Стрессийг хялбар тайлах 6 арга

Өглөө эрч хүчээр дүүрэн, өөдрөг үзэлтэй байсан хүн ажлын өдөр дуусах үед нэлээд ядарч, багагүй стресст орсноо мэдэрдэг. Толгой бага зэрэг өвдөж, анхаарал төвлөрөл буурч, бушуухан гэртээ харьж, эсвэл буйдхан газар найз нөхдийн хамт сууж стрессээ тайлах хүсэл өөрийн эрхгүй төрдөг.

Гэвч гэртээ хариад зурагт үзэхээр намуудын хэрүүл, гэмт хэрэг, үнийн өсөлт гээд бүр ч ихээр стресст оруулж мэдэх мэдээлэл хэт их. Өдөр болгон найз нөхөдтэйгээ буйдхан газар шар айраг шимсэн шигээ суугаад байна гэвэл хэтэвчний зузаан болон эрүүл мэндэд бүр ч халтай. Иймд стресс тайлах өөр хялбар аргуудыг мэдээд авахад илүүдэхгүй.

Эхний арга

Орчноо солих

Хоёр гурван минутын турш анхаарлаа ажлаасаа өөр зүйл дээр төвлөрүүлэх хэрэгтэй. Жишээлэхэд, эргэн тойрондоо байгаа эд зүйлсийг анхааралтай ширтэх зуураа тод хар, эсвэл саарал өнгөтэй эд зүйл тав тавыг олох г.м. Өөрийн ширээ, дэргэдэх хүнийхээ ширээн дээрх эд зүйлсийг жижиг гэлтгүй бүгдийг нь ажиглан тоолж болж байна.

Эсвэл түр амсхийж өөр өрөөнд орж, эсвэл гудамжинд гарч алхалж яваа хүмүүс, давхилдах машинуудыг харсан шигээ таван минут зогсож болно. Ингэхдээ гудамжинд сэрүүн байх тусам стресс хурдан тайлагдана. Учир нь сэрүүн, хүйтэн агаар нь серотонин нэртэй тайвшруулах үүрэгтэй гормоны ялгаруулалтыг нэмэгдүүлдэг. Иймд гадаа халуун байгаа бол нүүр, гараа хүйтэн усаар угааж болно. Ингэхдээ заавал чихээ цуг усаар угааж байх хэрэгтэйг хүн бүр мэддэггүй. Чихэнд маш олон тооны хялгасан судас, биологийн идэвхт цэгүүд байдаг бөгөөд тэднийг хүйтэн усаар угааж цочроох нь сайн нөлөөтэй.

Удаах арга

Хоёр зээрдээрээ

Сэтгэл санаа таагүйтсэн, стресст орсон үед явган явах нь эвгүй байдлаас гарах маш сайн арга. Гол нь яарч тэвдэлгүйгээр тайван алхах хэрэгтэй. Алхах үед ачаалал, анхаарал нь аяндаа булчинд шилжиж толгой тархи таагүй бодлоосоо ангижирна.

Гутгаар арга

Нэгэн хэмийн хөдөлгөөн

Түгшиж, сэтгэл нь таагүйтсэн хүн хөлөө хөдөлгөх, нааш цааш холхих, хуруугаараа ширээ бөмбөрдөх зэрэг зүйлсийг хар аяндаа хийж эхэлдэг. Зарим хүн үүнд дургүйцэж байна гэдэг. Гэтэл ийм нэг хэмнэлтэй хөдөлгөөн нь тайвшруулах нөлөөтэй байдаг аж. Ингэж нэгэн хэмийн хөдөлгөөн хийхэд дэргэдэх хүнд чинь эвгүй байгаа бол маань, тарни гэх мэт зүйлсийг амандаа олон дараалан уншиж болно. Үр дүн нь мөн л ялгаагүй.

Дөтгөөр арга

Хурууны мэдрэлийг цочроох

Стресст орсон, түгших үед цагаан будаатай уутанд гараа дүрж, хуруугаараа будааг имрэх нь маш сайн нөлөө үзүүлдэг. Учир нь ингэх үед хуруу, гарын мэдрэлийн төгсгөл үүдийг будааны ширхэг нь зөөлөн цочроох хэлбэрээр сэргээж өгдөг. Хятадууд төмөр бөмбөлөг алган дээрээ эргүүлж явдагийн учир нь мөн л энэ. Хэрэв энэ бүхэн байхгүй бол ширээн дээрх ном сэтгүүлийнхээ хуудас бүрийг хурууныхаа үзүүрээр эргүүлэн харсан ч болно. Үр дүн нь мөн адил.

Тавдугаар арга

Чихний иллэг

Чихний дэлбээг нар зөв эргүүлэн иллэг хийнэ. Зөөлөн, өөрт тааламжтай байх хурд, даралтаар иллэг хийнэ. Иллэг хийх хугацаа 3-5 минут. Энэ иллэгийг өдөрт хэд хэдэн удаа давтаж болно. Гэхдээ энэ иллэг нь бие махбодийг суллах сайн нөлөөтэй тул ойр ойрхон хийгээд байвал хэт тайвширч, нойрмоглох зэргээр ажил хийхтэй мантай болж магадгүйг мартаж болохгүй. Иймд ялангуяа ажилтай холбоотой ширүүн маргаан, мэтгэлцээний дараа хийхэд үр дүнтэй гэж үздэг.

