гэдэсний хямрал үүсгэж болзошгүй
Е 142	Өмөн үүсгэж болзошгүй	Е 233	Аюултай	Е 403	Аюултай	Е 633	Гэдэсний хямрал үүсгэж болзошгүй
Е 150	Хоргүй нь нотлогдоогүй	Е 239	Арьсанд хортой нөлөө үзүүлдэг	Е 404	Аюултай	Е 634	Гэдэсний хямрал үүсгэж болзошгүй
Е 151	Арьсанд хортой нөлөө үзүүлдэг	Е 240		Е 405	Аюултай	Е 635	Гэдэсний хямрал үүсгэж болзошгүй
Е 152	Хориглогдсон	Е 241	Хоргүй нь нотлогдоогүй	Е 450	Ходоодны хямрал үүсгэж болзошгүй	Е 636	Аюултай
Е 153	Өмөн үүсгэж болзошгүй	Е 242	Аюултай	Е 451	Ходоодны хямрал үүсгэж болзошгүй	Е 637	Аюултай
Е 154	Гэдэсний хямрал, даралтанд нөлөөж болзошгүй	Е 249	Өмөн үүсгэж болзошгүй	Е 452	Ходоодны хямрал үүсгэж болзошгүй	Е 907	Арьсны тууралт үүсгэж болзошгүй
Е 155	Аюултай	Е 250	Даралтанд нөлөөлж болзошгүй	Е 453	Ходоодны хямрал үүсгэж болзошгүй	Е 951	Арьсанд хортой нөлөө үзүүлдэг
Е 160	Арьсанд хортой нөлөө үзүүлдэг	Е 251	Даралтанд нөлөөлж болзошгүй	Е 454	Ходоодны хямрал үүсгэж болзошгүй	Е 952	Хориглогдсон
Е 171	Хоргүй нь нотлогдоогүй	Е 252	Өмөн үүсгэж болзошгүй	Е 461	Ходоодны хямрал үүсгэж болзошгүй	Е 954	Өмөн үүсгэж болзошгүй
Е 173	Хоргүй нь нотлогдоогүй	Е 270	Хүүхдэд аюултай	Е 462	Ходоодны хямрал үүсгэж болзошгүй	Е 1105	Арьсанд хортой нөлөө үзүүлдэг

Хүсний аюулгүй байдлын жил энэ тэр гээд сүржин юм олон сонсогддог ч энэ Е-ийн дундаас манай улсад аль хориотой, аль нь хориогүй байгаа нь мэдэгдэхгүй юм. Аргаа бараад хойд зүгийн мэргэжилтнүүдийн гаргасан жагсаалтыг оруулсан нь энэ. Манайд энэ талаар шинжлэх ухааны үндэслэлтэй арга хэмжээ авагддаггүй бололтой юм. Наад захын жишээ саяын мелалинтай холбоотой дуулиан. Гадгаадад л меланин гэж бөөн юм болоогүй бол “бяд чинь” мэдэхгүй л нөгөө сүүг нь уугаад л байх байсан.

Түрүү булчирхайн үрэвслээс сэргийлэх цогц дасгал

103 — Tue, 04 May 2010 11:08:31 +0000

Түрүү булчирхайн үрэвслээс сэргийлэх цогц дасгалБЗХӨ тусаж байсан, архи, тамхи хэтрүүлэн хэрэглэдэг, суугаа ажил эрхэлдэг, байнга даарч хөрдөг эрчүүдийн дийлэнх нь 30 гараад ирэхээрээ түрүү булчирхайн үрэвсэл гээч тун таагүй зүйлтэй тулгардаг. Гэвч зарим эрчүүд түрүү булчирхай гэж сонсож байсан болохоос ямар үүрэгтэй, юунд хэрэгтэйг нь нэг их сайн гадарладаггүй.

Тэгэхээр эхлээд түрүү булчирхай гэгч зүйл эр хүний бие махбодид ямар үүрэг гүйцэтгэдэг талаар тайлбарлах нь зөв байх.
Түрүү булчирхай гүйцэтгэдэг үүрэг:

• Үрийн шингэний суурь болж өгдөг түрүү булчирхайн шүүс ялгаруулах. Тэгэхээр энэ шүүс багасаад ирвэл хүүхэдтэй болох магадлал багасна.
• Тестостерон нэртэй эр бэлгийн даавар буюу гормон ялгаруулдаг. Энэхүү үндсэн эр бэлгийн даавар нь маш олон нөлөө үзүүлдгээс заримыг нь тоочвол: төв мэдрэлийн системийн бэлгийн төвүүдийн өдөөмтгий чанарыг нэмэгдүүлнэ, бэлгийн дур хүслийг нэмэгдүүлнэ, эр бэлэг эрхтэний хөвчрөлтийн хүч ба давтамжийг нэмэгдүүлнэ.
• Простагландин нэртэй маш олон тооны үйлчилгээтэй биологийн идэвхт бодисыг ялгаруулдаг.
• Эрхтэн хөвчрөх үед давсагны амсарыг хааж хавхлаганы үүргийг гүйцэтгэдэг. Энэ ямар ач холбогдолтой болох талаар эрчүүдэд хэлэх ньт илүүц байх.
• Дотоод мэдрэлийн эсийн систем маш өндөр хөгжсөн байдаг болохоор дур тавих үед таатай мэдрэмж төрүүлдэг. Энэ ямар ач холбогдолтой талаар эрчүүдэд тайлбарлах нь мөн л илүүц байх.

Тэгвэл түрүү булчирхайн үрэвслийн үед энэ бүх зүйл их бага тодорхой хэмжээгээр алдагдана гэдэг яаж ч бодсон таатай зүйл биш. Эр хүний хувьд маш чухал ийм олон үүрэг гүйцэтгэдэг болохоор зарим хүн түрүү булчирхайг эр хүний хоёр дахь зүрх ч гэдэг. Тэгэхээр эр хүн болгон хоёр дахь зүрхээ үрэвсэхээс уьдчилан сэргийлэх эдгээр дасгалуудыг хийж дадсан байхад илүүдэх зүйл ер байхгүй.

Гайхамшигтай үр нөлөө, ид шид амлаагүй байна, “наад захын истюүпид хүн” хийж чадах хэт энгийн юм байна г.м. голох гэж бүү яараарай. Жинхэнэ өндөр үр ашигтай, өгөөжтэй юм болгон энгийн байдаг.
Дасгал №1
Үндсэн байрлал: Зогсоо, эсвэл суугаа, эсвэл хэвтээгээс.
Гүйцэтгэл: Амьсгаагаа гүнзгий авахтай зэрэгцэн гэдсээ төвийлгэнэ. Төвийлгэсэн чигтээ амьсгалаа 10-12 секунд бариад дараа нь төвийсэн гэдсээ нуруу руугаа татан шахаж амьсгаагаа гарна.
Давтамж: Дасгалыг 5-7 удаагийн давталттайгаар өдөрт гурван удаа хийж байгаарай.

Дасгал№2
Үндсэн байрлал: Зогсоо, эсвэл суугаа, эсвэл хэвтээгээс
Гүйцэтгэл: 8-10 секундын турш хошногоо аль болох хүчтэй хумиж татна.
Давтамж: Нэг хийхдээ 3 удаа давтана. Өдөрт өөрийн мэдрэмжээ хэд хэдэн удаа хийж болно.

Дасгал №3
Үндсэн байрлал: Зогсоогоос
Гүйцэтгэл: Биеийн жингээ баруун хөл дээрээ шилжүүлж байгаад зүүн хөлөөрөө урагш хойш чөлөөтэй савлаж хөдөлгөнө.
Давтамж: хөл тус бүр дээр 40-100 удаа. Давталтын тоог заавал 40-өөс эхлэх хэрэггүй, өөрийн боломжоор бага тооноос эхлэн бага багаар ахиулсаар 100 хүргэнэ гэдгийг анхаараарай. Өдөрт нэг удаа хийгээд байхад хангалттай.

Дасгал №4
Үндсэн байрлал: Зогсоогоос.
Гүйцэтгэл: Их биеэ баруун зүүн тийш хазайлгана. 30 градусаар. Гүйцэтгэх хурд дундаж. Өөрөөр хэлбэл хэт удаан биш, өөрт эвтэй хурдаар. Хазайж байгаа талын хөлийг өвдгөөр нь нугалж болно.
Давтамж: Өдөрт нэг удаа.

Дасгал №5
Үндсэн байрлал: Зогсоогоос
Гүйцэтгэл: Доороо үсэрнэ. Үсрэхдээ үсрэлтийн өндрийг өөрчилнө. Нэг өндөр, нэг нам гэх мэт үсрэлтийн өндрийг Дасгалыг нүцгэн хийхэд хамгийн зохистой гэж боловсруулсан эмч нар нь зөвлөсөн байна. Үсрэлтийг 50-аас эхлээд нэмсээр өдөрт 300 хүргэнэ. Энд мөн л адил өөрийн биеийн боломжоор эхлээд үсрэлтийн тоог аажмаар нэмэхээ мартуузай. Эхэндээ бэлиг эрхтэний орчим бага зэрэг эвгүй мэдрэмж мэдэгдэж магадгүй.
Давтамж: Өдөрт нэг удаа.

