Category Archives: Гоо сайхан

Гоо сайхан

Та сэвхтэй бол улаан лооль ид

Ихэндээ идэр залуу насны эмэгтэйчүүд тохиолдох бөгөөд жирэмсэн, төрсөн эх, сав өндгөвч -өөс болж дааврын өөрчлөлт гарах, элэг цөс зэрэг дотор өвнөөс болох, арьсны будаг эдийн өөрчлөлт, нар салхи зэрэг олон шалтгаанаас болж сэвх үүсдэг.

Зохистой эмчилгээ сувилгаа хийснээр шарах, мах тос хэтрүүлэн хэрэглэхээс анхаарч шинэ соргог ногоо жимс, улаан лооль зэрэг витамин С элбэг зүйлийг хэрэглэвэл сайн. Мөн  зарим ургамлын гаралтай монгол эм тан уувал тун сайн үр дүнд хүрдэг.

Эх сурваж: Бямын Намтай Эрүүл  амьдарч урт наслахын гайхамшиг УБ хот 2006 он

Хумсыг газарт булдаг заншил

Хумс хүний биеийн илүүдэл эрчим хүчийг газардуулагч

   Өвгөд маань хумс авахад цаг нар тогтоож хумсаа хэмлэхийг цээрлэдэг. Хүн үхсэн байхад үс, хумс нь ургаж байдаг яриа ч бий. Хумсыг хүний биед байгаа хэрэглэсэн илүүдэл эрчим хүч -ийг газардуулагч гэж ойлгож болмоор санагдана. Хумсыг газарт булдаг заншил үүнтэй холбоотой.

Эх сурвалж: Бямбын Намтай Эрүүл амьдарч урт наслахын гайхамшиг УБ хот 2006 он

OMGЭнэ юу вэ?

Батга юунаас болж гардаг вэ?

14-18 насанд ид өсөлтийн үе явагдаж энэхүү шилжилтийн үеийн бие махбодын онцлогтой холбоотой гарах батгыг шилжилтийн үеийн онцлог буюу шилжилтийн үеийн эрүүл батга гэдэг. Энэ наснаас хойш гарах батгыг эмчлэх шаардлагатай. Батга нь 70 хувийн хүүхэд залуучдад адил бус хэмжээгээр гардаг ба 16-23 насны хооронд хамгийн их тохиолдоно. 95 орчим хувьд нь батга гардаг. Ихэнх хувь нь хөнгөвтөр буюу аяндаа эдгэрдэг бол 40 орчим нь эмчилгээ, арчилгаа шаардагдана.

Батгыг цаг тухайд нь зохистой эмчилгээ хийхгүй бол архагшин хүний нүүр царай, арьс хөрсийг хүнд гэмтээдэг тал бий. Батга нь эхлээд магнай, хөмсөгний хооронд эрүү орчмоор гарч цаашид түгэж бүх нүүр, цээжний ар өвөр хэсэг хүртэл тархдаг. Үүний зарим нь идээт үрэвсэл болох, тал байгаа тэлж гүдрүү үүсгэн хатууран сорви үлдээх тал бий. Батгыг хар цагаан гэж хоёр ангилна.

Батга нь насны онцлогоос гадна дотоод шүүрэл, тослогын солилцоо алдагдах, ходооны бактер, цөсний үрэвсэл зэрэг дотор өвчин, мөн батганы хачиг зэрэг бактер нян-гаас үүсэж болно. Цусны халуун ба бохирдлоос болж гарах ч бий. Иймээс Мэргэжлийн эмчид хандаж шалтгаанд нь тохирсон эмчилгээ хийлгэх нь өвчний эдгэрэлт ба эмчилгээний үр дүнд сайн болно.

Батга нь доорхий шалтгаануудаас болж үүсдэг.

  • нүүрний ариун цэврийг эрхэмлээгүйгээс
  • гал, наранд халж хөлс их гарсанаас
  • тослог зүйл хэтррүүлэн хэрэглэснээс
  • Амин дэм ба витаминлаг зүйл дутагдсанаас
  • Хэт их ачаалалтай ажиллан ядарч, нойр муу явсанаас

Эх сурвалж: Нямбын Намтай Эрүүл амьдрач урт наслахын гайхамшиг УБ хот 2006 он

Эрүүл биед саруул ухаан оршино

Та тослог арьстай бол цай их уу

Цай бол Монголчуудын олон мянган жилийн турш ууж, хэрэглэж, ирсэн гол хоол ундны нэг болно. Ажиглаад байхад сүүлийн үеийн хүмүүс ундаа, пиво их хэрэглэж, цайны хэрэглээ харьцангуй багасаж байх шиг санагддаг. Энэ нь нэг зүйлийн дутагдал юм. Учир нь цай бол уламжилж ирсэн амттай сайхан унд мөртлөө бас ч нэг талаар хоолыг орлож ирсэн, олон төрлийн шим тэжэзлийг агуулсан унд билээ. Нэн чухал нь мах тос зэрэг хүнд чанарын хоол хүнс голлон хэрэглэдэг манай орны нөхцөлд цайгаа ууж байх нь эрүүл мэндэд ихээхэн ач тустай.