Зургадугаар арга

Зөв амьсгалах

Стресст орох үед амьсгалын хэмнэл алдагдаж улмаар, хүчил төрөгчийн хангамж мууддаг. Иймд тун энгийн энэ дасгалыг хийгээд сурчихсан байхад илүүдэхгүй.

Нуруу цэх, бие сул, сандлынхаа түшлэгийг налж болно. Нэг гараа гэдсэн дээрээ, нөгөө гараа цээжин дээрээ авна. Хамраараа гүнзгий амьсгаа авах үед агаар доошлон гэдэс төвийж ирнэ. Ингээд хамраараа үргэлжлүүлэн амьсгаа авч аягыг усаар дүүргэж байгаа мэт агаар нь гэдэснээс дээшлэн уушгийг дүүргэж байна гэж төсөөлнө. Уушиг агаараар дүүрмэгц хамраараа гаргана. Гэхдээ дараалал нь эсрэгээрээ. Өөрөөр хэлбэл агаар эхлээд уушигнаас гарч, доошилсоор гэдэсний хэсгээс гарна. Амьсгалыг удаан гаргах тусам сайн. Арван удаа ингэж амьсгалахад л хангалттай.

Ингэж амьсгалахдаа гараараа амьсгалыyявцыг хянахаас гадна, анхаарлаа амьсгалж байгаа явц дээр төвлөрүүлнэ.

Эцэст нь инээж бай гэж зөвлөмөөр байна. Нэг минутын инээд нь алдагдсан энергийг нөхөх тал дээрээ 45 минутын гимнастиктэй адил үр дүн үзүүлдгийг английн эмч нар тогтоосон байдгийг тогтоогоод авчих. Ялангуяа өөрийн гаргасан алдаа, тулгараад байгаа ялихгүй асуудлууд дээрээ инээж байх хэрэгтэй.

18 Comments

  1. oogii

    hi turshad vjii thanks

  2. õîíãîðîî

    zail huulj avj bolohgui teneg bna za yu. tegvel yah gej eniig tavidiin teneg yumuu?

  3. zoogii

    Sain baina uu bi tanai site iig urgelj uzdeg. Nadad neg asuuh zuil baina. Bi odoo 27 nastai. Er. Suuliin ued gertee baihdaa ch ter ajil deeree baihdaa ch ter bainga yamar negen baidlaar ajilaa boddog. Bas bainga aij tugshdeg bolchihood baih um. Nadad yamar neg setgetsiin uvchin baigaa um bolov uu gesen bodol suuliin ued mash ikh turdug bolchihloo. Bi ene aidsaas herehen salj boloh be. tuslaach

  4. altannur

    zoogiid.ta ali blh taivan bh gd hicheegeed uz yg yunaas bolood ingej bgaa shaltgaanaa oloh heregtei bur blhgui baival setgel zuichid handsan n deer bh

  5. z

    huulj avch bolohgui ch gesen yadaj shuud hevlej bolohoor tavij boldoggui yumuu.heregtei medeelelee hevleed avbal zugeer l yum daa gej bodoh yum

  6. bi oirin ved olon niitiin gazraar yawhaas vvr hvrdeg bolson gantsaaraa bas nam gvm orchind baihiig hvsdeg bolson ene uwchin vv eswel setgel sanaanii hymral vv

  7. ta baga zereg stresst orson bj boloh ym.heseg gantsaaraa baigaad durtai zuilee hiigeed uzeerei.

  8. mai

    hi tyrshaad uzie

  9. mendjargal

    humuusee ene buh asuultiin hariult n byasalgal umaa, byasalgald yavaa

  10. mendjargal

    humuusee ene buh asuultiin hariult n byasalgal umaa, byasalgald yavaa
    Ene 6 n arga bol tur zuriin argaa

  11. chinbat

    zugeer l bi stressdehgui gej boddog… uuruuur helbel byasalgal um daa… tegeed l stressend ordoggui geh uuu deee.

  12. hi bolomjiin shvv ene teneg duraak yu gd hutsad bgn huulj awj blh ch ym bilvv \

  13. strest orsn ved gantsaraa alhah zvgeer shvv te bi tegej boddog

  14. hi bi bas yg zoogiitoi adilhan yum shig bnaaa bi bas tugsheel setgel sanaa hymraad baih yum yumnaas aigaal esuul setgehuin ovchtei boloh gej bgaan boluu ingej yvaad uhchihviide gesen bodol hurtel torhiin buh yum sonirholgui sanagdaal bi 22toi bi emnelgt hurtel hevtej uzlee minii buh erhten barag eruul yumaa gol ni setgel zuil hetsuu bnadaa negl sonin medremj torood bnaaaa tuslah hun bnauu bas nadtai adilhan baidald orj bsan hun bval yaaj davan tuulsnaa hel tuslaach 

  15. mash goy zovlogoonvvd bainaa bayrallaa 

  16. цээгий

    Мэдээллийг хуулж авах, ядаж хэвлэж авах боломжтой болгомоор санагдлаа. Стресс тайлах зөвлөгөөг авах гэсэн юм аа гэртээ хариад тайвуу уужуу хийж үзмээр байна. Үр дүнтэй байвал байнга дадал болгомоор байна. Гэтэл авах ямар ч боломж алга. Хүн бүр тэр бүр гэртээ нэттэй байгаад байхгүй шүү дээ.

Leave a Reply