Дасгал №6
Үндсэн байрлал: Зогсоогоос
Гүйцэтгэл: Хоёр гараараа юм тулж, эсвэл юмнаас сайтар зүүгдэн хамгаалж байгаа шпагат суухыг хичээнэ. Сунгалтын дасгал хийж байгаагүй хүн шпагат сууна гэдэг бараг боломжгүй гэлээ дараа дараагийн удаад хоёр хөлийн хоорондох зайг аль болох ихэсгэхийг хичээгээрэй. Ингээд хоёр хөлийн хоорондын зайг чинээнд нь тултал ихэсгээд энэ байрлалдаа 20-30 секунд тогтоон барина
.Давтамж: Өдөр нэг удаа.

Дасгал №7
Үндсэн байрлал: Суугаагаас
Гүйцэтгэл: Өгзөгөн дээрээ мөлхөх. Хоёр хөлийн хооронд мөрний хэмжээний зайтаагаар урагш жийж суугаад хоёр өгзөгөө ээлжлэн урагшлуулах замаар урагш “мөлхөнө”. Өгзөг тус бүр 30-50 “алхам” хийнэ. Мөн л тоог өөрийн боломжоос эхлээд бага багаар ахиулна.
Давтамж: Өдөрт нэг удаа.

Дасгал №8
Үндсэн байрлал: Дээш харж хэвтэнэ.
Гүйцэтгэл: Дагз, өгзгөөрөө тулж байгаад нуруугаа хотойлгон газраас хөндийрүүлнэ. Хөндийрүүлсэн чигтээ 10 секунд оржим бариад буулгана.
Давтамж: нэг удаад 3-10 удаа давтана. Өдөрт нэг удаа хийнэ.

Дасгал №9
Үндсэн байрлал: Доош харж хэвтэнэ. Гар биеийн дагуу.
Гүйцэтгэл: Гараараа тулалгүйгээр цээж, хөлөө газраас нэгэн зэрэг өргөнө. Зөвхөн гэдсээрээ тулна. Энэ байрлалд цуцталаа, өөрөөр хэлбэл аль болох удаан барьна.
Давтамж: Нэг удаад хийхдээ 3 удаа давтана. Өдөрт 1 удаа хийнэ.

Дасгал №10
Үндсэн байрлал: Хөлөө жийн сууна.
Гүйцэтгэл: Хөлөө өвдгөөр нь нугалалгүйгээр гараа хөлийн өлмийнд хүргэнэ. Эхэндээ хүрэхгүй байж магадгүй. Тэглээ гээд шантрах хэрэггүй хамгийн гол нь хөлөө нугалалгүйгээр хөлий өлмий рүү аль болох ойртоод, хамгийн ойртсон байрлалдаа тогтоон барихыг хичээнэ.
Давтамж: Дасгалыг өдөрт 1 удаа, 20 минутаас цөөнгүй хугацаанд хийж байгаарай.

Дасгал №11
Өөрөө өөртөө түрүү булчирхайн массаж хийх. Усанд орж байхдаа баруун гарын /солгой хүн зүүн гарын/ долоовор, эсвэл дунд хурууг сайтар угааж цэвэрлэсний дараа нейтрал тосоор сайтар тослож байгаад хошного руугаа хийнэ. Дараа нь хуруугаараа шулуун гэдэсний урд хананд болгоомжтой иллэг хийнэ. Нийтэлийн эхэнд байгаа зураг дээрхтай адил. Дасгалыг хийж эхлэхийн өмнө уролог, эсвэл андрологич эмчид хандан зохих ёсны зааварчилгаа авсан байх хэрэгтэй шүү. Хамгийн гол нь болгоомжтой.

Дасгал №12
Үндсэн байрлал: Суугаагаас
Гүйцэтгэл: Суугаагаас дээш харан хэвтээд мөрөн дээрээ тулж их биеэ өргөх йогийн дасгал. Хүзүүний үеийн гэмтэлтэй, даралт ихтэй, синуситтэй хүмүүс хийх хэрэггүй шүү. Дагз, мөр, тохойгоороо тулжбайгаад их бие, хөлөө дээш өргөнө. Гарын сарвуугаар их биеээ тулж өгнө. Энэ байрлалыг боломжийн хэрээр бариад буулгана.

Мөн л өөрийн мэдрэмжийг даган баг багаар биеэ дасгасаар сайн гүйцэтгэдэг болно. Энэ дасгалыг бие даан гүйцэтгэхэд бэрхшээлтэй байгаа бол фитнес төвүүдийн йогийн багшид хандан зөвлөгөө аваарай.

Ерөнхийдөө нэг иймэрхүү дасгалууд байна. Өглөө босоод 30-40 минутын дотор эдгээр цөөн хэдэн дасгалыг хийхэд ядаад байх юмгүй биз. Эсвэл ажлаа тарж ирээд 30 -40 минут зарцуулж яагаад болохгүй гэж. Хамгийн сүүлийн дасгалыг эс тооцвол бусад нь гүйцэтгэхэд ямар нэг тусгай бэлтгэл энэ тэр огт шаардахгүй. Давтах тоог өгсөн байгаа ч хэдэн удаа, яаж давтахыг тодорхойлох хамгийн гол зүйл нь таны өөрийн мэдрэмж гэдгийг мартаж болохгүй.

Эрүүл мэнддээ анхаарал тавьдаггүй, сексд дургүй эрчүүд бол эдгээр дасгалуудыг хийхгүй байж болно.

Та сэтгэгдлээ хуваалцаарай буюу надад ийм зүйл тохиолдоод байна №3

103 — Fri, 23 Apr 2010 11:51:24 +0000

Саяхан манай сайтын Bayarmaa гэдэг хэрэглэгч ийм нэгэн хүсэлт ирүүлжээ.

“Сайн бна уу би сая кесар хагалгаагаар төрсөн юмаа. Тэгээд хүүхэд маань эмнэлэгт бга. Инкубаторт бга. Миний хөхний сүү татраад бна. Хөхөндөө яаж сүү оруулах вэ? Хүүхэд маань гарах болоогүй бга. Надад туслаач?”

Ямар ч байсан нэг зүйлийг сайн мэддэг байх хэрэгтэй. Юуны өмнө хөхөнд сүү үүсэх явц нь пролактин нэртэй гормон буюу даавраас шалтгаалдаг. Энэ гормоны хэмжээ нь нь хүүхэд хэр их хөхөөр хооллож байгаагаас шалтгаална. Өөрөөр хэлбэл хүүхэд хөхөөр хооллосон хэвээр л байгаа бол пролактин ялгарч хөхөнд сүү үүсээд л байна гэсэн үг. Үнэхээр ч хүүхдээ 6-7 нас хүртэл хөхөөр хооллосон ээж нар цөөнгүй байдаг нь үүний тод жишээ.

Харин үүссэн сүү нь хөхнөөс ялгарах, гадагшлах эсэх нь окситонцин гэдэг өөр нэг гормоны ялгарлаас хамаардаг. Яаж вэ гэхээр ийм үйл явц болдог. Окситоцин гормон нь хөхний булчирхайн хэсгүүдийг тойрсон булчинг агшааж өгснөөр үүссэн сүү нь гадагшилдаг. Гэтэл энэ гормоны хэмжээ нь ээжийн сэтгэл санаанаас ихээхэн хамаардаг. Тэгэхээр ээж цочсон, айсан, ямар нэг зүйлд санаа зовсон, өвдсөн г.м. хөхөөр хооллохтой холбоотой эвгүй зүйл мэдрэгдэхэд ялгарах хэмжээ нь багассанаар үүссэн сүү нь гадагшлах нь багасна. Иймд аль болох тайван байж, ямар ч байсан ертөнцөд хүн болж мэндэлсэн үрээ хөхөөрөө хооллож чадна гэдэгтээ итгэлтэй, тайван байх хэрэгтэй.

Энэ бол онол. Харин онол судалж, жор үзсэн ламаас зовлон үзсэн …. юу гэдэг билээ дээ? Тэгэхээр ийм асуудал цөөнгүй тулгардаг гэдгийг ээжүүд сайн мэдэж байгаа биз. Тиймээс илүү зүйл нуршаад хэрэггүй, эрхэм хүндэт ээж нар та нарыг туршлагаасаа сэтгэл харамгүй хуваалцана гэдэгт найдаж байна.

Монголын ирээдүй болсон хүүхэд, түүний ээж хоёрт зөвлөгөө өгч байгаа болохоор ээж нар өгч байгаа зөвлөгөөндөө туйлын хариуцлагатай хандана гэж найдаж байна. Гэхдээ Bayarmaa, түүнтэй адил түр зуурын бэрхшээл тулгарсан ээж нар өгсөн зөвлөгөөг дагах, хэргэлэхийн өмнө эмчлэгч эмч, нярайн эмч нартай уулзан зөвлөгөө, зөвшөөрөл авч байхад огтхон ч илүүдэхгүй гэдгийг мартуузай.