Цай нь мах тосыг зөв шингээж, тослогийг дарж байдаг гол зүйлийн нэг юм. Иймээс үе үеийн монголчууд бусад үндэстэн ястнаас илүү өөх тостой хүнс тэжээлийг хэрэглэдэг боловч зүрх судасны өвчин, даралт, тарга хэтрэх зэрэг өвчинд өртөх нь тус үндэстнүүдээс их ялгаагүй байж ирсэн. Үүнд цай нь ямар нэг хэмжээгээр ач тусаа өгөөд байгааг тэр болгон хүмүүс мэддэггүй. Цайнд олон төрлийн шим тэжээлийн бүрэлдэхүүн байдгаас гадна цай нь хүний биеийн шингээлтийг сайжруулж, нэн ялангуяа өөх тосыг шингээхэд чухал ач холбогдолтой байдаг юм байна.

Иймээс монголын уламжлалт ёсонд мах тослог хүнсээр хооллосны дараа цай уух нь тослогийг дарж, мах тосыг зөв шингээдэг он удаан амьдралын явцад аяндаа буй болсон нэгэн сайхан дадал зуршил юм. Орчин үеийн гадаад дотоодын эрдэмтэн мэргэжилтэнгүүдийн судлан мэдээлснээр цайнд доорх арван зүйлийн үйлдэл байдаг.

  1.  Өтлөх процесс явагдахыг удаашруулах нь Е витаминаас 18 % илүү
  2. Зүрх судас -ны өвчний үүсэлтийг багасгах, цус өтгөрөх буюу судасны хатууралд тустай.
  3. Ходоод гэдэс -ний хорт хавдрын үүслийг бууруулах.
  4. Цацраг эмчилгээний хороос болж, цусны цага&н бөөм цөөрөхөөс сэргийлнэ.
  5. Түргэн ба удаан чанарын гэдэсний үрэвсэлд тустай.
  6. Арьсны гоо сайхан ба арьсны тослогийг бууруулахад тустай.
  7. Тархи толгой -г сэргээж, цог золбоог нэмэгдүүлнэ.
  8. Зохих хэмжээгээр шээлгэх үйлдэлтэй бөгөөд өтгөн хаталтаас сэргийлнэ.
  9. Тослогийг шингээж сахар -ыг бууруулах үйлдэлтэй.
  10. Шүдийг цагаан болгох үйлдэлтэй.

Иймээс цайг зөв хэрэглэж, зөв сонгох нь хамгийн чухал гэдгийг мэдэх нь илүүдэхгүй байхаа. Цайг хүн төрөлхтөн 3000 жилийн өмнөөс эхэлж ашиглаж хэрэглэсэн түүх байдаг. Цайнуудаас сонирхуулж цөөхнийг дурдвал: Ши-хү лүнжин ногоон цай, Гуандуны Ү-лүн цай, Билө-цун цай, мо-фунцай, Ганхун цай зэрэг нь дээд зиндааны нэрт цайнууд ба цайны үйлдэл хэрэгцээг тодорхой хэмжээгээр үзүүлж чаддаг нэрт цайнууд болно. Одоогоор Япон, Англи, Хятад зэрэг олон орнуудад эдгээр цайны үндсэн үйлдэл дээр тулгуурлан тослогийг бууруулж, зүрх судасны өвчнөөс; сэргийлэх, тураах, хордлого тайлж өтгөн хаталтыг эмчлэх, сахар бууруулах зэрэгт өргөнөөр хэрэглэж байна.

 Эх сурвалж: Бямбын Намтай Эрүүл амьдарч урт наслахын гайхамшиг УБ хот 2006 он

Шигдэж ургасан хумс буюу онихокриптоз

Хумсны ялтас нь хумсны хажуугийн буланцарлуу шигдэн ургахыг онихокриптоз буюу шигдэж ургасан хумс гэнэ.  Энэ нь нилээд тархмал өвчлөл юм. Энэ үед хумсны буланцар нь улааж хавдан үрэвсэж, хүчтэй өвдөнө. Ялангуяа явах үед илүү хүчтэй өвдөх тул шигдсэн хусны өвдөлтийг шүдний өвчинтэй харьцуулж болмоор гэж ярьдаг.190px-Ingrown_nail_002

Continue reading

Хумс. Хумсны өнгө ба хумсан дээрх толбо

Арчилж мэддэггүй, эсвэл эрүүл мэндтэй нь холбоотой ямар нэг асуудал үүссэн үед хумсанд тодорхой өөрчлөлтүүд гардаг. Үүний нэг жишээ нь хумсан дээр үүсдэг толбонууд юм.

Continue reading

Амны хөндийн асуудлууд ба шүд цоорох өвчин, түүний хүндрэл

Эрүү нүүрний системд дараах асуудлууд байдаг. Үүнд:

1. Шүдний цоорлын гаралтай өвчин
2. Цоорлын бус гаралтай өвчнүүд
3. Амны салстын өвчнүүд
4. Шүдний тулгуур эдийн өвчнүүд
5. Мэс заслын өвчнүүд
6. Шүдний гажиг
7. Шүдний согог
Continue reading

Турах нь зөв хооллолтоос эхтэй

Акуа фитнес клубын багш Ука зөв хооллох зөвлөгөөг өгч байна

Хүний эрүүл мэндийн 75% нь буруу хооллолтоос хамаардаг.

Continue reading