Хөхөөр хооллох яагаад чухал байдаг вэ?

Эхийн сүү зөвхөн хүүгийн (охины) чинь заяаны хоол, өөр юугаар ч орлуулж үл чадах гайхамшигтай рашаан, бурхан тэнгэрийн хишиг юм.

Яагаад гэвэл

Эхийн сүү хамгийн чухал шимт бодис болох уураг, тослог, нүүрс усыг хүүхдийн биед хамгийн зохистой харьцаа, хамгийн шингэцтэй хэлбэрээр агуулдаг тул хүүхдэд юугаар ч сольшгүй тэжээл болно.

Хүүхдийг төрсний дараа аль болох эрт, 20 минут дотор (төрөх орон дээр) амлуул.

Хүүхдийг хүссэн цагт нь аль болох олон удаа, өдөр шөнөгүй, хоногт 8 удаагаас цөөнгүй хөхүүл.

Хүүхэд цадаж хөхөхөө больтол нь хөхүүл.

Хүүхэддээ хөхнөөс өөр сүү, ус, бусад шингэн өгөх хэрэггүй.

Хөхүүлэхийн өмнө хүүх-дийн хамрыг цэвэрлэж амьсгалахад чөлөөтэй болго.

Хүүхдээ хөхүүлэхийн өмнө эх савантай усаар гараа угаа.

Хөхний толгой, нөсөөт хэсгийг буцалсан ус шингээсэн зөөлөн эд буюу хөвөнгөөр арч.

Хүүхдээ хөхүүлэх зөв байрлалыг сонго.

Хөхөө хүүхдэд зөв, гүйцэд үмхүүл.

Хүүхдээ хөхүүлж дуусаад хөхний толгой орчмыг цэвэр, зөөлөн алчуураар дарж хуурай болго.

Ийнхүү хүүхдээ наанадаж 4 сар, чадвал 6 сар хүртэл нь зөвхөн хөхөөрөө хоолло. Хөхүүл хүүхэд тэжээвэр хүүхдийг бодвол рахитаар 2, тураалаар 3, уушгины хатгалгаар 5, суулгалт өвчнөөр 30 дахин цөөн өвчилдөг нь элдэв өвчнөөс хамгаалах хөхний сүүний ид шидийг харуулж байна.

    1 Comment

    1. Баяраа

      Ээж нь хөхөнд сүү орохгүй бол яах вэ. Дөнгөж төрсөн хүүхдийг ээж ерөөс сүү ордоггүй юм байна. Зөвөлгөө өгөх хүн amina_anar@yahoo.com бичээрэй.

    Leave a Reply