Дашрамд сонирхуулахад Шведийн Лунд ИХ сургууль, Гётеборгийн их сургуулийн судлаачид нь эхийн сүүнд байдаг хорт хавдар устгах чадвартай HAMLET гэдэг бодисыг хорт хавдартай сайн дурынхан дээр туршиж үзээд 40 гаруй төрлийн хорт хавдар-ыг устгах чадвартай болохыг нь тогтоосон байна. Хорт хавдрын эсрэг эм нь хүний эрүүл мэндэд сөрөг нөлөө үзүүлдэг бол HAMLET нь эрүүл мэндэд сөрөг нөлөө үзүүлэлгүйгээр зөвхөн хорт хавдрыг устгадаг ажээ.

Болзоондоо хоцорч ирээд хайртай залуугийнхаа талаар юу мэдэж болох вэ?

103 — Fri, 16 Apr 2010 11:38:04 +0000

Хайр дурлалыг болзоогүйгээр төсөөлөх аргагүй. Тэгэхээр хайр дурлалтай учирч явсан бүсгүй хүн болгон болзоонд явж байсан. Харин бүсгүй та болзооноосоо хэзээ ч хоцорч байгаагүй юу? Тэгвэл болзоонд бүсгүй хүн хоцорч ирэхийг ер нь байх ёстой зүйл гэж үздгийг мартаж болохгүй. Өөрөөр хэлбэл эрчүүд хоцорсон хугацаанд хүлээснээрээ тухайн бүсгүйг хэр их хүсэн хүлээж байгаагаа харуулдаг уламжлалтай. Ингээд болзооноосоо 5-10 минут хоцорч ирснээр та болзсон залуугийнхаа талаар олон зүйлийг мэдэх боломжтой юм.

Хүлээж байгаа хүн биеэ хэрхэн авч явж байгааг нь ажигласнаар тухай хүний талаар олон зүйлийг хэлэх боломжтой гэж сэтгэл судлаач -д нотолж байна. За ингээд гар утсаараа урьдчилан холбогдоод зай нь дуусах гээд байгаагаа мэдэгдэсний дараагаар 10-15 минут хоцроод болзсон залуугаа сайн ажиглаарай.

1.Залуу чинь тэвчээр алдарсан янзтай ийш тийш холхино

Ийм эмэгтэйчүүд огцом, түргэн, тэсрэлтийн гэмээр зантай. Улмаар бодолгүйгээр элдэв зүйл хийчихээд дараа нь харамсах нь цөөнгүй. Тэвчээр муутай, сэтгэл хөдлөл нь тогтворгүй. Эмэгтэйчүүдийг шууд л ганц дайралтаар байлдан дагуулах дуртай.

Энэ нь бүтэлгүйтвэл сэтгэлээр унаж, гутралд ордог, эсвэл өөр бүсгүйн эрэлд гарна. Мэхлэлт, дурлалын шинэ адал явдал эрэлхийлэх хүсэл нь ойр ойрхон илэрдэг хэдий ч амрагийн ажилдаа сайн, халамжит нөхөр, аав байж чаддаг.

2.Хүлээх зуураа цагаа дэмий үрэлгүй юм уншин сууж, эсвэл зогсож байдаг

Ийм хүнийг уурлуулах, барьц алдуулах тун хэцүү. Тэвчээртэй, тайван хүн. Хамгийн гол нь суусан газраасаа шороо атгаж босдог хүн болохоор амьдралын ямар ч нөхцөл байдалд дасан зохицох чадвар өндөртэй. Ийм төрлийн хүмүүс таагүй байдалд орж, гомдож уурлалаа ч гол төлөв гаднаа юу ч мэдэгдэлгүйгээр бүгдийг дотроо хураан дардаг.

Өөртөө итгэх итгэл, өгөх үнэлгээ нь өндөрө болохоор ажил мэргэжил нь урагштай байдаг. Таалагдсан бүсгүйгээ урт удаан хугацаанд тойглож, араас нь гүйх замаар буулгаж авдаг. Түр зуурын харьцаа тогтоохдоо тааруу ч гэр бүлийн амьдралд итгэж болохоор хүн.

3.Нүдээ анин биеэ суллаад сандал дээр тухалчихсан сууж байдаг

Өөртэй нь холбоогүй, хамаагүй л бол юу ч байсан үл тоосон байр суурьнаас ханддаг хүмүүс гол төлөв ингэдэг. Олны аясыг дагах дургүй ч гэлээ өөрөө ч гэсэн ямар нэг үзэл бодол, санаа оноогүй явах нь давамгайлдаг. Эмэгтэй хүнтэй харьцахдаа идэвхгүй байр суурь баримталж, эмэгтэй хүнээр байлдан дагуулуулах сонирхолтой.

Гэр бүлийн амьдралд ямар ч санаачлагагүй төдийгүй уйтгар төрмөөр хөндий байдал гаргах нь цөөнгүй. Улмаар гэр оронтой холбоотой бүх хариуцлага, ажил энэ тэрийг эмэгтэйдээ үүрүүлдэг. Чөлөөт цагаа буйдан дээр тухлан зурагт ширтэж өнгөрүүлэх дуртай.

4.Ойрхон байгаа хүнтэй тав гурван үг сольж цаг нөхцөөж байдаг

Танихгүй хүмүүстэй тав гурван үг солих дуртай хүмүүс нь өөртөө итгэл муутай, түгшүүртэй, болгоомжтой байх нь олонтаа. Тэд хууль дүрмийг ягштал дагадаг бөгөөд нам, том компани, клуб, албан газар гэх мэтийн ямар нэгэн нэртэй, том зүйлийн нэг хэсэг нь байхыг юу юунаас илүү хүсдэг.

Иймд хараат бус байх, яаралтай шийдвэр гаргах, хариуцлага хүлээх зэрэгт сандарч, тэвдэн үгүй бол сэтгэлээр унаж гутардаг. Харин бүх зүйл нь цэгцэрсэн өдөр тутмын амьдралд ийм эрчүүд нь сэтгэл хангалуун байдаг бөгөөд ямар нэг зүйл өөрчлөхийг хүсдэггүй. Ийм эрчүүд нь үерхдэг бүсгүй, эхнэр энэ тэрдээ маш үнэнч бөгөөд, атганд нь өөрийгөө болон хэтэвчээ тушаачихдаг.

5.Дэргэдэх хүндээ заавар, зөвлөгөө өгөх, шүүмжлэх гэх мэтээр зохион байгуулагч, даргын ажил хийж зогсдог

Ийм хүн ямар ч үед нөхцөл байдлыг хяналтандаа байлгаж, санаачлагыг гартаа авахыг хичээдэг. Улмаар гэртээ ч тэр, ажил дээрээ ч дэр хатуу дарга, том босс байдаг. Эмэгтэй хүнтэй харьцахдаа мөн л санаачлагыг гартаа авч, удирдаж залдаг бөгөөд барагтай л бол эмэгтэйнхээ хүсэл, саналыг сонсдоггүй. Гэр бүлийн амьдралд тэд эхнэр, хүүхдээ хатуу гараар барьдаг сонгодог төрлийн дарангуйлагч болдог. Гэхдээ үүнтэйгээ зэрэгцэн үнэнч нөхөр, гэр бүлийнхээ сайн сайхны төлөө уйгагүй зүтгэгч байдаг.

6.Хүлээх зуураа зангиагаа, барьж байгаа цэцгээ, сонингоо гэх мэтээр юу ч хамаагүй тэвчээр алдарсан байртай үнгэлж байдаг

Ийм эрчүүд гол төлөв зөн билиг нь сайн хөгжсөн, мэдрэмтгий, сэтгэлийн хөдөлгөөнтэй, тачаангуй хүн байдаг. Гэхдээ өөрийнхөө хүсэл мэдрэмжийг илэрхийлэх гэж яардаггүй. Ажил нь амжилтгүй болох, дурлал нь бүтэлгүйтэх гэх мэтийн амьдралын хүнд дарамтын нөлөөгөөр ийм төрлийн хүн өөртөө итгэлгүй түүртсэн хөөрхийлөлтэй нэгэн болж хувирч магадгүй.

Хайр дурлалаас болж шаналах нь олонтаа бөгөөд гэр бүлийнх нь амьдрад аз жаргалтай атал хардах, үл итгэх шалтаг олчихсон шаналж явах нь цөөнгүй. Гэхдээ хайрласан эмэгтэй хүнийх нь ухаан, тэвчээр, хүлээцтэй байдал нь ийм төрлийн эрчүүдийг халамжтай, гэр амьтай хүн болгож чаддаг.

