Дам тамхидалт гэж юу вэ?

Дам тамхидалт гэдэг нь тамхи татаж буй хүмүүсийн тамхины утаагаар тамхи татдаггүй хүмүүс амьсгалахыг хэлнэ. Тамхи үйлдвэрлэгчид үүнийг орчны тамхидалт ч гэж нэрлэдэг.


Ялангуяа битүүмжлэгдсэн орчин /баар, ресторан/ тамхины утаагаар бохирдоход тухайн орчинд байгаа тамхи татдаг болон татдаггүй бүх хүмүүс тамхины утаагаар амьсгалж хорддог. Үүнийг сайн дурын бус буюу идэвхгүй тамхидалт ч гэж бас нэрлэдэг.

Дам тамхидалт хорт хавдар үүсгэх шалтгаан болдог

Дам тамхидалт таны эрүүл мэндэд маш сөрөг нөлөө -тэй. Тамхины утаанд 4000 гаруй хорт бодис агуулагддаг ба эдгээрийн 50 гаруй нь хүний биед хорт хавдар үүсгэгч бодис юм. Дам тамхидалт нь хүүхэд, насанд хүрэгчдэд амьсгал, зүрх судасны өвчин үүсгэж үхэлд ч хүргэх аюултай.

Дам тамхидалтын утаанаас хамгаалах боломжгүй

Агааржуулагч болон агаар сорогч төхөөрөмж, салхивч, үнэр дарагч зэргийн аль нь ч өрөө тасалгаан доторх дам тамхидалтын утааны түвшинг багасгаж хүн амьсгалж болох эрүүл түвшинд хүргэж чаддаггүй. Зөвхөн 100%-ийн тамхигүй орчин нь л үр дүнтэй хамгаалж чаддаг.

Дэлхийн хүүхдийн тэн хагас нь тамхины утаагаар бохирдсон агаараар амьсгалж байна

Хүн хаа ч явсан дам тамхидалтын золиос болдог болчихож. Гэртээ, ажил дээрээ, олон нийтийн газарт. Тамхины утаагаар бохирдсон агаар -аар дэлхийн хүүхдийн тэн хагас нь буюу 700 сая гаруй хүүхэд амьсгалж байгааг ДЭМБ тогтоожээ. 1999- 2005 оны хооронд 132 оронд дэлхийн заслуусын тамхи таталтын байдлыг ДЭМБ, АНУ-ын Өвчний хяналтын төвтэй хамтран 13-15 насны хүүхэд өсвөр үеийнхний дунд судалж үзэхэд;

  • 43.9% нь гэртээ дам тамхидалтанд өртдөг,

  • 55.8% нь олон нийтийн газарт дам тамхидалтанд өртдөг,

  • 76.1 % нь олон нийтийн газарт тамхи татахыг дэмждэг болох нь тогтоогджээ.

Leave a Reply