7.Уцаарлаж бухимдсан байртай минут тутамд цагаа ширтдэг

Төрөлхийн “эсэргүү”, үргэлж бусадтай болон өөртэйгээ зөрчилдөж явдаг хүн ийм авир гаргадаг. Юу ч байсан, хэн ч байсан, ялангуяа өөрөөсөө дээгүүр албан тушаал, эрх мэдэлтнүүдийг эсэргүүцэн сөрж зогсох гэсэн гол зорилготой. Ийм хүн мэдээж ажил мэргэжилдээ өндөр амжилт гаргах нь өдрийн од шиг ховор. Гэсэн атлаа миний алдаанд надаас бусад бүх хүн буруутай гэсэн зарчмыг ягштал баримталдаг.

Гэр бүлийн амьдралд мөн адил хувиа хичээж довоо шарлуулсан авир гаргадаг бөгөөд ханиа элдэв ялихгүй зүйлээр өөнтөглөж, өөрийнхөө зөв гэдгийг нотлох дуртай. Өөртөө итгэлтэй, дайчин, зоригтой эмэгтэйг эхнэрээ болгож авах сонирхолтой байдаг ч бодит байдал дээр өөрийнх нь элдэв авирыг чимээгүй тэсээд өнгөрч чадах даруухан, үгэнд оромтгой, дуу султай эмэгтэйг сонгож авдаг.

Дүгнэлт

Арван хуруу тэгш хүн гэж байдаггүй болохоор хүн болгонд өөрийн гэсэн сул тал, дутагдал байдгийг мартаж болохгүй. Гол нь тухайн хүнд байгаа сайн муу талуудын аль нь давамгайлаад байна вэ гэдэг л чухал.

Эцэст нь хэлэд болзоондоо дандаа хоцроод байж бас болохгүй биз. Дандаа хоцорч ирээд байвал залуугийн тэвчээр нэг өдөр дуусаад хоцордоггүй хүнтэй болзохоор шийдэж бас магадгүй юм шүү. Тэгэхээр хэтрүүлэхгүй бас дутаалгүйгээр донжийг нь таруулаарай бүсгүйчүүд минь.

АМИН УС – MuVoda архины хор тайлна, чихрийн шижингээс сэргийлнэ

103 — Tue, 06 Apr 2010 11:46:48 +0000

АМИН УС нь дэлхийд гайхамшигтай хосгүй бүтээгдэхүүн бөгөөд БНСУ МУВОДА компанид үйлдвэрлэсэн сүүлийн үеийн нано-технологоор үйлдвэрлэж, байгалийн аргаар шүлтлэг усыг бий болгох зарчим дээр үндслэн гаргасан бичил төхөөрөмж юм.

Усны сав 1ш + шүлтлэгийг зохицуулах катриж 1ш эдгээр нь хоргүй хиймэл материал болох доликарбонойдоор, таг нь полипропилен, хөнгөн цагаанаар хийгдсэн болно. Усны сав нь ЗООмл хэмжэзтэй.

Үйлчлэх хүрээ:

Сахарын шижин өвчнөөс урьдчилан сэргийлж сахарын хэмжээг бууруулна.
Ходоод гэдэсний замын эрхтэнүүдийн үйл ажиллагааг сайжруулан етгөн хаталт болон суулгалтаас сэргийлэх, цусан дахь өөх тосны хэмжээг бууруулах ба дархлааг дэмжих үйлчилгээтэй.
Биеийн өөрөө өөрийгөө эрүүлжүүлэх чадварыг дээшлүүлж, биеэс хүнд металлын давсууд, химийн нэгдэл, янз бүрийн хоруудыг гадагшлуулах ба саармагжуулж өгдөг.
Гормоны зохицуулга алдагдсаны улмаас үүссэн таргалалтын үед сайн нөлөөлне.
Цусан дахь сахар, өех тос болон холестерины хэмжээг бууруулна.
Цесний хүчлийн бодисын солилцоог идэвхжүүлж, холестерин үүсэхийг саатуулж өгнө.
Хорт хавдрын эсийн өсөлтийг саармагжуулна.
Биед өөхөн хуримтлал үүсэх болон уүссэн целлюлитыг багасгаж, тураах үйлчилгээ үзүүлнэ.
Хоол боловсруулалт ба шингээлтийг сайжруулж, элгийг цэвэршүүлэн гэдэс сайн цэвэрлнэ.
Бүдүүн гэдэсний хорт хавдраас сэргийлнэ.
Төв мэдрэлийн системийг тайвшруулна.
Амны болон хелсний эвгүй үнэрийг арилгана.
Архи хэрэглэх үед бие махбодийг хоргүйжүүлнэ.
Арьсны батга, сэвх, нөсөө, толбыг арилган эрүүлжүүлж, эрүүл, толигор, цайвар үзэсгэлэнтэй болгоно.

Катриж доторх найрлага:

Магний хайлш:
Усны шүлтлэг буюу рН-ийг зохицуулжидэвхтэй ус төрөгчийг үүсгэнэ. Мөн усны ОКР-ийг багасгана.
Модны нүүрсний керамик үрэл:
Хлоргүйжүүлэх, бактерийн эсрэг мөн шүлтлэгийг тэнцвэржүулж байгалийн цэвэр тунгалаг ус гаргах үйлчилгээтэй.
Шар шорооны керамик үрэл:
Минералыг гаргаж усан дахь шүлтлэг органик бодисыг задалж өгдөг.
Цахиур чулууны керамик үрэл:
6-н талт бөгөөд цахиурын давсны төрлийн ашигт малтмал юм.
Супер термалины керамик үрэл:
Усан дотор электронуудыг ялгаруулж усны молекулын хэвийн байдлийг ханган сөрөг цэнэгтэй ион үүсгэнэ.
Ионпай үрэл:
Усны молекулын хэмжээг багасгаж идэвхжүүлснээр тэжээлийн бодисыг уусгах болон гадагшлуулах үйл ажиллагааг сайжруулна.

Байгалийн аргаар шүлтлэг усыг бий болгох зарчим:
Усны молекулын зарим хэсэг нь ионжсон хэлбэрээр /Н+КН-/ байна.
Магнийн хайлш нь устай урвалд орж /-/ цэнэгтэй атомыг уүсгэнэ.
Усны Н+ион /-/ цэнэг бүхий атомтой холбогдож устөрөгчийг үүсгэнэ.
Усны доторх ОН-ийн хэмжээ нь харьцангүйгээр нэмэгдэж шүлтлэг орчныг бий болгоно.
Идэвхтэй устөрөгч үүсч /хийн бөмбөлөг/ шууд хүний нүдээр харж болно.
Төрөл бүрийн минералууд уусан саармагжиж, тэнцвэржих процесс нэмэгдэн хүний биед тэжээлийн бодисыг хангаж өгнө.

ХЭРЭГЛЭХ ЗААВАР:
Аялал жуулчлалаар болов хадөө явахдаа хэрэглэхэд нэн тохиромжтой. Усны савыг сайтар цэвэрлээд катрижийг дотор нь байрлуулж ундны цэвэр ус хийж 5 минут саармагжуулан өдөр тутам ууж хэрэглэнэ. Долоо хоногт нэг удаа катрижийг далд ортол ус хийгээд, үүн дээрээ амны том халбагаар хүнсний цууны хүчил хийж таглаад дээш доош нь сэгсэрч цэвэрлэнэ.
Энэ үед хийн бөмбөлөг үүсэх бөгөөд саармагжуулах магнийн үрэл цэвэрлэгдэнэ. Дараа нь усаар 1-2 удаа 1 зайлна.
Магнийн үрэл элэгдэх хугацаа 8-15 сар байх бөгөөд катрижийг энэ хугацаанд сольж байх шаардлагатай.
Мөн ус хэрэглээгүй үедээ тагийг байнга таглах ба дахин ашиглахдаа дээрхийн адилаар цэвэрлэж хэрэглэнэ. Цай болон кофе-г уг саванд хийж болохгүй. Катрижийн гаднах, савыг 1-2 сарын дотор халуун усанд хийж цэвэрлэнэ.

АМИН УС бүтээгдэхүүнийг 2007 оноос БНСУ болон Хятад, Япон, АНУ, Франц, Гермаи, Мексик, Казакстан зэрэг орнуудын хүн ам өргөн хэрэглэж байна.

Утас: 99788119, 88134195

Хөлийн иллэг №1. Тавхайн иллэг

103 — Tue, 06 Apr 2010 05:45:53 +0000

Тавхайн иллэг нь хөлийн булчинд төдийгүй бие махбодид бүхэлд нь сайнаар нөлөөлдөг. Хөлийн уланд хүний биеийн эд эрхтэн болгонд сайнаар нөлөөлдөг олон арван цэг байдаг. Зориулалтын газар нь очоод мэргэжлийн хүнээр хийлгэвэл үзүүлэх сайн нөлөө нь сайн байх нь мэдээж. Өдрийн турш хуримтлагдсан стресс, ядаргаа -г тайлна гэдэг кайфтай нь мэдээж.
Гэхдээ та бид ажил ажил гээд тэр бүр тийм зав гардаггүй болохоор гэртээ өдөр тутам хийчихэж болох энгийн арга илүү үр өгөөжтэй биз ээ.
Ингээд та бүхэнд өдөр тутам биш гэхэд долоо хоногт хоёр удаад тавхайндаа хийгээд байж болох тайвшруулах, амраах энгийн иллэгийг сонирхуулж байна.

Эхлээд хэдэн ерөнхий зүйлсийг уншаад тогтоож аваарай. Хэрэг болох нь гарцаагүй.
Хөлийн нум
Хөлийн нуманд байрладаг цэгүүд нь нуруу нугастай холбоотой гэж үздэг. Тэгэхээр нуруу, нугасаар өвдөх үед энэ хэсэгт хүчтэйвтэр дарж иллэг массаж хийвэл өвдөлт намдана.

Хөлийн нум
Хөлийн хурууны өндөг, өөрөөр хэлбэл хурууны доод хэсэгт нь нүд, чих, хамрын хөндий, шүд зэрэг эрхтэнтэй холбоотой цэгүүд байрладаг. Тэгэхээр хуруу тус бүрт зөв иллэг хийвэл эдгээр эрхтэнд сайнаар нөлөөлнө.

Өлмийн яс
Хүний тавхай нь 26 жижиг яснаас бүрддэг. Эдгээрийн 14 нь хурууны үеийн яснууд, 5 нь өлмийн, 7 нь өлмийн урд хэсгийн яснууд юм. Эдгээр яснууд хоорондын зайнд иллэг хийх нь мөн л сайн нөлөө үзүүлдэг.
Харин одоо сонирхуулж байгаа тавхайн иллэгийг долоо хоногт ядаж гурав хийгээд байхад зүгээр байх шүү.

Тавхайн иллэг
Хөлийн тавхайнд иллэг хийхийн өмнө зарим зүйлсийг анхаараарай, үүнд: ул, хөлийн хурууны өндөг нь зузаан арьстай байдаг болохоор хүчтэй дарж иллэг хийж болно. Харин улны төв хэсэг, нум зөөлөн байдаг болохоор зөөлөн, болгоомжтой иллэг хийх хэрэгтэй шүү.

1. Иллэг хийлгэх гэж байгаа хүний өвдөгөн доор, өсгийн доор тус бүр дэр тавьж өгнө. Гараа алгаараа хагас нулагаад тавхайг хоёр хажуугаас бариад дээш ба доош чигт хурдан хөдлөх замаар үрнэ. Ингэхэд хөлийн үе, булчинг суллаж, тайвшруулах нөлөө үзүүлнэ.

2. Алгаа шагайн доогуур оруулаад хоёр гараа ээлжлэн нааш цаас хөдөлгөн тавхайг баруун зүүн тийш нь сул хөдөлгөнө.

3. Зүүн гараа атгаад зураг дээр харуулснаар хөлийн уланд тулгаад баруун гараад хөлийн нуман дээр тавьж дарна. Зүүн гараар ул руу дарж иллэг хийсний дараа баруун гарын алгаар нумны дээд хэсэгт иллэг хийх гэсэн дарааллаар иллэг хийнэ.

4. Баруун гараа нуман дээр тавиад алдахгүйгээр барьна, зүүн гараад өсгийн доор тавьна. Дараа нь улыг өөр рүүгээ зөөлөн татахтай зэрэгцэн тавхайг эхлээд баруун, дараа нь зүүн тийш хэд хэдэн удаа зөөлөн эргүүлнэ.

5. Эрхий хуруугаа тавхайн нумны дээд талд бусад хуруугаагаа улан талаас нь барьж атгана. Хоёр гарын эрхийг хурууг холдуулж ойртуулан нумны гадарыг үрж илнэ. Нумны дээд хэсгээс эхлээд энэ байдлаар иллэг хийн доошлож хөлийн хурууны угт хүрнэ.

6. Зүүн гараар тавхайг атгана, эрхий хуруу улан дээр. Баруун гарын эрхий хуруугаар т%D

Та сэтгэгдлээ хуваалцаарай буюу надад ийм зүйл тохиолдсон юм №2

103 — Mon, 22 Mar 2010 01:33:58 +0000

Манай сайтын сэтгэдэл дээр “odgoo” гэдэг хэрэглэгч ийм нэгэн сэтгэгдэл үлдээснийг конвертэрээр хөрвүүлэн эрхэм танд үзүүлэхээр шийдлээ. Яагаад вэ гэвэл түүнд тун таагүй зүйл тохиолдсон ч азаар харьцангуй “гайгүй” гэж болохоор салсан бололтой юм. Тэр дээгүүр сонсдоггүй юм бол ядаж манай сайтын хуудаснаа ч гэсэн бухимдлаа тайлан хэлэлцэж, бодол саналаа хуваалцан нэгэндээ тус болж байх хэрэгтэй гэж бодлоо.

За ингээд хүргэж байна:

” Хатагтай эмнэлэг ямар ч чадваргүй.Тест -ээр үзээд жирэмсэн гэж гараад, Хатагтай дээр очоод ЭХО-д харуулсан чинь умайндаа алга, яг савны гадуурх жирэмслэлт байна гээд… Шинжилгээ өгч энэ тэр гэж яваад 1 дэхдээ шинжилгээнийхээ хариуг авахад ялт ч гүй жирэмсэн гэсэн хариу гарсан.Тэгээд намайг дахиж үзсэн ч гүй, манайд төлбөртэй хагална, харъяа дүүрэгтээ очиж хэвтвэл үнэгүйи биз, өөрөө шийд гэхээр нь 3 дугаар төрөхөд яваад очлоо.

Тэгсэн тэнд ч үзсэнгүй шууд “Хатагтай”-гийн эмч Отгонболд эмчийн бичиж өгсөн 1 цаасны өөдсийг хараал шууд за жижигхэн юм байна шууд тариа хийчихьэ, шимэгдүүлчдийн гээд. Тэгээд би ч уулгамч юм шиг гэрээсээ тэр тариаг нь захиж авчруулаад шууд хийлгэчихсэн.

(Хагалгаанд өрөөгүй гээ мааааш том аз гэж бодож байна) Тэгээд маргааш нь буюу саяны 2 дахад өглөө нь эмч нь эхо-д хараад юу гэсэн гээч?
Зүгээр савандаа л байгаа хүүхэд байгааз дээ? Хаана үзүүлээд ийм онош тавьдийн, эм тариа хийлгэчээгүй биз дээ гэж байгаам чинь.

БИ хагалгаанд ороогүйгээ аз гэж бодсон…Ийм л байна даа.

Отгонболд эмч ч хүүхэд хэд хоногийн дараа умайдаа ордогийг мэддэггүй, 3-р төрөх ч хэвтэж буй өвчтөндөө албан эсөөр үзлэг шинжилгээ хийдэггүй, нэг нэгнийхээ үгээр хүн алахад тун чиг бэлэн байдийм байна лээ дээ. Хэрэв би тэр эрчээрэээ хагалгаанд орсон бол Отгонболд эмчтэй заргалдах байлаа.

Нэгэнт хүчтэй тариа хийгээд өсөлтийг нь зогсооцон хүүхдээр ч би юугаа хийхэв гээд аборт -онд ороод л дууссан даа.

Угаасаа манайханд ХАРИУЦЦЛАГА гэж юм юу ч алга. Хүний амийг таньдаг хүн, эсвэл мөнгөөр л хэмжиж байна даа.
Энэ муусайн хунд сурталтангууд ….-ТАЙ цааш далд орвол таарна…Хэлэх уг алга даа….”

Үүнийг уншаад адил бэрхшээлийг давсан хүмүүс “туршлага”-аасаа хуваалцаж, бэрхшээлтэй тулгараад байгаа нь нэгийг бодож, эмч мэргэжилтнүүд нь уншвал нэг байтугай олон зүйлийг эргэцүүлэн бодож, дүгнэл хийнэж гэж найдаж байна.

103.mn

Амьдрах сайхан /Амиа егүүтгэх талаар бодож байгаа хүмүүст/

103 — Fri, 12 Mar 2010 12:00:00 +0000

Хүн биеийг олж ертөнцөд мэндэлнэ гэдэг ховорхон тохиох аз гэдэг. Гэхдээ амьдрал гэдэг бүхлээрээ аз байдаггүй, “аз- бүтэлгүйтэл-аз” гэж ээлжилсэн алаг зүйл байдаг. Ийм ч болохоор бүтэлгүйтэл шил шилээ даран тохиох үед зарим нэгний маань сэтгэлийн тэнхээ нь суларч, аз-аз гэсэн үе ирэхийг хүлээж тэсэлгүйгээр амиа егүүтгэх шийдвэр гаргадаг нь харамсалтай.

Хүн болгонд амиа егүүтгэх /амиа хорлох/өөрийн гэсэн онцгой шалтгаан байж болох ч хоёр зууны тэртээ оросын суут зохиолч А.П.Чеховын бичсэн энэ жижиг өгүүллэгийг уншаад нэгийг бодох байх гэж найдаж байна.

Амьдрах сайхан буюу Амиа егүүтгэхийг санаархагчдад

Амьдрал гэдэг тун ч таагүй зүйл мөнөөс мөн ч гэлээ түүнийг гайхамшигтай, аз жаргалтай болгох маш амархан. Гэхдээ үүний тулд 200 мянгыг хожих, төрийн одон авах, царайлаг хүүхэнтэй дэр нэгдэх, сайхан сэтгэлтэй хүн гэж хэлэгдэх гэх мэт нь хангалтгүй юм. Учир нь энэ бүхэн нь цаг зуурын зүйлс бөгөөд удалгүй дасал болж, анзаарагдахаа байчихдаг. Харин цаг үргэлж, мөч бүхэнд, хамгийн хүнд хэцүү гунигтай үедээ ч аз жаргалтай, сэтгэл хангалуун байхын тулд дараах хоёр зүйлийг хийж чаддаг байх хэрэгтэй. Үүнд: а/одоо байгаа байдалдаа сэтгэл хангалуун байж сурах, б/”бүр ч илүү муу юм болж болох байлаа” гэдгийг ухамсарлан баярлаж сурах. Үүнд ядаад байх зүйл огт үгүй. Жишээ татъя:

Халаасанд чинь явсан шүдэнз гэнэт асч шатвал халаас чинь дарьны зоорь байгаагүйд чин сэтгэлээсээ баярлан бурхан тэнгэрт таларх.
Бэл муутай хамаатнууд чинь гэнэт айлчилж ирвэл царайгаа хувирган уурлахын оронд “Цагдаа нар ирээгүй нь яамай” гэж чанга дуугаар хэлж бай.
Хуруунд чинь өргөс орвол “Нүдэнд ороогүй нь их юм” гэж баярла.
Эхнэр чинь, эсвэл дуучин болох гэсэн хамаатны чинь охин гамм давтаад эхэлбэл уурлаж бухимдахын оронд цөөвөр чонын улиан, эсвэл ороо нь орсон муурны орилох дууг биш харин хүний хоолой сонсож байгаадаа байж суух газраа олж чадахаа байтлаа баярлах хэрэгтэй.
Тэрэгний морь, гахай, илжиг, циркийн баавгай, эсвэл бүр бясаа биш гэдэгтээ үргэлж баярлаж яв. Доголон, сохор, дүлий, хэлгүй биш, булчин задрах тахал тээгч биш гэдгээ баярлаж бай. Яг одоо шүүгдэгчийн суудалд суучихаад зээл олгогч руугаа хяламхийсэн шигээ өмгөөлөгчтэйгээ авах шагналынх нь тухай ярьж суугаагүйдээ баярла.
Нэг их таатай биш газар тав гурван жил сууж байгаа бол бүр ч таагүй газар бүх насаараа суучихаагүй нь их юмдаа гэж бодоод баярлаж болохгүй гэж үү.
Нэг шүд чинь өвдөж байгаа бол бүх шүд чинь зэрэг өвдөөгүйд баярлах хэрэгтэй.
Улс төрчдийн цэцэрхэлийг сонсох боломжгүй, ялгадсан бордоотой торхон дээр суугаагүй, шууд гурван эхнэр аваагүй яваадаа баярлаач.
Цагдаа чамайг барьж аваад хэсэг рүү дагуулж яваа бол халуун там руу авч яваагүйд нь баярлан үсэрч, цовхор.
Хус модны мөчрөөр зодуулж байгаа бол хөлөө тийчэгнүүлэн байж “Халгайгаар гуядуулаагүй минь юутай их аз вэ” гэж чанга дуугаар хэл.
Эхнэртээ мэхлүүлсэн бол эхнэр чинь ядаж эх орныг чинь мэхлээгүй байна гэж баярлаж бай.
Энэ мэтээр үргэлжлүүл… Эрхэм хүмүүн та миний зөвлөгөөг дагах юм бол амьдрал чинь тэр аяараа баяр бахдал, аз жаргалаар дүүрэн байх нь гарцаагүй.

А.П.Чехов.

Уншаад нэгийг бодоорой. Бүх юм учир утгагүй мэт санагдаж, итгэл, бишрэлээ алдаж, яахаас ч буцахгүй болно гэдэг тун амаргүй. Цатгалан хүн хэзээ ч өлсгөлөн хүнийг ойлгодоггүй гэдэг шиг өөрөө ийм яахаас ч буцахгүй байдалд орж байгаагүй хүн сайн ойлгохгүй байж болно. Гэтэл та өөрийгөө сайн мэдэж, ойлгож байгаа. Тэгэхээр өмнөх бүх юм утгагүй болно гэдэг амьдралын чинь нэгэн үе шат дуусч дараагийн үе шат эхлэхэд бэлэн болж байгааг харуулж байгаа хэрэг юм гэдгийг сайтар ойлгож, мэдэрч, тогтоож ав.

Их сургуульд дөнгөж орж байгаа оюутны асуудал төгсөх гэж байгаа оюутанд ямар санагддаг вэ? яг л тийм. Өөрөөр хэлбэл амьдрал гэдэг аймшигтай хатуу ширүүн их сургуулийн дараагийн ангид шилжин орох шалгалт өгөхөд бэлэн боллоо гэсэн үг. Тэгтэл бие ухаанаа дайчилж, сурсан мэдсэн бүхнээ шавхан чармайж байгаад энэ шалгалтыг давж гарахын оронд шалгалтанд унаж, хуучин ангидаа ч үлдэлгүйгээр өөрөө өөрийгөө амьдралаас хөөнө гэдэг зөв үү, буруу юу? Хайрлаж, хүндлэж явдаг хүмүүсийнхээ сэтгэлд тэвчээргүй, дорой, үлдэх хүмүүсээ хүндлэж, хайрлаж чадаагүй хүн гэсэн сэвтэйхэн байр эзэлнэ гэдэг ямар вэ?

Харин мэддэг, чаддаг бүхнээ шавхаж байгаад амьдрал гэдэг их сургуулийн нэг анги ахичихсан байхад олон юм өөрчлөгдөнө. Хүмүүс ч танд илүүтэй итгэдэг болж, та ч тэдний итгэлийг даадаг, өөртөө ч илүүтэй итгэлтэй, жаргалтай болно.

Танд сайн сайхны хүсье. www.103.mn

Шартах, шарталтын синдром

103 — Tue, 09 Mar 2010 03:41:00 +0000

Шартах гэж юу вэ? Архи, шар айраг, виски гэх мэтийн этилийн спирт агуулсан ундааг хэтрүүлэн хэрэглэсний дараа үүсдэг хам шинж буюу синдромыг шарталт гэнэ ээ. Өөрөөр хэлбэл хүний бие нь орж ирж байгаа хорыг боловсруулж дийлэлгүй хямарлаа гэдгээ толгой өвдөх гэх мэтийн шинж тэмдэгээр хэлж ойлгуулж байгаа хэрэг.

Ерөнхий

Энд бид архины хор уршиг гэх мэтийн “улиг” болсон зүйлийн талаар ярих гэсэнгүй. Ёс суртахуун, ёс зүй энэ тэр гэлгүйгээр зүгээр л шарталт болон түүнээс гарах арга замын талаар сонирхуулж байгаа юм.

Шалтгаан

Харамсалтай нь олон мянган жилийн түүхтэй ч гэлээ шарталт / шартах гээч нэртэй хам шинж үүсэхийн бодит шалтгааныг өнөө хүртэл нарийн тогтоож чадаагүй байдаг гэдгийг хэлэх хэрэгтэй. Мэдэгдэж байгаагаас этилийн спирт хүний биед орж задарсны дараа үүсдэг ацетальдегидийн үйлчлэл юм. Юу гэдэг бодис юм бэ гэсэн асуулт гарах нь зүйн хэрэг. Тэгвэл энэ бодисыг бага зэрэг урвалд оруулахад уксусны хүчил үүсдэг гэхэд хангалттай байх. Үүнээс гадна согтууруулах ундаанд ордог метанол гэх мэтийн бусад хольц, дархлаа болон биеийн ерөнхий тогтолцоо г.м. олон зүйл бий.

Шинж тэмдэг

Архи, согтууруулах ундааг ганц удаа ч болов хэтрүүлэн хэрэглэсэн хүн шарталтын синдром буюу хам шинжийг хэлүүлэлтгүй мэдэж байгаа байх. Гэхдээ дахин хэлэхэд толгой өвдөх, дотор муухайрах, ам хуурайших, ам цангах, бие чичрэх, зүрх салагнах, уцаарлах, нүд улайх, цочих, бөөлжих, үе мөчөөр өвдөх, хоолонд дургүй болох, сэтгэлээр унах, өөрийгөө буруутгах, үе мөч бадайрах зэрэг шинж тэмдэг илэрдэг. Дутуу байвал нэмээрэй.

Эмчилгээ

Шар тайлах гэдэг нь тун ч нарийн, олон шат дараалалтай зүйл байдгийг хүмүүс тэр бүр мэддэггүй нь харамсалтай. Ингээд дэс дарааллаар нь явъя.

Энтеросорбц хийх.

Энэ нь бие махбодийг дотроос нь цэвэрлэх гэсэн утгатай. Дотроос нь цэвэрлэх гэхээр бөөлжих гэсний хэрэггүй. Хамаагүй их бөөлжвөл ходоодны салст бүрхүүл “салж” Мэллор-Вэйсийн хам шинж /цусаар бөөлжих/ үүсч болзошгүй. Иймд хамгийн тохиромжтой бөгөөд зохистой арга нь идэвхжүүлсэн нүүрс уух юм. Эмийн сангуудад “активированный уголь” гэсэн нэртэй зарагдаж байгаа. Идэвхжүүлсэн нүүрс нь ацетальдегид, уксусны хүчил, кетоксилотууд, сүүний хүчил, пропилийн болон изопропилийн спиртийн задарлын бүтээгдэхүүн, фурфурол энэ тэр гэсэн наян хорт бодисыг ходоод, гэдэсний ханаар дамжуулан өөртөө шингээж авна. Уух арга нь тун энгийн бөгөөд 1,5 грамм идэвжүүлсэн нүүрсийг аяга ус /200 грамм/ усанд хутгаад ууна. Өдрийн туршид мөн адил тунгаар ахиад 2 удаа ууна.

Электролитийн тэнцвэрийг сэргээх

“Панагин”, эсвэл “Аспаркам” гэсэн хямд бөгөөд өргөн тархсан эмийн авч нөөцөл. Эдгээр бэлдмэлүүд нь калий болон магнийн давсыг агуулж байдаг. Уул шугамандаа энэ хоёр бичил элемент хэр их дутагдана тэр хэмжээгээр шарталт хүнд байдаг. 4-5 шахмал эмийг нухалж хагас аяга бүлээн усанд уусгаад уу. Хагас цаг, цаг хагасын дараа дотор чинь гайгүй болохыг мэдэрнэ. Дараа нь өдрийн туршид ахиад 2 шахмал эм уу.

Эм уумааргүй байгаа бол калий болон магнийг ихээр агуулдаг төмс, далайн байцаа зэргийг их хэмжээгээр ид. Далайн байцаа бол бүр ч сайн. Мөн даршилсан өргөст хэмх /манайхан “өгөрци” гэдэг/, улаан лооль /манайхан “помьдоор” гэдэг/ сайн. Төмсийг чанар сайтай кетчуптай холивол зүгээр. Энэ бүх бүтээгдэхүүнүүд нь хүний биеийн электролитийн найрлагыг бүрдүүлж байдаг бичил элементүүдийг агуулж байдаг юм.

Хүчил шүлтийн тэнцвэрийг сэргээх

Спирт нь хүний биед исэлдэхээрээ асар их хэмжээний органик хүчил болон түүнтэй дүйцэх бодис үүсгэдэг. Эмч нар ийм үзэгдлийг ацидоз гэдэг. Шинж тэмдэг нь цээж бачуурах, бие сульдах, толгой өвдөх, дотор муухайрах, бөөлжих, шүлс гоожих, хар хөлс гарах г.м. /зовлонг нь үзсэн хүн цааш нь үргэлжлүүлж болно/

Эмч нар ариутгасан натрийн гидрокарбонат буюу хүнсний содыг дусал хэлбэрээр судсаар хийх замаар энэ хордлогыг харьцангуй богино хугацаанд тайлж чадна. Гэхдээ тэр болгон эмнэлэг ороод, эсвэл гэртээ эмч дуудаад дусал хийлгээд байх “бяр” хүн болгонд байдаггүй.

Иймд шарталтынхаа байдлаас хамаараад 4-10 грамм хүнсний содыг 1,5 литр орчим усанд уусгаад уучих. Тэртээ тэргүй шартсан хүний ам нь цангаж байгаа нь ойлгомжтой.

Хэрэв яаж 4 эсвэл 10 граммыг хэмжихээ мэдэхгүй байгаа бол дэлгүүрээс “Боржоми” гэх мэтийн рашаан аваад ууж болно. Уухдаа 1,5 литрээс багагүйг уух хэрэгтэй. Ингэснээр шингэний дутагдлыг ч нөхнө, хүчил шүлтийн тэнцвэрээ ч сэргээнэ.

Регидратаци

Архи уусны дараа аманд элсэн цөл үүссэн аятай хуурайшихийг регидратаци буюу шингэний дутагдал гэж байгаа юм. Спирт нь усыг маш ихээр авдаг чанартай болохоор тэр. Үүнээс гадна согтуу үед диурез эрс нэмэгддэг /хар яриагаар бол морь харахаар ойр ойрхон 00 гүйнэ гэсэн үг/. Мөн амьсгалаар алдагддаг усны хэмжээ эрс нэмэгдэнэ. Уусан хүн машинд суумагц цонх нь цантдагийн учир нь энэ юм шүү дээ.

Ингээд энэ мэтээр шингэнээ алдсаар байтал хүний биед 2 литр орчим дутагдал үүсдэг. Яаж нөхөх вэ? Тиймхэн юм уу гээд суурин дээр нь 2 литр ус уух гэж бүү яар. Нэгд бөөлжүүлнэ. Хоёрт удаа дараалан бөөлжүүлснээс болж дээр өгүүлж байсан Мэллор-Вэйсийн хам шинж үүсээд хар яриагаар бол “чад хийж” магадгүй. Тэгээд ч тэр их хэмжээний усыг ходоод бүгдийг нь шингээж чадахгүй

Иймээс усыг амьдралаар шалгагдсан загварын дагуу бага багаар ууна. Эхлээд хоёр стакан /400 грамм ус/, 20 минутын дараа 1,5 стакан /350 грамм ус/, ахиад 20 минутын дараа 1 стакан /200 грамм ус/, ахиад 20 минутын дараа тал стакан /100 грамм ус, ус шүү өөр зүйл биш / ус ууна. Ингээд цагийн дотор 1 литр ус ууж байгаа нь усгүйжилтээс гарахад хангалттай.

Деинтоксикац

Энэ нь хордлого тайлах гэсэн утгатай үг. Усгүйжихийг нөхөх нь элдэв хорыг шээсээр ялгаруулах давхар үүрэгтэй. Биен дэх усны хэмжээ хэдий их байна тэр хэмжээгээр хортой бодисын агуулга багасна. Багасч байгаа юм чинь идэвх, үйлчлэл нь ч буурна.

Тэгэхээр цагийн дотор 1 литр ус уугаад ирэхээр аяндаа юуны ялгаралт нэмэгдэнэ. Ус уухаас өмнө юуны чинь өнгө, үнэр ямар байсан, уусны дараа ямар байгааг харьцуулахад л ямар их хор гадагшилж байгааг ойлгоход хангалттай. Гэхдээ шээс хөөлгөх үйлчилгээтэй эм битгий уугаарай. Яагаад гэвэл эм гэдэг чинь өөрөө хор болохоор архинаас дутахгүй гаж нөлөө ихтэй. Иймд алирсын навч, хус модны нахиа гэх мэтийн шээс хөөх нөлөөтэй ургамлын хандыг эмийн сангаас ав.

Витамины дутагдлыг нөхөх

Энд яах ёстой нь ойлгомжтой. Согтууруулах ундаа уухаар биеэс их хэмжээний витамин, амин дэм огцом гадагшилдаг. Иймд В-ийн бүлгийн витаминууд, С амин дэмийг уух хэрэгтэй. С амин дэм буюу аскорбины хүчлийн хэрэгцээ нь уусны маргааш 3-4 дахин ихэсдэг. Болж өгвөл эмийн сан болгонд зарагдаж байдаг поливитаминуудаас аваад уух нь зүйтэй.

Тархины гадаргуй дахь мэдрэлийн импульс дамжуулагч бодисын харьцааг сэргээх

Шартсан хүний ам нь хатахаас гадна орчин тойронд нь нэг л биш юм болоод байна гэсэн түгшүүртэй сэрдэг. Түгшүүр нь аав, ээж, ах, дүү, эхнэр г.м. хүмүүсийн өмнө буруу зүйл хийжээ гэсэн харуусал, өөрийгөө буруутгах бодол юм. Энэ харьцааг глицин нэртэй амин хүчлээр сэргээнэ. Ууг нь глицинийг эмийн сангаас худалдаад авчихаж болно. Харин байхгүй тун энгийн зүйлээр орлуулж болно. Энэ бол манайхны “истужин” гээд байдаг царцаамал юм. Гэхдээ царцаамгаа зүгээр нэг идчихгүй халааж байгаад идэх ёстой байдаг. Царцаамалд мэдрэлийн глицин ихээр агуулагдаж байдаг.

Уургийн дутагдлыг нөхөх

Согтууруулах ундаа уусны үр дагаварыг арилгах гэхдээ хүний бие их хэмжээний уураг зарцуулдаг. Түүнийг нөхөх шаардлагатай. Дээр ярьсан царцаамал идсэнээр уургийн дутагдлаа нөхөж болно. Үүнээс гадна бүх төрлийн европ бяслаг /манайхан “сийр” гээд байдаг/, монгол бяслаг, үхрийн мах, гахайн мах, загас, шувуу, хушиг идэн уургийнхаа дутагдлыг нөхөж болно. Махны хувьд шарсан, утсан бус харин чанасан, жигнэсэн байвал сайн. Учир нь тэртээ тэргүй хэт их ачаалалтай ажиллаж байгаа элэг, нойр булчирхайд нэмэж ачаалал өгөх хэрэггүй.

Шар тайлах

Энэ аргыг ер нь хэрэглэхгүй байхыг зөвлөж байна. Архичин хүн ганцхан удаа ууж бусдад нь дандаа шараа тайлдаг гэдэг үг зүгээр нэг үүсчихээгүй юм. Шараа тайлах гэж байна гээд ганц хундага уусны дараа залгуулан уух эрсдэл өндөр. Үнэхээр хөдөлж ч чадахгүй байгаа тохиолдолд л архи биш, харин ганцхан шил шар айраг, квас уух замаар өндийх чадвартай болж болох юм. Өндийснийхээ дараа дээр өгүүлсэн арга хэмжээнүүдийг бүгдийг нь аваарай. Залгуулж ууж хэрхэвч болохгүй.

Урьдчилан сэргийлэлт

Архи, согтууруулах ундаа огт уухгүй байх нь шарталтаас сэргийлэх хамгийн төгс арга. Гэхдээ үнэхээр болохгүй байгаа бол гар таталгүй хамгийн сайн, үнэтэй, цэвэр архи, дарс, шар айргийг худалдан ав. Мөн ууж байхдаа градус дээшлэх хуулийг дага. Өөрөөр хэлбэл пиво ууж байгаад болиод архи ууж болохоос биш архи ууж байгаад пиво ууж болохгүй.

Янз бүрийн ундааг холихоос өөр аргагүй бол нэг түүхий эдээс гарсан бүтээгдэхүүнүүдийг л хооронд нь холихыг хичээ. Согтууруулах ундаа нь, нийслэлд ялангуяа усан үзэмний, буудайн гэсэн хоёр түүхий эдээр л гол төлөв хийгдэж байгаа. Оргилуун дарс /шампанск/, дарс /вино/, шарз /коньяк/ нь усан үзэм гэсэн түүхий эдийг ашигладаг. Эднийг хооронд нь холиход маргааш нь шарталт тийм ч аймаар биш гэсэн үг. Архийг улаан буудайгаар хийдэг болохоор эдний алинтай нь ч холих хэрэггүй. Бүр болохгүй бол адилхан улаан буудайгаар хийдэг шар айрагтай хольж болох юм. Виски, брэндийг арвайгаар нэрдэг. Бурбон нь эрдэнэ шишийнх. Текила, мескаль нь агава нэртэй ургамлынх, ром нь чихрийн нишингийнх, сакэ, сөжүү нь цагаан будааных гэдгийг нь сайн мэдэж байгаа биз. Тэгэхээр эднийг бол юутай ч холихгүй байсан нь дээр.

Ухаан харьцангуй саруул байгаа бол унтахаасаа өмнө 1-2 литр орчим буцалгасан ус уу.

Үр дагавар

Архийг хэтрүүлэн хэрэглэсний үр дагаварын талаар олон зүйл нурших нь илүүц байх. Гэхдээ шарталтыг абстинент синдромоос гэгчээс ялгаарай. Энэ нь дутагдасны хам шинж гэсэн утгатай. Өөрөөр хэлбэл үгүйлэх хам шинж гэсэн үг. Шартаагүй байсан ч уухгүй л бол болохгүй байгаа бол архинд донтсон гэсэн үг. Хэрэв ингээд байгаа бол “Шар хад”-ны эмнэлэгийг оройтойгүй дээр нь бараадсан дээр.

Эцэст нь хэлэхэд гүн хордлогын байдалд орсон байгаа бол яаралтай эмч дуудаж, дуудаад ирэхгүй байгаа бол утсаар лавлаж байгаад хордлого тайлах төвд өөрөө очих, эсвэл хүргэж өгөх арга хэмжээг нэн даруй авах хэрэгтэй шүү. Анхаараарай.

Эмэгтэйчүүдийн баярын мэнд буюу эрүүл мэндтэй холбоотой эмэгтэйчүүдийн давуу талуудын тухай

103 — Sun, 07 Mar 2010 17:29:28 +0000

Эрхэмсэг бүсгүйчүүд та бүхэндээ www.103.mn –ээс баярын мэнд хүргээд эрүүл энхийн түмэн жаргаланг хүсэн ерөөж байна. Ингээд эрхэм бүсгүй таны сайн мэдэж байгаа зарим зүйлсийг сануулж нэг давтахаар шийдлээ. Хажууд чинь байгаа эрчүүд энэ бүхнийг мэдэхгүй байгаа бол хэлж өгөөд уншуулаарай.

• Эмэгтэйчүүд илүү урт насладаг давуу талтай. Дунджаар 5-7 жилийн урт насладаг. Тэгэхээр аливаа нэг айл гэр, овгийн хамгийн нарийн нандин нууцыг зөвхөн эмэгтэйчүүд л ам дамжуулан үр удамдаа аль болох үнэн бодитоор нь хэлж үлдээдэг.
• Элдэв аюул осол тохиолдоход эмэгтэйчүүдийг хамгийн түрүүнд авардаг. Яагаад вэ гэвэл байгаль дэлхий илүү үнэ цэнэтэй, илүү нандин зүйлээ хамгийн түрүүнд аварч хамгаалж байхыг чармайдаг юм. Нэг эмэгтэй хүнийг аварна гэдэг удалгүй орчлонд ахиад нэг хүн мэндлэх боломж олголоо гэсэн үг.
• Эрчүүд бэлгийн сулралтай гэдгээ нуух боломжгүй байдаг бол эмэгтэй хүн хөрөлтэй хэнд ч мэдэгдүүлэхгүй байж чадна. Эмэгтэйчүүдийн дур тавилт удаан үргэлжилдэг.
• Ажил хийдэггүй эмэгтэйг ар гэрээ авч яваа гэрийн эзэгтэй гэж хэлцгээдэг бол ажилгүй эрэгтэй хүнийг хамгийн эелдэг хэлэхдээ л “арчаагүй залхуу” гэдэг.
• Хүсвэл эрэгтэй хүний ямар ч хувцсыг өмсөөд бүр ч илүү дур булаам харагдаж чаддаг. Харин эмэгтэй хүний хувцас өмссөн эрэгтэй хүн ч дээ их бодож л өртэйгээ адил заваан юмны л анхаарлыг татах биз…
• Эмэгтэй хүн кино үзэж байгаад сэтгэл хөдөлсөн газраа ичилгүйгээр уйлж болно. Хэрэлдэж байгаад шар нь хөдлөхөөрөө зоволтгүйгээр уйлж чадна. Дараа нь хэн ч муу хэлэхгүй. Харин ингэсэн эрэгтэйг ч дээ …
• Гуч нэлээн гараад ирэхээрээ халзарна гэж айлтгүй.
• Өвдөлт даах чадвар нь эрчүүдийнхээс хавьгүй өндөр. Итгэхгүй бол дурын эмнэлгийн тарианы сувилагч, мэс заслын боолтын сувилагчаас асуугаад үзээрэй. Хэн нь илүү янгууч байдаг вэ гээд.
• Эмэгтэйчүүд барагтай бол хэрэг хийдэггүй ухамсартай, хийсэн ч баригдахгүй байх ухаантай. Тийм ч болохоор хорих газруудад ял эдлэж байгаа эмэгтэйчүүдийн тоо эрчүүдийнхээс хавьгүй цөөн байдаг юм.
• Эрчүүдийн удаан хугацааны туршид эргэцүүлэн бодож байж олж мэддэг зүйлсийг төрөлхийн зөн совингоороо асар богино хугацаанд, мэдэрч, тааж чаддаг нь эмэгтэйчүүдийн маш том давуу тал юм.
• Нөхөн сэргэх чадвар маш өндөр байдаг нь эмэгтэйчүүдийн бас нэг том давуу тал. Эмэгтэй хүн 1,5 литр орчим цус алдсан ч онц хүндрэлгүйээр тодорхой хугацааны дараа нөхөн сэргэж чаддаг бол эрэгтэй хүн ийм хэмжээний цус алдсан бол шууд л “тхе энд”, “конец фильма”, “төгсөв”.
• …
• …

Энэ мэтээр энэ жагсаалтыг эцэс төгсгөлгүй үргэлжлүүлж болно. Эрхэм бүсгүй та нэмэхийг хүссэн зүйл нэмээд бичээрэй.